Discussion هل الجرافيك له سوق تشغيل في تونس ؟

eskanderska

عضو نشيط
إنضم
11 أكتوبر 2009
المشاركات
176
مستوى التفاعل
190
هل مصمم الجرافيك له مستقبل في تونس و لا؟؟ و عروض الشغل موجود ةفي هذا المجال؟؟ بالنسبة للمرتب من قداه لقداه؟؟
 

HaythamCaspr

نجم المنتدى
إنضم
4 نوفمبر 2011
المشاركات
8.485
مستوى التفاعل
16.976
النهار ألي يولي فيه التونسي يعطي قيمة و حق الخدمات في بلادنا وقتها نجمو نحكيو على الڨرافيك كقطاع من جملة قطاع الخدمات.
الطبيب تي شنوة عمل هو هاو سأل زوز اسئلة و عطاني دوى.
البنكاجي فاش يخدم نهار كامل في الكليماتيزور و يروح 16h
المصمم على خاطر صور زوز خطوط على الأورديناتور باش ياخو هذا الكل؟
ما نقدروش المعرفة savoir-faire ما نعطيوش قيمة لحاجة ماخذيناهاش سلعة ملموسة في ايدينا كينا صحن سكالوب ولا شيشة في قهوة "ليكس"
العبد الله في الدومان تقريب 10 سنين ألي صرفتو على قرايتي في الڨرافيك 3 سنين يعلم بيه كان الخالق سبحانو و أول شهرية خذيتها 250د و نخدم أكثر من 10 سوايع بالخلاف خدمة في الدار و الدخلاء على الخدمة يعيفوك فيها.
بعد مدة بدلت السوق و دخلت لمجال الإكساء اختصاص التصميم للطباعة الرقمية على القماش، على الأقل تنجم تتفنن و تشوف خدمتك ظاهرة على سلعة ملموسة و وقتها وين الحريف يقدرك و يفهم شنوة الفرق بين حاجة عادية و حاجة فيها قيمة مضافة.
ساعات فما حرفاء يجيبولنا تصاميم الموسم القادم و يبداو شارينهم بمئات الدولارات نفهم وقتها الوضع التعيس في بلادنا.
ما تتصوروش قداش الحريف الأجنبي يشجعك و يشكرك كيف تصمملو حاجة كيف الي شراها ببرشة فلوس و نطورو فيها و في وقت قياسي يزيد يرجعلك و هو متأكد انك باش تخليه يرجع فرحان.
عكس التونسي ماذابيه يشريلك سلعة حاضرة و يقلك اعملي كيفها بالظبط لا ابداع و لا ذوق و لا تعب كان اللقمة الباردة.
تصميم الجمل لابس كبوس مخدوم من عام تسعين لتوا يلكلكو فيه من غير حتى ربع تطوير.
ندخلو في موضوع التكوين
أغلب المصممين في تونس يكونو يا عصاميين من يوتوب و اجتهادات فردية نشجعوهم عليها و لا مراكز التكوين الخاصة الي تعرف كان تعلمك ابجديات البرامج و تخليك تعوم في الشايح.
الواحد مع يلزمو مع هذا يكون متعلم أساسيات
Composition graphique
Typographie
Cali graphie
Dessin analytique
Les techniques d'impression
Les techniques de diffusion
و بعد كل واحد و شنية ميولاته
تصميم 2d مش تصميم 3d مش تصميم الواب مش تصميم التلفزة مش تصميم VR.
تلقاه مصور و يخدم في كارت فيزيت بالفوتوشوب على خاطر يعرف ينحي الحبوب مالوجه بالكوركتور.

كلامك صحيح في كل ما يخص التعامل مع هذا المجال، مازلنا بعيدين و هذا لان تونس دولة فقيرة و الجرافيك اساسا هو اداة ترفيه و يعتبر كماليات، لا يلمس مباشرة حياة الناس و يلزمه سوق كبيره و اشهارات و اعلانات و قنوات تلفزية نشيطة و مهرجانات على اعلى مستوى و تظاهرات كبرى.

هذا المجال سيتطور اكثر في تونس، شخصيا تخصصت في الهارد مودلنج و الاكساء و فتحت حسابات في تيربوسكويد و مواقع اخرى كما اني كدت ان اشتغل مع شركة اروبية و لكن لاني اكره تعقيدات تحويل الاموال رفضت عرض مغري جدا.
حاليا ابتعدت عن المجال قليلا راحة لترتيب بعض الامور و ساعود اليه اما احتراف او هواية، المستقبل في هذا المجال للمتخصصين فقط، هناك زملاء بدانا مع يعض، هناك محركين انيمايتورز يشتغلون في دبي و مصر و هناك انيمايتور يشتغل في شركة كندية.
 
التعديل الأخير:

hardousse

مرشح للإشراف بمنتدى GNU Linux
إنضم
12 سبتمبر 2006
المشاركات
490
مستوى التفاعل
1.276
اخي مازلنا بعاد في هذا المجال صراحة و عن تجربة عندي صديق طيارة في الرسم و تخرج تخصص رسم و انفوقرافيك بعد التخرج خدم شوية وحده لحسابه اما حب يخدم في شركة أحسن دار تونس و الشركات الكل المتخصصة في المجال الكل مااعطوهشي فرصة كل واحد يقله ماعندكش خبرة.بعد فترة شارك في مسابقة لشركة universal pictures studios في بريطانية و اختاروه و عوناه يخدم الحمدالله.المشكل هنا ان ما ثماش فرص للشباب و الله ثم برش مواهب اما الله غالب.تحياتي
 

HaythamCaspr

نجم المنتدى
إنضم
4 نوفمبر 2011
المشاركات
8.485
مستوى التفاعل
16.976
اخي مازلنا بعاد في هذا المجال صراحة و عن تجربة عندي صديق طيارة في الرسم و تخرج تخصص رسم و انفوقرافيك بعد التخرج خدم شوية وحده لحسابه اما حب يخدم في شركة أحسن دار تونس و الشركات الكل المتخصصة في المجال الكل مااعطوهشي فرصة كل واحد يقله ماعندكش خبرة.بعد فترة شارك في مسابقة لشركة universal pictures studios في بريطانية و اختاروه و عوناه يخدم الحمدالله.المشكل هنا ان ما ثماش فرص للشباب و الله ثم برش مواهب اما الله غالب.تحياتي
صحيح لكن تستطيع فتح حسابات في مواقع اجنبية و تشتغل من بيتك، او تجمع فريق و تنشا شركة و تسوق لها على الفيسبوك.
 
إنضم
17 ماي 2015
المشاركات
1.155
مستوى التفاعل
1.152
موضوع آكثر من ممتاز و في بلاصتو!
نؤمن شخصيا انو الربح في أرض الواقع اصبح صعبا جدا في تونس و شخصيا الانترنت هي الكل ف الكل في حياتي.. و التصميم كمجال ماهوش مجالي الاساسي لكن ما ننكرش اني مبتدأ فيه الا اني نعشق الڨرافيك ديساين.. و الNiche الخاص بالتصميم فيه أرباح مهولة و كبيرة و لكن يلزم الخبرة.
في تونس ما فماش خدمة في ارض الواقع و هذا لي قلتو في اول كلامي. الخدمة الكل ع الانترنت و فما فلوس.
 

HaythamCaspr

نجم المنتدى
إنضم
4 نوفمبر 2011
المشاركات
8.485
مستوى التفاعل
16.976
موضوع آكثر من ممتاز و في بلاصتو!
نؤمن شخصيا انو الربح في أرض الواقع اصبح صعبا جدا في تونس و شخصيا الانترنت هي الكل ف الكل في حياتي.. و التصميم كمجال ماهوش مجالي الاساسي لكن ما ننكرش اني مبتدأ فيه الا اني نعشق الڨرافيك ديساين.. و الNiche الخاص بالتصميم فيه أرباح مهولة و كبيرة و لكن يلزم الخبرة.
في تونس ما فماش خدمة في ارض الواقع و هذا لي قلتو في اول كلامي. الخدمة الكل ع الانترنت و فما فلوس.
ربي يوفقك
 
أعلى