نانسي في حارتنا

الموضوع في 'أرشيف الصور ومقاطع الفيديو الطريفة' بواسطة JIHADE, بتاريخ ‏3 جويلية 2007.

حالة الموضوع:
مغلق
  1. JIHADE

    JIHADE عضو فعال

    إنضم إلينا في:
    ‏27 ديسمبر 2005
    المشاركات:
    386
    الإعجابات المتلقاة:
    15
      03-07-2007 12:05
    الي واحد قريبي عايش في امريكا من 25 سنة ويمكن عمري ماشفته غير وأنا لسة سعدان صغير ببحبش في الحارة .
    وفي يوم مالقيت غير قريبي هاد طب علي زي القدر المستعجل .. سقط لقط .. من باب دارهم في (شيكاكو) لباب داري في حارة غليص .

    -هلو ميكي

    -ها !!

    -كيفو عمو ميكي .. مش متذكرني؟؟؟

    -لا والله ياخواجا .. اتفضل أي خدامة؟؟

    -ولك ياميكي انا حمدان ابن عم اخت عم ابوك لزم اللي عايش في امريكا ....

    -عمي حمدااااااااااااااااااااان ...

    ورحت شابط فيه ولا شبطة ابو عمار في زمانه وهاتك يا تبويس في خلقته لحد مالزلمة بطل يجمع .....

    -سلاماااات .. مممموةةة ... سلاماااااات والله ياعم ..... موووووووووة..... ياهلا ياهلا ياهلا... مووووووواة .

    وبعد ماصحصح شوي من مفعول التبويس دخل وقعدنا واتغدينا واهل الحارة التموا في الدار يتفرجو على الخواجا عمي .. وعمي طول ماهو قاعد يقول...

    -ياسلالالام .. والله زمان .. بتذكر ياميكي لمن كنت اشتريلك قضامة .. بتذكر ياميكي .. لما ضعت مني في سوق الجمعة .. بتذكر .. بتذكر ؟؟؟؟

    المهم قضاها عمي ذكريات مع نفسه وانا علي الطرباش مش متذكر شو اكلت امبارح ..

    -ويلا ياعم حمدان .. ياسلام .. ايام ... ولو ... طبعا ... ياساقلله على هيك ايام .

    وفي أخر الليل قب عمي يروح..

    -يلا ياجماعة بالأذن .. لازم ارجع الفندق .

    -وين ياعم كف الله الشر؟؟ ايش فندق مافندق انت نازل عند ولاية بلا صغرة..؟؟


    -نو ميكي حبيب قلبي .. لازم اروح .. نانسي بتستناني و اتأخرت عليها .

    -قسمن بالله غير تبيت هان ... يا ام ماوس .. طلعي الفرشة والغطا لعمي .. قال فندق قال .. زعلتني هيك ياعم .
    -بليز ميكي خليها مرة تانية .. بئدرش اترك نانسي لحالها .

    -وليش تتركها لحالها .. روح جيب شنطتك وتعال .. وبعدين انا عندي دشداشة على مقاسك مافي داعي تروح اصلا .


    -يازلمة شو شنطة ماشنطة بحكيلك نانسي .

    -قسمن بالله انا مش فاهم شو ناسي بالزبط .. جوازك معاك ؟؟


    -يخرب بيتك ياميكي ولك نانسي نانسي .. بنتي.

    -ييييييييي ياعيب الشوم ناسي بنتك !! وين ضاعت منك ..؟ بس ولا يهمك هسع بنطلع على المخفر وبنقدم بلاغ ....


    -ولك انت مسطول؟ ولك بنتي انا اسمها نانسي مش ناسي.. نااااااانسي .

    بصراحة ياجماعة انا حسيت حالي طنجرة تيفال أصلي ! بس والله معذور ايش بيعرفني نانسي ولا سخام بين.....

    -حقك على راسي ياعم ..ماتواخذني ..العتب على السمع .. طيب ياعم روح جيبها وتعال على الأقل بتتونس مع خالتها ام ماوس وتلعب مع الماوسات ...

    -هع هع هع تلعب ؟؟ هي بنت صغيرة؟؟ ماشاء الله عليها عمرها 18 سنة .


    -ماشاء الله عليها ربنا يخليلك اياها .. بس ضروري نشوفها .. مش تفل ومانشوفك الا بعد 25 سنة تانية !! هع هع

    -لالا ولايهمك بكرة إن شاء الله بنمر عليكم .. خليها تشوف اهلها .. وتتعرف على البلد و تشوف الحارة ...

    أنا في سري بقول ياويلي يمة .. نانسي بدها تفوت حارتنا ؟؟ الله يستر مايجيلها صرع .. ماشالله على هيك مناظر تتفرج عليها .. أي بيكفي الحاووز الللي على راس الحارة ..

    -إنشالله ياعم إنشالله

    وتاني يوم الصبح طب علي عمي مع نانسي بنته ... بس مشالله عليها.. الِعرق الأمريكي ضارب ضرب فيها .. بياض وشقار وعيون زرق .. زي اللي بنشوفهم في قناة اكشن .. يعني من الأخر طقع . وكان نفسي ارحب فيها زي مارحبت بعمي على طريقة ابوعمار بس ام ماوس قامت بالواجب وزيادة !!
    طبعا الحارة انقلبت قلب يومها بعد شوفة نانسي .. نسوان الحارة اجتلهم
    جلطة ( مشاعرية )
    بعد مانكشفوا على حقيقتهم .. واللي كانت على وشك تتجوز وقف حالها وبطل عنها العرسان و وضحة وضحة اللي كنت بفكر انها ملكة جمال الحارة .. طلعت جنب نانسي توفيق الدقن ..!! .
    غير شباب الحارة اللي التمو قدام دارنا ... رايحين جاين .. من صبحية ربنا لصبحية ربنا تاني يوم .. ( طبعا نازلين تشطيب في بعض على نانسي ) .. أي حتى ابو العبد اللي رجله للقبر سكر محله وصبغ شعراته وصار يقزدر قدام درانا .. آآآه ويلا يابا ماهي نانسي !!
    والمسكينة نانسي أجتلها حالة لسة مش عارف شو هي .. أولا بطلت تحكي .. وبعدين صارت عيونها تبحلق تبحلق على كل شغلة وماعندها كلمة غير كلمة نووووووووووو
    ... نوووووووووو .. أي حتى ماوس ابني لمن شافته قالت نووووووهين!! .
    يعني بالمختصر البنت أجتلها خبطة في المخيخ !!! .
    اللي استغربته ابوها .. صار يضرب كف على كف .. ويقول .. بنتي راحت بنتي راحت ...

    -مالك ياعم حمدان .. كف الله الشر ماهيها زي اللعبة .. بس هي مستغربة الجو شوي .

    -لا ياميكي بنتي راحت مني .. أنا بصراحة رجعت على البلد منشان اجوزها واستر عليها . ماهو الوضع في امريكا ياميكي صعب .. وهناك بنتك بتروح في شربة مي ولا بتقدر تحكي معها كلمة .


    -له له معقول ياعمي !! خلص ياعمي بنشوفلها عريس من هالمقاطيع هظول اللي قدامك .. وكلهم شباب شرواك .. على كيف كيفك .. بس ابعد عن ربيع .. هاظ بيشم جرابينه طول النهار .

    -خلص مافي فايدة انت مش سامع شو بتحكي ؟ بتحكيلك نو نو نو .. يعني لا لا لا وراسها الف سيف ترجع اليوم على امريكا .
    وصار عمي يولول زي الولاية المسكين وهجت نانسي من الحارة و ابوها وراها ومن يومها ماشفناهم
    أنا سمعت انه نانسي سجنت ابوها في امريكا لما اجا يمنعها تتجوز واحد امريكاني
    ( أصلي) من تبعون شيكاكو!! .
    فكركم صحيح هالحكي؟؟

    يقطعك يا أم ريكا قولوا امي
     
  2. midoo2022

    midoo2022 عضو

    إنضم إلينا في:
    ‏23 ديسمبر 2006
    المشاركات:
    198
    الإعجابات المتلقاة:
    5
      03-07-2007 14:05
    مافهمت شي !

    :nocomment:
     
حالة الموضوع:
مغلق

مشاركة هذه الصفحة

جاري تحميل الصفحة...