1. كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها
    إستبعاد الملاحظة

يمـه مريولي توسخ

الموضوع في 'منتدى الشعر والأدب' بواسطة jassine, بتاريخ ‏12 أفريل 2008.

  1. jassine

    jassine عضو مميز

    إنضم إلينا في:
    ‏28 نوفمبر 2005
    المشاركات:
    886
    الإعجابات المتلقاة:
    1.120
      12-04-2008 19:42
    يمـه مريولي توسخ قصيدة أعجبتني كثيرا وأحببت نقلها لمنتدانا للإفادة


    يـــمـــه ..
    تكفين اسمعيني ...
    يمـه بسألك شي ..
    جاوبيني ..
    هو صحيح اللي مات
    داخل القبر يصير حي ...؟؟؟

    يــمـــه ...
    أسمع أنــا صوتك ..
    كل يوم اسمعه ..
    واذا حاكيتك هاوشوني ..
    قالوا انسي ..
    روحي يالله العبي .... !!

    يمه تعالي ارجعي ...
    والله خلاص بسمع كلامك ..
    ما اخرب العابي ..
    وان قلتي يالله ..
    روحي نامي ..
    أروح حتى ماتزعلي ..

    يمه تكفين ارجعي ..
    اليوم حطت لي المديره ..
    نجمه من فوق جبهتي ..
    يمه سمعتها تقول..
    مسكينه هالبنت صارت يتيمه ..
    قالت لها ابله منيره ..
    مسكينه توها صغيره ..
    وش كانوا يقصدون ..؟
    يمكن عشاني صرت عاقله ..
    ولا عشاني دايم اسرح



    يمه مريلولي توسخ ..
    ماكان قصدي اوسخه ...
    بس تذكرت انك تقولي ..
    بعد شهرين..
    بشتري لك لبس ثاني ..
    يمـه تعالي اشتري ...

    يمـه عرفتي مها ..؟
    صديقتي اللي معي ..
    زاعلتني ..
    تقول ماصرت انا اضحّـكها
    راحت تدور غيري
    عشان تلقى احد يونسهـا

    يــمــه
    يالله خلاص لاتمزحي
    يالله قومي
    تعالي معي للبيت ارجعي



    يمه يمممه
    نسيت شي ..
    بقولك ترى بيتنا صار فاضي ..
    ماحد يجينا ..
    وكل اللي فيه انا واخواني ..
    ليه وين اقاربنا ..؟؟
    وين خالتي ..
    اللي كانت تجينا ...


    يمممه قوومي يالله تعالي ..
    تكفين يالله تعالي ..
    ماودي ارجع لحالي
    والله خايفه ..
    ترى امس جيتك ..
    مارديتي ..
    حسبتك نــايمه ..

    أو اقولك ..
    خلاص خلاص ..
    انا بجيك بكرى ..
    اذا راحوا من هنا الناس ..
    تكفين يمه بكرى اصحي ..
    تكفين يمه بكرى ارجعي ..
     
    4 شخص معجب بهذا.

  2. بن العربي

    بن العربي عضو مميز في منتدى الشعر والأدب

    إنضم إلينا في:
    ‏10 مارس 2008
    المشاركات:
    435
    الإعجابات المتلقاة:
    1.032
      12-04-2008 20:48
    شكرا للأخ على هذا الاختيار..
    كنت تمنيت لو أسندتها إلى قائلها.
    اللهجة عراقية.. ربما ، وكان من الأحسن رسم حركات الحروف لتسهل قراءتها.
    شكرا لك مرّة أخرى.
     
    4 شخص معجب بهذا.

مشاركة هذه الصفحة

جاري تحميل الصفحة...