تركيب نظام لينوكس " ubunto " مع " xp " متكامل بالصور

الموضوع في 'أنظمة GNU Linux' بواسطة Chatti_45, بتاريخ ‏3 فيفري 2008.

  1. Chatti_45

    Chatti_45 عضو مميز

    إنضم إلينا في:
    ‏14 نوفمبر 2006
    المشاركات:
    1.028
    الإعجابات المتلقاة:
    154
      03-02-2008 01:48
    :besmellah1:
    لا اله الا الله وحده لا شريك له له الملك وله الحمد وهو على كل شئ قدير ..

    شرح لتسطيب الاوبنتو بجانب الوندوز - اكس بي - .... عشان ناس كتير جت تسطب اللينوكس عموما و غالبا بتفرمت الهارد كله بالغلط خطوة خطوة كدا هنشوف توزيعة الاوبنتو بتتسطب ازاي ... و من غير ما نفرمت حاجة بالغلط

    في نقطة مهمة ... الشرح ده على النسخة الـ live cd ...

    الاوبنتو نازل بنسختين ... نسخة بتسطب ها على طول ... و دي هى الـ alternate ... و نسخة live cd ... بتجربها الاول و بعد كدا ممكن تسطبها ... بس مينفعش تحفظ اي حاجة عليها ... لانك بمجرد ما بتعمل ريستارت كل حاجة بتروح ..

    استغفر الله الذى لا اله الا هو الحى القيوم واتوب اليه , استغفر الله الذى لا اله الا هو الحى القيوم واتوب اليه , استغفر الله الذى لا اله الا هو الحى القيوم واتوب اليه

    المهم اني هشرح على النسخة الـ live cd ... طبعا الـ alternate دي فيها ميزة عن النسخة الـ live إنها أخف في التسطيب كتير وأسرع بالذات لو الرام عندك أقل من 512 ميجا ... بس المفروض محدش يستخدمها غير لو هو متدرب على التسطيب كدا مرة ... عشان دي عامله زي تسطيب الوندوز كدا ... انما الـ live دي بتكون بواجهة رسومية لذيذة خالص و سهلة ...

    اللينوكس عموما بيحتاج 2 بارتشن ... واحد اللي بيكون عليه الحاجات الاساسية زي الـ C في الوندوز و بارتشن تاني صغير زي الـ virtual memory ... و البارتشن ده اسمه .. سواب " swap " ... الـ swap ده عبارة عن مساحة السيستم بيتسخدمها في حالة وجود نقص جامد في الرام .. يعني دي مش بيتحط عليها ملفات

    المهم يعني ...

    هناخد جزء من بارتشن فيه مساحة فاضية ... و هنعمل بارتشن بنظام ext3 ... و ده زي الـ fat32 و ntfs بتاع الوندوز ...

    هنحتاج حوالي 4 جيجا للبارتشن الاساسي ... ويستحسن 6 جيجا و لو 10 جيجا يكون احسن و احسن ... و السواب يستحسن يكون ضعفين الرامات عندك ... يعني لو راماتك 256 ... يبقى تعمل سواب بمساحة 1024 ... و لو عندك رامات 512 تعمل سواب بمساحة 2048 ميجا ... و هكذا ... و على الاقل باي حال من الاحوال لازم يكون عندك السواب 256

    المهم هنشوف ازاي هناخد جزء من البارتشنات من غير ما نفرمط حاجة .... دي حاجة بسيطه خالص ... هنستخدم برنامج Acronis Disk Director
    او اي برنامج تقسيم بتستعمله ...

    Acronis Disk Director Suite 10.0 Build 2160

    ولي تحميل البرنامج من هنا
    ولي تحميل Ubuntu تفضل من هنا
    خطوة خطوة كدا هنشوف ازاي هناخد جزء من اي بارتشن فيه مساحة فاضية ... و نعمل بارتشن جديد للينوكس ...

    [​IMG]

    والان نختار البارتشن اللي فيه مساحة فاضية و هنعمله اعادة تحجيم ... كليك يمين و نختار resize

    [​IMG]

    و الان هنعمل اعادة تحجيم للبارتشن ...

    1 : ده حجم المساحة الغير محدده قبل ما نعمل اي حاجة في البارتشن... يعني اللي مش معمولها نظام
    ملفات ... يعني مينفعش نحط عليها ملفات ...

    2 : ده الحجم الكلي للبارتشن ....

    3 : المساحة الغير محدده بعد تعديل حجم البارتشن ...

    4 : المساحة الفاضية في البارتشن ... طبعا انا اصلا الهارد بتاعي عنده تخمه ... شوفوا بارتشن عندكوا يكون فيه حوالي 6 جيجا فاضيين ... لو يكون 10 جيجا يكون احسن و احسن ...

    [​IMG]

    و الان زي ما انتوا شايفين كدا المساحة الغير محدد بعد تحجيم البارتشن زاد ... و هى دي اللي هنعمل منها البارتشن الجديد الـ ext3 ..


    [​IMG]

    اهه المساحة الغير محدده ... يعني اللي ملهاش نظام ملفات ... هنعمل منها بارتشن جديد ... نوعه ext3 ...

    [​IMG]

    هنعمل كليك يمين على unlocated space ... و نختار create partition

    [​IMG]

    هنختار زي الصورة كدا ... عند الـ file system .... هنختار ext3 ....

    و عند الـ create as ... مش هنعملها زي الصورة ... هنعملها primary ... عشان البارتشنات الـ primary ليها عدد معين و انا استنفذت العدد ده ... المهم ... اعملوها primary

    [​IMG]

    كدا تمام البارتشن اتعمل و يستحسن يكون في حدود 6 جيجا ... و بنفس الطريقة هنعمل السواب .. و يكون ضعفين الرامات يعني لو راماتك 256 اعمل السواب 1024 ... و هكذا .. بس طبعا عند الجزء بتاع الـ file system هنختار linux swap ... زي الصورة

    [​IMG]
    [​IMG]



    بعد ما نكون عملنا 2 بارتشن واحد بينزل فيه الحاجات الاساسية و بيكون بنظام ext3 ... و واحد بيكون زي مساعد كدا و مش بيتحط عليه ملفات ... و بيكون بنظام swap ...

    هندوس على شكل العلم بتاع السباق ده ...

    استنى سويه يا أخى لما آخد نفسى .... الحمد لله , الحمد لله , الحمد لله , الحمد لله , استغفر الله , استغفر الله , استغفر الله

    و طبعا بعد ما نتأكد من ان كل حاجة تمام ... و اننا معملناش حاجة غلط ... هنختار proceed
    و هيبدأ في التقسيم عادي خالص و بعد ما يخلص ممكن يطلب ريستارت ... خليك معاه للاخر ... و متخفش احنا عملنا اعادة تحجيم بس يعني مفيش اي ملفات او اي بارتشن هيتمسح منه حاجة ...
    [​IMG]
    وناخد فاصل ونرجع مرررررررررررررررره تانيه ....

    [​IMG]
     
    7 شخص معجب بهذا.

  2. Chatti_45

    Chatti_45 عضو مميز

    إنضم إلينا في:
    ‏14 نوفمبر 2006
    المشاركات:
    1.028
    الإعجابات المتلقاة:
    154
      03-02-2008 01:58
    سبحان الله والحمد لله ولا اله الا الله والله أكبر ولا حول ولا قوة الا بالله العلى العظيم


    ةرجعنالكم مررررررررررررررررره تانيه ونكمل

    كدا الجزء الخاص بعمل بارتشن للينوكس هنيجي لتسطيب الاوبنتو لينوكس .. و زي ما قلت في الاول ... الشرح ده هيكون على الـ live cd .. يعني بواجهة رسومية 100 %
    طبعا الاسهل التسطيب من الـ live cd .. عشان ببساطة ممكن تعمل حفظ save للشرح ده على الهارد بتاعك ... و لما تيجي تسطب تفتح الشرح و تطبق ... عشان ميحصلش اي غلط ..

    ملحوظة : الشرح تحت الصور ..

    استغفر الله الذى لا اله الا هو الحى القيوم واتوب اليه , استغفر الله الذى لا اله الا هو الحى القيوم واتوب اليه

    دلوقتي بعد ما نزلنا نسخة الاوبنتو و حرقناها على اسطوانة ... هنحط الاسطوانة في الـ CDrom ... و نتأكد ان اول حاجة بنعمل منها بوت هلى الـ CDrom ... كأننا هنسطب نسخة وندوز بوتابل ...

    او ما نبوت من الاسطوانة ... او حاجة هنقابلها الصفحة دي ...
    [​IMG]

    هنختار زي الصورة " Start or install Ubuntu "
    [​IMG]

    اول ما الجهاز هيحمل هنلاقي الدسيك توب الجميل ده ...
    ممكن تستخدم النسخة و ندخل على النت مثلا ... نشغل ملفات ملتي ميديا ... اوفيس ...
    يعني نجربها كدا الاول و نشوفها اذا عجبتنا نقدر نسطبها .. - حلوة طبعا D: -
    المهم ... لما نيجي نسطبها هنختار .. الايكونة اللي على الديسك توب دي اللي اسمها " Install "

    [​IMG]


    دلوقتي هنحدد لغة الواجهة ... هنخليها الانجليزية اعتقد احسن ...
    بعد ما اختارنا الانجليزية ... هندوس " Forword " - بعد كدا بعد كل ما نعمل اي حاجة دوس Forword ...

    [​IMG]
    هنختار المكان اللي احنا فيه ... و عليه هيتم تحديد التوقيت ... Cairo طبعا ... او حسب المكان اللي انت موجود فيه ....
    [​IMG]

    دلوقتي هنختار اللغة الاساسية اللي هنستخدمها في الكتابة ... هنخليها انجليزي دلوقتي ... و لما نسطب النسخة هنضيف اللغة العربية ... و من على الشمال هنختار اللكنة –
    [​IMG]
    انتظر عملية التحميل..

    [​IMG]

    راعى دقة تنفيذ الآتى دي طريقة تقسيم الهارد ... طبعا احنا هنختار التقسيم اليدوي " Manual " ... عشان احنا اصلا عاملين البارتشن من الاول ...
    [​IMG]


    هنختار البارتشن اللي احنا عملناه ببرنامج
    Acronis Disk Director Suite

    طبعا هنختار البارتشن اللي بنظام ext3 ...

    هنعمل " Edit partition " - زي الصورة -

    [​IMG]


    بعد ما دوسنا " Edit partition " ... هنعمل حاجة بسيطة خالص ...
    عند الخانة بتاعة " Mount point " - اللي معمول عليها بالاحمر في الصورة -


    هنشيل الكلام اللي كان مكتوب و هنحط العلامة دي " / " - من غير علامة الاقتباس طبعاً -
    العلامة دي اسمها سلاش .. و بيتقال عليها root لانها اصل النظام ... زي الـ C في الوندوز كدا ...
    و ندوس ok

    [​IMG]

    بعد ما خلصنا و دوسنا ok ... هنعلم على المربع اللي جنب البارتشن بتاع اللينوكس ... عشان يتعمله فورمات ...

    خلي بالك .. لو عملت علامة الصح جنب اي بارتشن تاني هيتفرمط كله ... فخلي بالك و انت بختار بدل ما تمسح كل الحاجات اللي عندك على الهارد ...


    [​IMG]

    دلوقتي لو عندك نظام تشغيل تاني زي الوندوز مثلا و عاوز تاخد نفس الاعدادات بتاعته هتعلم على المربع اللي جنب اسم الوندوز ... و زي ما انتوا شايفين كدا الجهاز ده عليه وندوز اكس بي .. و عادي يعني براحتك تختارها او لأ ... انا عن نفسي غالبا مش بختارها ...


    [​IMG]


    دلوقتي هنعمل مستخدم جديد ... ده الاسم اللي هندخل بيه يعني ...
    اول خانة : اكتب اسمك .. او اي حاجة .. مش مهم يعني ...
    تاني خانة : الاسم اللي هتدخل بيه ... - لازم تحفظه كويس عشان ده اللي هتدخل بيه - ... خلي بالك مينفعش تعمل اول حرف من اسم المستخدم حرف كبير ... لازم يكون صغير ..
    تالت خانة : الباسورد و تأكيد الباسورد ... بده لازم تحفظه كويس عشان تقدر تدخل ..
    رابع خانة : الاسم اللي عاوز الكمبيوتر بتاعك يظهر بيه على الشبكة ... - network -
    [​IMG]

    هتظهرلك الصورة دي عشان تأكد عليك التغييرات اللي انت عملتها ... لو انت عملت زي الشرح يبقا انت كدامفيش مشاكل.. و دوس " Install " على بركة الله ..
    [​IMG]

    دلوقتي هو بيسطب النسخة ... قول بقى .. استغفر الله الذى لا اله الا هو الحى القيوم واتوب اليه لغاية مايخلص انت وراك حاجه قول ياسيدى هه لما اقول معاك استغفر الله الذى لا اله الا هو الحى القيوم واتوب اليه..

    [​IMG]

    تم التسطيب بنجاح .. عاوز تكمل بالـ live cd ولا تعمل ريستارت و تدخل على النسخة المتسطبة
    يستحسن تعمل ريستارت ..


    تعرف انت خرجت من الدرس ده بحاجتين مهمين أوى ...

    1- انك اتعلمت حاجه جديده مكنتش تعرفها ....
    2- انك استغرفت ربنا اكتر من 200 وده طبعا لو نفذت كل اللى موجود فى الشرح وسبححت ربنا كتير اوى وخدت حسنات كتيره ..

    - وانا الغلبان اللى عمل الموضوع ده مش منتظر غير كلمة شكر او دعوه ...


    منقول بتصرف ​
     
    15 شخص معجب بهذا.
  3. borchanii

    borchanii نجم المنتدى

    إنضم إلينا في:
    ‏17 أفريل 2006
    المشاركات:
    7.528
    الإعجابات المتلقاة:
    7.137
      03-02-2008 10:10
    بارك الله فيك و رزقك من حيث لا تدري
    +35 نقطة ...
     
    2 شخص معجب بهذا.
  4. Chatti_45

    Chatti_45 عضو مميز

    إنضم إلينا في:
    ‏14 نوفمبر 2006
    المشاركات:
    1.028
    الإعجابات المتلقاة:
    154
      03-02-2008 11:17
    مشكور و بارك الله فيك و رزقك من حيث لا تدري كذالك
     
  5. Chatti_45

    Chatti_45 عضو مميز

    إنضم إلينا في:
    ‏14 نوفمبر 2006
    المشاركات:
    1.028
    الإعجابات المتلقاة:
    154
      03-02-2008 21:22
    30 مشاهدة ولا حتى كلمة شكر
     
    • 03-02-2008 21:39
    طريقة صحيحة و تعمل مع كل إصدارات لينيكس

    و لكن لديا تعديل و من المستحسن إستعماله




    لا حاجة لتقسيم القرص الصلب لعدة أجزاء للـــ swap و FileSysteme ...

    يكفي وضع جزء واحد بحجم معقول (10 جيقابايت مثلا)

    و فرمتته بنظام EXT3

    و عند تنصيب اللينكس سيقوم بنفسه بالتقسيم اللازم




    شكـــــرا لك خويا العزيز

    :satelite:
     
    3 شخص معجب بهذا.

  6. Chatti_45

    Chatti_45 عضو مميز

    إنضم إلينا في:
    ‏14 نوفمبر 2006
    المشاركات:
    1.028
    الإعجابات المتلقاة:
    154
      03-02-2008 22:36

    مشكور معز على التوضيح


    :satelite::kiss:
     
    1 person likes this.
  7. boca007

    boca007 نجم المنتدى

    إنضم إلينا في:
    ‏27 سبتمبر 2006
    المشاركات:
    2.892
    الإعجابات المتلقاة:
    994
      03-02-2008 23:11
    شيء ممتاز
    شيء ممتاز
     
    1 person likes this.
  8. Chatti_45

    Chatti_45 عضو مميز

    إنضم إلينا في:
    ‏14 نوفمبر 2006
    المشاركات:
    1.028
    الإعجابات المتلقاة:
    154
      05-02-2008 00:47


    merci pour votre commentaire je m'execuse car j'ain'est pas la langue arab

    :satelite::satelite:
     
  9. ghribi taoufik

    ghribi taoufik عضو مميز

    إنضم إلينا في:
    ‏31 ديسمبر 2007
    المشاركات:
    999
    الإعجابات المتلقاة:
    1.247
      06-02-2008 14:08
    مشكور يا أخي على المجهود القيم
     
    1 person likes this.
جاري تحميل الصفحة...
مواضيع مشابهة التاريخ
شرح شرح تثبيت نظام الأرش لينوكس أساسي ‏25 ماي 2016
طلب لينوكس اوبنتو ‏10 جويلية 2016
شرح تثبيت أنظمة لينوكس مباشرةً من شبكة الأنترنت ‏24 جانفي 2016

مشاركة هذه الصفحة

جاري تحميل الصفحة...