1. كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها
    إستبعاد الملاحظة

قصيدة أحمد فؤاد نجم إلى الرّئيس المصريّ

الموضوع في 'منتدى الشعر والأدب' بواسطة cobraaa, بتاريخ ‏8 فيفري 2008.

  1. cobraaa

    cobraaa كبير مراقبي المنتدى التعليمي

    إنضم إلينا في:
    ‏29 ديسمبر 2007
    المشاركات:
    5.809
    الإعجابات المتلقاة:
    25.476
      08-02-2008 22:02
    هذه قصيدة أحمد فؤاد نجم إلى الرئيس المصري حسني مبارك، لن أعلّق، فهي لا تحتاج إلى أيّ تعليق و أترك الحكم لكم....
    - - - - - - - - - - - - - - - - - - - - - - - - - - - - - - - - - -


    سيدي الرئيس

    في عيد ميلادك الكام وسبعين

    كل سنة وأنت طيب

    واحنا مش طيبين

    كل سنة وأنت حاكم

    واحنا محكومين

    واحنا مظلومين

    واحنا متهانين

    ويا ترى يا حبيب الملايين

    فاكرنا ولا احنا خلاص منسيين

    فاكر المعتقلين

    فاكر الجعانين

    فاكر المشردين

    فاكر اللي ماتو محروقين

    فاكر الغرقانين

    الله يكون في عونك - هاتفتكر مين وللا مين

    في عيد ميلادك الكام وسبعين

    بقول لك كلمتين

    الأوله

    شيلتنا طين

    وهل تعلم أن النيل بقى رشاح

    والجو أصبح بيئة والعيشة ولعة

    والشرفا قلوبهم عالبلد والعة

    وانت عاملهم مذبحة ولا بتاعة القلعة

    والاقتصاد سداح

    والسرقة بقت كفاح

    ومصر متاحة بس للسياح

    وعرض البلد بقى مستباح

    والتانية

    ورتنا الويل

    دا الخطوة في عهدك بقت ميل

    والضحك بقى نواح وعويل

    والكوسة

    عارف الكوسة

    ممكن أقولك فيها موواويل

    والجامعة بقت يا إما كباريه أو دار مسنين

    والشباب معظمهم من غير خمرة سكرانين

    والعلم عز على المتعلمين

    والأساتذة بقم دجالين

    والقادة بقم طبالين

    واديني في الهايف يا حبيب الملايين

    والتالتة

    عارف اليابانيين

    زمان في سنة اتنين وخمسين

    كان عندنا تروماي وكان عندنا علم ومتعلمين

    وثقافة ومثقفين

    وأدبا وعلما وفنانين

    وكانو اليابانيين

    بالنووي لسة مضروبين

    وللصدقة مستحقين

    دلوقتي إحنا فين وهما فين

    هما فوق واحنا في أسفل سافلين

    والرابعة

    أمن البلد بقى تنين

    والمحاكم اتملت مظالم

    والعدالة بقت كمالة

    وكلمة الحق في الزبالة

    وأصحابها في الزنازين

    والخامسة

    القطاع العام…. عام

    والفساد…. ساد

    وفي جتة بلدنا بيرعى

    أفتكر لجنابك إيه وللا إيه

    وكل ذكرى ليك بدمعة

    آآآآآآآآه آآآآآآآآه

    أنا كنت حالف ميت يمين

    أكملهم لك تمنية وسبعين

    بس هاكفيهم ورق منين

    وكل سنة وأنت

    واحنا طيبين


     
    19 شخص معجب بهذا.

  2. adnen hajlèwi

    adnen hajlèwi عضو نشيط

    إنضم إلينا في:
    ‏28 مارس 2007
    المشاركات:
    174
    الإعجابات المتلقاة:
    61
      08-02-2008 22:18
    الله يرحم والديك
     
    6 شخص معجب بهذا.
  3. mehdovic27

    mehdovic27 عضو

    إنضم إلينا في:
    ‏20 ديسمبر 2007
    المشاركات:
    3.410
    الإعجابات المتلقاة:
    5.138
      08-02-2008 22:25
    الله يرحم والديك
     
    5 شخص معجب بهذا.
  4. 7aj3adnen

    7aj3adnen عضو نشيط

    إنضم إلينا في:
    ‏7 ديسمبر 2007
    المشاركات:
    146
    الإعجابات المتلقاة:
    127
      11-02-2008 08:58
    فعلا شكرا على هذا الإختيار الصائب ... و فماش أحسن من رحمة الوالدين

    الله يرحم والديك
     
    5 شخص معجب بهذا.
  5. MED*AZIZ

    MED*AZIZ نجم المنتدى

    إنضم إلينا في:
    ‏27 جويلية 2008
    المشاركات:
    1.672
    الإعجابات المتلقاة:
    6.241
      16-02-2009 15:51
    وان قمنا بلصقها على كل نظام عربي فهل سيختلف المعنى يا ترى...نترك الاجابة للزمن
     
    4 شخص معجب بهذا.

  6. lotfi222

    lotfi222 كبار الشخصيات

    إنضم إلينا في:
    ‏24 فيفري 2008
    المشاركات:
    8.272
    الإعجابات المتلقاة:
    28.701
      17-02-2009 19:27
    وبعد هذا الخطاب توجه او احب شعبه
    يا شعبى يا حبيبى
    (من حسني مبارك للشعب المصري)



    ياشعبي ياحبيبي ياطيب يابيبي ياحاطك في جيبي يابن الحلال
    ياشعبي ياشاطر ياجابر خواطر ياساكن مقابر وصابر وعال
    ياواكل سمومك يابايع هدومك ياحامل همومك وشايل جبال
    ياشعبي اللي نايم وسارح وهايم وفي الفقر عايم وحاله ده حال
    احبك محشش مفرفش مطنش ودايخ مدروخ واخر انسطال
    احبك مكبر دماغك مخدر ممشي امورك كده باتكال
    واحب اللي ينصب واحب اللي يكدب واحب اللي ينهب ويسرق تلال
    واحب اللي شايف وعارف وخايف وبالع لسانه وكاتم ماقال
    واحب اللي قافل عيونه المغفل واحب البهايم واحب البغال
    واحب اللي راضي واحب اللي فاضي واحب اللي عايز يربي العيال
    واحب اللي يائس واحب اللي بائس واحب اللي محبط وشايف محال
    واحبك تسافر وتبعد تهاجر وتبعت فلوسك دولار او ريال
    واحبك تطبل تهلل تهبل عشان مطش كوره وفيلم ومقال
    واحبك تأيد تعضض تمجد توافق تنافق وتلحس نعال
    تحضر نشادر تجمع كوادر تلمع تقمع تظبط مجال
    لكن لو تفكر تخطط تقرر تشغلي مخك وتفتح جدال
    وتبدأ تشاكل وتعمل مشاكل وتنكش مسائل وتسأل سؤال
    وعايز تنور وعايز تطور وتعمللي روحك مفرد رجال
    ساعتها حجيبك لايمكن اسيبك وراح تبقى عبره وتصبح مثال
    حبهدل جنابك وأذل اللي جابك وحيكون عذابك ده فوق الاحتمال
    وامرمط سعادتك واهزأ سيادتك واخلي كرامتك في حالة هزال
    وتلبس قضيه وتصبح رزيه وباقي حياتك تعيش في انعزال
    حتقبل ححبك حترفض حلبك حتطلع حتنزل حجيبلك جمال

    احمد فؤاد نجم
     
    8 شخص معجب بهذا.
  7. lladmin

    lladmin عضو

    إنضم إلينا في:
    ‏23 أوت 2007
    المشاركات:
    3.217
    الإعجابات المتلقاة:
    8.322
      25-02-2009 22:53
    كل سنة وأنت طيب

    واحنا مش طيبين

    كل سنة وأنت حاكم

    واحنا محكومين

    واحنا مظلومين

    واحنا متهانين


    كلمات تعبر عن مشاعر كل عربي مازال فيه القليل من النخوة ..
     
    7 شخص معجب بهذا.
  8. asssel

    asssel Medical team

    إنضم إلينا في:
    ‏16 ديسمبر 2008
    المشاركات:
    1.537
    الإعجابات المتلقاة:
    7.137
      03-03-2009 16:51
    قصيدة رائعة اخرى لاحمد فؤاد نجم يعبر عن الشارع المصري بسخرية بعنوان
    نؤيد سيادتك

    نؤيد سيادتك لفترة جديدة

    نكمل خلالها المسيرة السعيدة

    و بالمرة فيها نبيع الحديدة

    مفيش حاجة تانية نبيعها خلاص

    *****

    نؤيد سيادتك لأجل المزيد

    من اللي تحقق بفضلك أكيد

    بقينا خلاص ع الحميد المجيد

    و ربك لوحده ف ايده الخلاص

    *****

    نبايع سيادته ولا حد غيره

    كفايا علينا نبرطع في خيره

    و نوم شعب مصر العظيمة و شخيره

    يقول للحرامي ما تسرق كمان

    *****

    نبايع سيادته وابنه وحفيده

    مفيش زي فكره قديمه و جديده

    خرابك يا مالطة حيحصل بايده

    ومين فيكي يعني بيسمع آذان

    *****

    نبوس ايد سيادتك و رجلك كمان

    تخليك معانا يا ريس عشان

    وجودك ضرورة فرضها الزمان

    و من غير وجودك حقيقي نضيع

    *****

    دي مصر بتاعتك و احنا ضيوفك

    كفايا علينا يا ريس نشوفك

    و عاذرين سيادتك و فاهمين ظروفك

    عليك بس تؤمر و احنا نطيع

    *****

    في جزمة سيادتك كلابك يبوسوا

    و فوق الغلابة بجزمهم يدوسوا

    و شعبك ليلاتي يا ريس غموسه

    مذلة و مهانة و حوجة و مرار

    *****

    لكن يعني ما دمنا شعب انتساب

    و دايما وأبدا ف حالة غياب

    متعملش لينا يا ريس حساب

    دي عزبة سيادتك و فيها انت حر

    *****

    و دستور مدستورش مش فارقة خالص

    كلام فاضي كله يا فندم بناقص

    كفايا علينا الفساد اللي ماصص

    عرقنا و معشش و ضارب جذوره

    *****

    و ايه يعني تهري جتتنا البلاوي

    يوماتي كوارث فضايح رشاوي

    كفايا علينا القعاد في القهاوي

    بنستنى لما الوريث ييجي دوره
     
    6 شخص معجب بهذا.
جاري تحميل الصفحة...
مواضيع مشابهة التاريخ
قصيدة مساؤك نافلة من خشب ‏8 جويلية 2016
زعمة ‏9 ديسمبر 2015
قصيدة " زعمة في فيديو كليب " ‏28 فيفري 2016

مشاركة هذه الصفحة

جاري تحميل الصفحة...