السلام عليكم
بالله شوية منطق
يا جماعة اسمعتوشي في تونس بمعرض للجثث؟؟؟؟هذه حاجة ما صارتشي و عمرها ما تصير .
باهي ثمة جماعة يقولو ها الجسد ملك لله, و لا يمكن لي أن اعطي جزءا منه
باهي كلامك في جزء منه صحيح, لكن بالله يا عباد الناس اللي تفجّر روحها في فلسطين آشنوة يقولو؟؟؟:لا ما نعملش عملية استشهادية على خاطر ها الجسد ملك لله و يلزمو يتدفن كامل؟؟؟؟
توّة هذا منطق؟؟؟؟؟
الله عندما يجمع شتات جسدك يوم القيامة هل سيحتاجك لتدلّ على أماكن دفنها؟؟؟سبحانه سيجمعها و لو كانت رمادا فينفخ فيها.
و بالله وحدة تقول ما نعطيش ساقي لعاهرة أو فاسقة, ياخي الأعضاء التي يتبرّع بها هي الساق؟؟؟؟؟سمعت بواحد تبرّع بالساق؟؟؟
الأعضاء هي الكلى, القلب, القرنية, أما حوايج أخرى ما يستحقّولهاش. بالله ريتوش مرة واحد عندو ساق panaché من الأعلى بيضاء و من الركبة إلى الأسفل سمراء؟؟؟يا جماعة يزيّو من ها الكلام و أعملو الخير راكم تلقاوه في آخرتكم و في أهلكم و أولادكم. و ديما حطّوا رواحكم مكان عائلة تستنّي في قلب لولدها ابن العشرين عاما, و كل يوم يمرّ تنقص فرض نجاته