مريض بالمستشفلى كل من يطلع من عنده زائر يضحك ,,قصه ظريفه,,

الحالة
مغلق و غير مفتوح للمزيد من الردود.

MAHMOU7

عضو
إنضم
30 أوت 2007
المشاركات
738
مستوى التفاعل
0
:besmellah1:


القصة حقيقية ... وحصلت لواحد كان محجوز في مستشفى


قعد الرجل ده على السرير الابيض ... في مستشفى من المستشفيات في بلدنا الحبيبه ... وتقريبا كان جسمه كله إتلون بلون البياض تأثرا بالسرير اللى نايم عليه ..!!! وكان جسمه كله متربط بشرائط الشاش الابيض .. ورجليه متعلقة بحديدة الى اعلى السرير ... ومش مسموع منه غير آهاته وبالعافية ... وقعدت أفكر يا ترى هو إيه إللى حصل للراجل ده!!... علشان يبقى بالمنظر ده ؟؟!!!... فشويه أقول يمكن عمل حادثة جامدة جدا !!! ... وشوية أقول يمكن حريقة هى إللى مبهدلاه كده !!! ... ومقطعليش تفكيرى إلا صوت الموبايل وهو بيرن وكان واحد صاحبى ... كان بيسألنى خلصت الزيارة لوالدك ولا لسة ... فرديت عليه وقلتله لسة ميعاد الزيارة ... وكانت الساعة إللى فى الموبيل تقريبا 4 الظهر ... وهو ده الوقت إللى بيفتحوا فيه الزيارة .... وبدأت الإوض تتملى بنى آدمين ... مهو طبعا علشان ده وقت الزيارة .. فتلاقى حد بينقل الأخبار للمريض ... وده جايب علبة حلويات وداخل على العيان بتاعه فى الأوضة التانية ... وحد عمال يلف على الإوض ويواسى المرضى ... وهكذا ... أنا بقى قاعد مع والدى فى الإوضة وعنية على الأوضة إللى فيها صاحبنا إللى مش عارف قصته ده ... وقد لفت نظرى إن كل ما يجى يزوره حد .... يخرج من عنده وهو حيموووت من كتر الضحك .. فقلت لنفسي لازم اعرف إيه الحكاية وإيه حكاية الناس إللى بتخرج من عنده صوتها مسمع آخر المستشفى ... وتحس إن إللى بيزوره حيجيلة سكتة قلبية من كتر الضحك... فتوكلت على الله وقلت بعد ما أزور والدى أروح أزور الراجل ده وأشوف إيه القصة ..!!!!! وقد كان
مرت ساعة على قعدتى مع والدى وإستأذنت من زوار والدى قليلا ....
المهم خرجت من أوضة الوالد ورحت ناحية أوضة صاحبنا وشاورت له ... قلت له: السلام عليـكم
قال : وعليكم السلام ...
قلت له : آلف لا بأس عليك ...
قال: الله يخليك شكرا ...
قلت له : ممكن أسألك سؤال
قال : إتفضل
قلت له : ... أنا كل يوم بلاحظ إن إللى بيجى ويزورك بيخرج من عندك ضحكته مسمعه البلد كلها ...
قال لي : فضحك وقالى إنت حتحسدنا على الضحك ...
قلت له : لاوالله أنا بس مستغرب وبصراحة عايز أعرف السر ! ... اذا ما كانش عندك مانع ...
قال لي : طيـب ولا يهمك ... انت زى ما شايف أنا مكسر ومربط بالشاش ...
قلت له : أيـوه والله ... الله يشفيك...
قال لي : بص يا سيدى أنا بقى ساكن فى شقة فى الدور التانى ... وعندي بلكونه مافيش أجمل من كده ... ولما بنام بفتح باب البلكونه .. فطفيـت النور ... وقلت أريح على السرير ...
قلت في نفسي ما له : هو حيحكيلى حدوتة قبل النوم ولا إيه ...
المهم كمل كلامه : ولما نمت على السرير ... غصت في اعماق اعماق نومي ... حلمت اني في يوم القيامه ... وحلمت زى ما تقول ان الناس في مكان زى موقف الأتوبيسات وفيه أتوبيسات رايحه للجنه وأتوبيسات رايحه للنار !!! .... المهم الجماعه ينادوا بالاسامي .. فلان بن فلانه باص النار ... فلان بن فلانه باص الجنه .. وكده
فلان بن فلانه ...هه ده اسمي ... وقلبي يـدق و يـدق... رووح باص الجنه .... اووووووووووووه الحمد لله ارتحت
ومشيـت ادور على الأتوبيس إللى مكتوب عليه الى الجنه ... وحصلته ودخلت فيه ... مشيـنا بالأتوبيس وبعد فترة جاتنا لوحه الجنه 50 كيلو النار 100 كيلوا
وهذا وإحنا مع اللوحات .. والله ولاقيت الأتوبيس عدى الجنه ... قلت يمكن السواق يـعرف مكان لباب ثاني ....
شوية وشفت النار 15 كيلو ... وبعد شوية النار 10 كيلو ... وكل شوي نقرب من النار ... فسألت نفسى هى إيه الحكاية .. المشكله الناس ساكتيـن وما حدش قلق في الإتوبيس إلا انا .....قلت لما أدخل عالسواق ولاقيته مدينى ظهره ...
فقلت له : إيـه إإإيـه أنت رايح على فين ؟؟؟!!!!!!!!! ...
قال لي بدون ما يبص لى: رايح النار يا حبيبي .....
قلت له : وليه انا من اهل الجنه .. وليه توديني النار يا وش النحس!!!....
فلف ليا ... فطلع هو ابليس !!! ..
فقلت له : الله يلعنك ... انا من اهل الجنه .. يا ملعون ماتودنيش النار .. انا من اهل الجنه .... والله العظيم انا من اهل الجنه ... لسة من شوية قايليين إسمى ... أقف يا ملعون .. وقف يا ملعون ... ولغاية لما بدأت
أصرخ... وهو بانواع الضحكات الشريره هاهاهاهاها ... هاهاهاهاهاهاهاها ... هاهاهاهاهاهاهاهاهاهاهاهاها ...
قلت له : يا ملعون وقف !!! عايز انزل !!! ...
قال : والله الإتوبيس ده متبرمج على انه ما يوقفش الا في النار ... عايز تنزل نط منه .... وجريت على الباب وفتحته ... وهووووووووووووووووووووووووووووووووووووووووو وووب

وما حسيتش بنفسى إلا فى المستشفى ... ناطط من البلكونه ... في الشارع !!!!
 
machkouuuuuuuuuuuuuuuuuuuuuuuur
 
ههههههههههههههههههههههههه
 
ههههههههههههههههههههه
 
الحالة
مغلق و غير مفتوح للمزيد من الردود.
أعلى