1. كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها
    إستبعاد الملاحظة

التونسي وقالب الصابون

الموضوع في 'أرشيف المنتدى العام' بواسطة AMMAR HAMZA, بتاريخ ‏3 ماي 2008.

  1. AMMAR HAMZA

    AMMAR HAMZA عضو مميز

    إنضم إلينا في:
    ‏9 أفريل 2007
    المشاركات:
    828
    الإعجابات المتلقاة:
    416
      03-05-2008 18:37
    التونسي وقالب الصابون​


    يا خويا اللّي نشوفو عند التونسي ما نشوفو عند حدّ.. واللّي تلقاه عندو ما تلقاه عند حدّ..


    لاعند ألمان ولا أنقليز ولا فرانسيس ولا صينيين ولا كوريين ولا حتى في جزر القمر


    وإلا جزر الواق الواق.. ما يتشدّش تلقاه ديما كيف الحوتة يتزلبط بين الإيدين..


    لا تعرفو فرحان وإلاّ متغشش زاهي وإلاّ مكشبر...





    شايخ وإلاّ دايخ.. تجي تشوفو تلقاه شايخ... حوايج وكراهب وديار وبرطابلوات.. وسهريات وقعدات وفي نفس الوقت تلقاه يشكي ويبكي هاو قينيا.. هاو ميزيريا تسكسك.. هاو فلوس ما ثمّاش.. تجي تشوفو من ناحية أخلاقو.. تلقاه من شيرة السياسة والكياسة واللّسان اللّي يغزل الحرير.. يبيعك ويشريك بكلمتين.. ومن شيرة أخرى... الأخلاق الفاسدة والخلايق العادمة.. واللّسان الموذي.. تكلّمو توحل فيه.. تسيبّو يكبّش فيك.. تطلع معاه يطلع معاك.. ترخيه يزيد على ما وصّاووه.. وموش يسمّعك وسخ وذنيك برك.. يزيد يوريهولك كان تحب من ناحية الـ «Galanterie » تلقاه galant من ناحية « Souplesse » تلقاه لاستيك.. من ناحية الرقعة ما فمّاش ما أصحّ منها كانو يخدم يقلّك يلعن بوها لخدمة.. وكانو بطّال يقلّك ما ثمّاش خدمة ويلعن بو البطالة.. وكان دبّرتلو خديمة يقلّك.. البطالة خير اللّي خدمو ماتو..





    التونسي بصراحة ما يعجبوش العجب ولا حتى الصيام في رجب.. كان خذا مرا تخدم يقلّك والله كان خذيت وحدة قاعدة في الدّار خير.. وكان خذاها بنت دار... يقلّك واللّه كان جات بشهريتها على الأقل تهز معايا وذن القفة... كان خذاها طويلة.. تبدا عينو على القصيرة.. وكان خذاها قصيرة عينو ديمة على الطويلة.. أما نهار اللّي يعرّس يولّي يحبّ على اللّي لبستها محتشمة ولا تعرّي ولا تورّي.. يسبّ العرا والقرا وقلّة الحيا وكلّ ليلة يسهر يتفرّج على كليبات هيفاء وروبي ودينا بالسرقة على الجماعة..




    التونسي يموت على البوبلاش.. ورزق البيليك.. ماذا بيه يبدا راقد والشهرية تجيبه تدق عليه باب بيت النوم.. وديما يشكي ويبكي.. ويلوم ويتبكّى.. أعطيه على شكون يتكى.. التونسي عمرو ما يرضى.. تقلّو الشتاء صبّت يقلّك نعمة


    من عند ربّى أما طباعي وقلت.. تقلّو الطقس ربيع.. يقلّك نعمة آما ثمّة شوية عجاج.. تقلّو الطقس صيف يقلّك نعمة أما فمّة شهيلي.. والدنيا غاطة وعروقات تسلت وفدّة.. قلّو الطقس خريف.. يقلّك كساد والجوّ مكرفص كان قعد صيف خير.. كان جات عطلة يقلّك وقتاش ترجع القراية.. كان جات القراية يقلّك وقتاش ترجع العطلة.. برامج التلفزة ما تعجبوش.. وبرامج الإذاعة ما تروقلوش.. والبطولة ما تلعبوش ولومار طافي وما عندوش.. وبن يحيى ما حقوش.. ولا عاجبو صيود ولا حسن مالوش.. ولطفي بوشناق ما يشطحوش.. ولاهو مع نجاد ولا جورج بوش..





    التونسي يموت على بلادو أما كان يلقى هجة يهجّ وكان يلقى حرقة يحرق.. حتى لو كان يعرف روحو باش يغرق.. التونسي كيف قالب الصابون قد ماتحاول تشدو.. يفلت بين إيديك(!!)



     
    51 شخص معجب بهذا.
  2. MRASSI

    MRASSI كبير مراقبي المنتدى العام طاقم الإدارة

    إنضم إلينا في:
    ‏3 أكتوبر 2007
    المشاركات:
    43.073
    الإعجابات المتلقاة:
    83.044
      03-05-2008 18:42
    و زيد يا غالي التونسي للتونسي رحمة
    و ربيّ يرحم والديك عالمقال التحفون
     
    14 شخص معجب بهذا.
  3. didio

    didio عضو مميز

    إنضم إلينا في:
    ‏20 فيفري 2008
    المشاركات:
    667
    الإعجابات المتلقاة:
    849
      03-05-2008 18:48
    elli 9oltou lkol s7i7
    bel a5as 3a touensa
    t9olesh 3lihom dahnin roua7houm b huile besh ma yetshadoush
    looooooooooooooooool
    encore merci
    :satelite:
     
    3 شخص معجب بهذا.
  4. Abuyassine

    Abuyassine كبار الشخصيات

    إنضم إلينا في:
    ‏1 جانفي 2008
    المشاركات:
    6.041
    الإعجابات المتلقاة:
    18.934
      03-05-2008 19:36
    شكرا اخي الكريم...والله درت عليها شليلة و مليلة..و عرفت برشة عباد من جنسيات مختلفة...ام بالرجولية ما قدرتش باش نفهم التونسي...التونسي نفحاوي ياسر...والتونسي كيف يلقى الضربة ما يفلتش....:satelite:
     
    12 شخص معجب بهذا.
  5. nannousa

    nannousa عضو نشيط

    إنضم إلينا في:
    ‏17 أفريل 2008
    المشاركات:
    158
    الإعجابات المتلقاة:
    172
      03-05-2008 21:07
    ya3tik essaha. winsit illi houa klouki w3andou dima tabdil essrouj fih raha
     
    3 شخص معجب بهذا.
  6. med yassin

    med yassin كبير المراقبين طاقم الإدارة

    إنضم إلينا في:
    ‏20 ديسمبر 2007
    المشاركات:
    23.035
    الإعجابات المتلقاة:
    85.159
      03-05-2008 21:21
    الله يخليك, فرهدتلي على قلبي يا غالي :satelite:
     
    3 شخص معجب بهذا.
  7. Abuyassine

    Abuyassine كبار الشخصيات

    إنضم إلينا في:
    ‏1 جانفي 2008
    المشاركات:
    6.041
    الإعجابات المتلقاة:
    18.934
      03-05-2008 21:35
    [ winsit illi houa klouki w3andou dima tabdil essrouj fih raha]
    تقصد اللي عندو قلبان الفيستة كصبلي نشرب
     
    4 شخص معجب بهذا.
  8. nasanos

    nasanos عضو مميز

    إنضم إلينا في:
    ‏17 فيفري 2008
    المشاركات:
    841
    الإعجابات المتلقاة:
    921
      03-05-2008 22:07
    :kiss: أنا تونسي وأحسن واحد في الدنيا التونسي بعوجو وعكسو وتزلبيطو أما راهو خويا اللّي ما ولداتوش أمي ، ربي يخلينا لبعضنا التوانسة الكل وربي يهدينا على بعضنا .:kiss:
     
    3 شخص معجب بهذا.
  9. عبدالكريم1977

    عبدالكريم1977 عضو مميز

    إنضم إلينا في:
    ‏29 فيفري 2008
    المشاركات:
    1.245
    الإعجابات المتلقاة:
    2.096
      03-05-2008 23:25
    يا خويا يعطيك الصحة
    أما برجولية فضحتنا :bang:
    :bang:
    :bang:
    :bang:
    :bang:
    :bang:
     
    6 شخص معجب بهذا.
  10. cherifmh

    cherifmh كبار الشخصيات

    إنضم إلينا في:
    ‏9 جوان 2006
    المشاركات:
    17.701
    الإعجابات المتلقاة:
    42.491
      03-05-2008 23:39
    موضوع يستحقّ أن يكون في المنتدى العام بدل التسالي
     
    5 شخص معجب بهذا.

مشاركة هذه الصفحة

جاري تحميل الصفحة...