أسئلة مالهاش أى لازمة....!!

الحالة
مغلق و غير مفتوح للمزيد من الردود.

ramzixtra

عضو فعال
إنضم
6 جويلية 2007
المشاركات
301
مستوى التفاعل
75
في اسئله بديهيه مالهاش أي لازمه بنتعرض لها كل يوم من كل الناس زي..

أنت في أوضتك ، على السرير وطافي النور ومتغطي ، يجي أخوك الظريف ويفتح الباب عليك ويقول : ايه ياده انت هتنام ولا

ايه ؟

أنتم معزومين عند ناس ورحتوا لبيتهم وأول ما فتحولكوا الباب يقول ابنهم الصغير " انتوا جيتــواااا ((لا لسه))

والعكس : أنت لابس هدومك و متأنتك و على سنجه عشره وريحة البارفان واصله لاخر الشارع وخلاص بتفتح باب الشقه,, يجي حد من أهلك وينادي بصوت عالي : انت خااااارج ولا ايييه

أو مثلا راكب العربيه ودورتها وخلاص هتطلع ... يجيلك لك البواب ويخبطلك على الزجاج, أنت بكل ذوق تفتح الزجاج وتقوله : خير في حاجه؟ يقولك : انت رايح الشغل يابيه ؟

مثلا : ماسك مذكرة أو كتاب وقاعد تحفظ ومتحمس جه حد وقالك هاه قاعد تذاكر؟

ولا تعالــو شوفو قنواتنا واسئلتهم البديهيه البايخه برنامج اهداءات يتصل واحد يطلب أغنيه ترد عليه (المذيعه) بكل خفه ورشاقه : أنت بتحب الاغنيّة ديه ولا ايه ؟

أو مثلا في العيد

المذيع: نتعرف بيك

المواطن: فلان الفلاني

المذيع: بتقول ايه للأهل ههه و صحابك ههه و قرابيك هههه و للناس اللي انت مخاصمهم كمان؟ هههههه ههههههه

المواطن : أقولهم كل عام وأنتم بخير ..

المذيعه البايخة : وياترى بقى هتعملوا ايه العيد ده هتقضوه ازاي؟ اكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيد عليهم و نقولهم كل سنه و انتوا طيبين

(( سبتي له ايه يقوله بقي))
 
الحالة
مغلق و غير مفتوح للمزيد من الردود.
أعلى