1. كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها
    إستبعاد الملاحظة

العيش المدعووم.. المعدووم

الموضوع في 'منتدى الشعر والأدب' بواسطة xxxxxx, بتاريخ ‏13 أفريل 2008.

  1. xxxxxx

    xxxxxx عضو جديد

    إنضم إلينا في:
    ‏27 مارس 2008
    المشاركات:
    3
    الإعجابات المتلقاة:
    2
      13-04-2008 02:18
    سؤالٌ حـــائرٌ حـــــائر وجَلَ له القلب ُ والخـاطـر
    ألأننــا جئـــنا فى زمنٍ فيه الحـقد والغـدر والشـر
    أم أننـــــا فعلنــا ذنبـــاً وهــذا الذنـب لا يُغتـفــــر
    أم أنهــــم يبحثـــــــونَ عن حُبٍ ولّـىَ وانـدثـــــر
    هـــــل الحـــب عــــارٌ مـنـه نهـــربُ ونـفـــر ؟!

    أليس حباً .. نــظــــرةُ عــــاشقٍ الــــى القمـــــر
    أليس حباً .. يــــــدُ أخٍ تحتضـن يــدَ أخٍ أصغـــر
    أليس حباً .. مـــــا بين زهـرةٍ تتفتـــحُ والمطــــر
    أليس حباً .. خـوفُ أمٍ على طفلهــــا من خطـــر
    أذنبٌ هذا الح،ب الذى تنزه عن رغبات البشر؟!
    فــــإن كــــان ذنبـاً ... فــأدعوا الله أن لا يغتفـــر

    آه .. آه .. ألــــمٌ يـكـادُ القلـــبُ منــــــهُ يُعتصــر
    ويـكــــــادُ مـن فــَرط حُــــــزنــه أن يَنشطـــــر
    ما أصعب من صديقٍ يــأتيــــك بطعنــــة غــدر
    وطـــعمُ الــــغدرِ مُــرٌ ومن صديقٍ أصعبُ وأمر
     
    1 person likes this.

  2. xxxxxx

    xxxxxx عضو جديد

    إنضم إلينا في:
    ‏27 مارس 2008
    المشاركات:
    3
    الإعجابات المتلقاة:
    2
      13-04-2008 02:20
    قوم يا مصرى ونفض هدومك ... وانفض همومك .. وهدد خصومك .. وسب والعن اللى يلومك

    ولازم تعافر تهاجر تسافر .. المهم انك تعافر .. تصرخ بعلو الصوت فى المنابر .. تهيص تهجص تطرقع تبرطع .. تقوم من ثباتك .. وتثبت لذاتك ان انت مصرى

    قوم يا مصرى ونفض هدومك .. وعارف هاقولك .. كفايه الهوان .. كفاية التفاخر بكنا وكان هو انت فينك .. فى وسط المحافل .. فى وسط الحيتان .. فى وسط الجحافل .. الظاهر ان انت غافل ...العالم كله فاتح .. وبس انت قافل ..

    قوم يا مصرى ونفض هدومك .. خليك مناضل .. و هلييس وفاضل .. وتعيش حياتك .. بكل الحالات المهم انك متكونش عاطل ...


    قوم يا مصرى ونفض هدومك .. وكتر من صلاتك وصومك .. وادعى ربك ينور دروبك ... ويهديك ويهديلك خصومك .. ويمكن فى يوم يفرجها عليك .. وتصبح حياتك ما بين اديك ..

    قوم يا مصرى ونفض هدومك .. وحاول تصلح حالك شوية .. تفكر فى وضعك بحبة روية .. وتلحق بقطر الحياة اللى جاية .. ويمكن ساعتها تروق الليالى .. وتعيش سيادتك عيشة هنية ..


    قوم يا مصرى ونفض هدومك .. تعيش وتاخد غيرها
     
  3. xxxxxx

    xxxxxx عضو جديد

    إنضم إلينا في:
    ‏27 مارس 2008
    المشاركات:
    3
    الإعجابات المتلقاة:
    2
      13-04-2008 02:32

    مدعووووووم مدعوووووووووم ...
    مدعوم والشعب محروم محروم يا عيش .
    مدعوم وديما معدووم معدووم يا عيش .

    ولا بتظهر ولا بتبان ... فى يوم يا عيش
    وعمرى .. عمرى ما شفتك من غير طابور
    كل مرة كل مرة ارجع المشوار محسور
    انهاردة ..انهاردة جاى تقول الدعم راح
    جاى تقولى ياله يابنى.. ياله يابنى انسى الافراح

    اتنيل .. واحدفلى رغيف ...آكل وبطل تخريف
    اتنيل .. واحدفلى رغيف ...آكل وبطل تخريف
    وأمانة
    امانه يا دوله امانة ... تدينا من الردة حيفانة
    وتخلى اللت بعيد عنا .. وتقولى للخبز استنى
    استناااااااااا

    تانى تانى تانى ... حنروح للفرن تانى
    للنار والطابور .. من تانى
    وتانى تانى تانى .. راجعين للزحمة تانى
    وندوخ ونزهق .. من تانى
    ونعيش الضجر .. وساعات القهر
    وآهات الالم .. فى طابور الندم

    وياعيش .. اه يا عيشى اه يا عيشى .. يا حلم الغلابة
    يالى شوفت فى ماجيبك كل الهموم وانا واقف بعيد
    وياعيش .. اه يا عيشى اه يا عيشى .. يا حلم الغلابة
    خلى يارب الفرن فى الحتة يطلع عيش من جديد

    وأمانة
    امانه يا دوله امانة ... تدينا من الردة حيفانة
    وتخلى اللت بعيد عنا .. وتقولى للخبز استنى
    استناااااااااا

    وابتدا ابتدا ابتدا ... ابتدا الفرَان
    واه يا خوفى .. اه يا خوفى
    اه يا خوفى من زحمة الافران
    اه ياخوفى
    الزحمة وللا الجوع اه يا عيشى
    واقف وانا حيران اه يا خوفى

    وتدافعنا والطابور قدام عينينا دنيا
    وتقاتلنا عشان رغيف العيش فى ثانية

    كل طاولة وعيشها فيها
    تخرج ونجرى كلنا عليها
    واللى يطول حاجة يخبيها

    العجين فى ايدينا .. حسيت بالعجين فى ادينا
    وياجعان خد منى لقمة ياللى محروم وجعان

    والقفص طلع والعيش خلص
    والدقيق وقع والعجين نقص

    وامانه يا دوله امانة ... تدينا من الردة حيفانة
    وتخلى اللت بعيد عنا .. وتقولى للخبز استنى
    استناااااااااا

    شوف بقينا فين شوف
    شوف بقينا فين يا غولبى
    والدعم راح فين
    والدولة خادتنا لفين يا غلبى
    وشوف سابتنا فين

    فى زحمة الافران واقفين .. فى زحمة الافران
    وفى هم الطوابير ضايعين .. وفى نفس المكان

    لاالعيش موجود اه يا همى ولا ممكن نصوم يا بطنى
    شوف

    بتضحى الدول حولينا ... لشعبها الحزين
    وهنا وهنا بيضحكوا علينا ... بالدعم اللعين بالدعم اللعين
    حتى الاسعار حولينا ولعت .. وهما على طول غايبين
    غايبين غايبين غايبين

    وتانى تانى تانى ... حنروح للفرن تانى
    للنار والطابور .. من تانى
    وتانى تانى تانى .. راجعين للزحمة تانى
    وندوخ ونزهق .. من تانى
    ونعيش الضجر .. وساعات القهر
    وآهات الالم .. فى طابور الندم

    وامانه يا دوله امانة ... تداوينا وتدينا داوانا
    وتخلى الدعم بعيد عنا .. ولا نستناه ولا يستنى
    وتخلى الدعم بعيد عنا .. ولا نستناه ولا يستنانا
    امـــــــــــــــــاااااااااااانة

    قالوا فى المثل زمان : عيشنا وشوفنا
    مش عارف هيقولوا ايه دلوقتى فى ظل ازمة العيش
    ممكن يقولوا مثلا : ماشفناش عيشنا

    · اكيد لو كان العندليب الراحل عايش كان هيغنى ( مدعوم ) بدل ( موعود )
    · بقلم المنتظر بالله للعيش المزعوم .. والاكل المدعوم ...

    ياسر كمال
     
    1 person likes this.
  4. بن العربي

    بن العربي عضو مميز في منتدى الشعر والأدب

    إنضم إلينا في:
    ‏10 مارس 2008
    المشاركات:
    435
    الإعجابات المتلقاة:
    1.032
      13-04-2008 19:25
    أخي الكريم
    إن كنت أنت ياسر كمال
    سأتعامل مع أغنيتك المعبرة في هذه المساحة من منتدانا.. وإن كنت أنت xxxxxx ونقلتها عن ياسر كمال، فإن مكان عرضها هو خارج هذا الركن "صحيفة أدباء المنتدى" والذي هو مخصص للإنتاج الشخصي دون المنقول..
    على كل حال.. كلماتك مستوحات من "ثورة الرغيف" التي تعيشها بعض المدن المصرية والتي هي في حدّ ذاتها تعبير جائع عن رغبته في الأكل "الحاف" كما يقال في مصر.. هذا الرغيف الذي أصبح أمنية الفقير في بلد النيل العظيم.. هذا ما جناه أبي عليّ.. إنه توجّه السلطة المصرية نحو الانفتاح الذي فتح أبواب المخازن والمطامير.. فاندفع مخزون القمح وسرقته النملة.. أنا أمازح فقط.. ولعل المزاح يخفف من وطأة الألم الذي يعيشه فقراء مصر وهم أغلبية الشعب.
    أين أمريكا ووعودها المعسولة؟ أين أمريكا وعطاؤها السخيّ؟ هي أول منتج للقمح؟ أليست مصر راعية السلام.. وبوابتها نحو الشرق؟ ...؟؟؟ سؤالات كثيرة لا مجال في هذا الركن للبحث فيها.
    فقط أذكر بأن الغناء لا يفيد فقد غنّت مصر كل ألوان الغناء.. فلا مجيب.. الوقت وقت للعمل لأن الأيام تمرّ ... والنملة السمراء تسرق ما تبقى من حبات القمح.. فلتدركوا قمح الرغيف.
    وشكرا لك ولشعب مصر العظيم.
     
    3 شخص معجب بهذا.

مشاركة هذه الصفحة

جاري تحميل الصفحة...