دليل البنات.. في اللباقة والاتيكيت!

الحالة
مغلق و غير مفتوح للمزيد من الردود.

حواء تونيزيا سات

أختنا الغالية
إنضم
30 ماي 2006
المشاركات
906
مستوى التفاعل
149
دليل البنات.. في اللباقة والاتيكيت!



لكل بنت نفسها تبقي شيك وبنت ناس وعندها لباقة واتيكيت في حياتها والناس تشاور عليها وتقول "بسم الله ما شاء الله" الطريق.. سهل جدا عشان تخطفي إعجاب وتقدير اللي حواليكي بس بشرط تحافظي كويس علي صوتك وصورتك وتصرفاتك وسطهم.
ابعدي عن عادة طرقعة الصوابع بين الناس وانسي أنك تبلي صابعك لو عايزة تقلبي صفحة كتاب أو جورنال!
- انسي التفاخر بجمالك ولا مالك وأصلك وجدك اللي كان قائد طابية قد الدنيا.. خلي الناس تتكلم عن أخلاقك وذوقك أحسن بدل ما يقولوا إنك مدعية ومحدثة نعمة ومغرورة.
- احذري من الشكوي أمام الناس حتي لو كنتي تعبانة أو حاسة بأي ألم.. ابتسمي دايما لأن الابتسامة عنوان الرقة والذوق السليم بالذات لما تسلمي علي حد أو تودعيه أو عند الاستئذان والشكر!
- لو اشتريتي هدية لحد لازم تشيلي ورقة سعرها قبل ما تقدميها!
- لو كنتي في قعدة فيها امرأة سمينة أوعي تتكلمي عن الرشاقة أو متاعب السمنة والرجيم.. ممكن تحس أنك تقصديها بكلامك!
- انسي التفاخر بشهادتك العالية.. مش دايما دليل علي ثقافتك!
- لو دخل عليكم في الجلسة حد لازم تقفي وتستقبليه بحفاوة!
- احرصي دايما علي النظر في وجه الذي يحدثك حتي يحس باهتمامك!
- اوعي.. اوعي مرة ثانية تتكلمي بصوت عالي.. هاتخسري أكيد!
- أوعي برضه تقاطعي أي حد بيتكلم لحد ما يخلص كلامه.
- اطلبي دايما السمو والعلو وأن تكوني فوق الشبهات في أي موقف وحافظي علي كبريائك وكرامتك قد ما تقدري.. ده أهم كنز للبنت!
 
الحالة
مغلق و غير مفتوح للمزيد من الردود.
أعلى