• كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها

هجرة المهندسين

etoilistooo

عضو
إنضم
10 مارس 2017
المشاركات
213
مستوى التفاعل
352
السلام عليكم و رحمة الله و بركاته ....
المعلوم لدى الجميع انو اي دولة قوية في العالم تقوم اساسا على بنية تحتية و اقتصاء قوي مرتكز اساسا على كفاءة و جودة المهندسين و اذا عندك بنية تحتية متطورة باش تلقى تكنولوجيا و صحة و خدمات ذات جودة رفيعة .... البنية التحتية في بلادنا معروف وضعها لا فائدة في مناقشته .... و ذلك يعود اساسا لاسباب عديدة و يطول شرحها لعل ابرزها غياب المهندسين الاكفاء و غياب رغبة الدولة في تطوير هذا القطاع الي هو اهم قطاع اذا نحبو نطورو بلادنا طبعا ...
المهندسين الاكفاء و ذات القدرات العالية معلوم انهم يهاجرو لاجل ظروف عيش كريمة و لكن يهاجرو باش يلقاو حقهم في بلدان تكرمهم و تعطيهم قيمتهم كاملة. في تونس المهندس مهمش الي يجيب 17 و 18 في الباك بعد ما يقرى في مدارس هندسة عمومية ياخو 500 و 600 دينار و هذي مش حالة و مش ثنين .... ما نحكيوش عالمدارس العمومية التي تضم خيرة الطلبة الي برامج التدريس فيها من عام 70.
نعطيكم احصائية صغيرة عالمدرسة الي تخرجت منها السنا .... تقريبا 50 في المائة من الطلبة المتخرجين غادرو البلاد يا اما خدمة يا اما يكملو دراسة في الخارج لتحصيل درجة علمية تمكنهم من العمل في تلك البلاد ....
برشا ناس يراو الحلول منعدمة و لكني ارى في الافق القليل من الامل اذا تواجدت رغبة فعلية للاصلاح و هي اولا و اخيرا العدل ..... في قطاع الهندسة للاسف الي يجيب 18 كيف الي يجب 9 في الباك .... و ذلك معلوم للجميع الي يحك راسو يولي مهندس ب 15 باكو لا يقرى لا يتعب لا عندو في مخو .... يدفع شوية فلوس يمشي يقرى في مدارس خاصة بعد يفيس على صحابو الي هو مهندس و هو غير قادر على حل معادلة رياضية سهلة .... انما حافظ بعض الخوارزميات و في المدارس هذي يصوبلهم بالقمع كل شي ....
في احصائية من وزارة التعليم العالي في السنوات الماضية ..... مجموع " المهندسين " المتخرجين من هاته المدارس يمثل ثلث المهندسين المتخرجين كليا (هذا طبعا المعلن عليه ) ..... اذا باش نواصلو في هالمنوال باش نلقاو المتخرجين مالبريفي اكثر من مدارس الدولة التي تعد زبدة و نخبة الطلبة .....
النزيف قاعد يتواصل و اذا ماناش باش نلقاو حلول باش يبقاو متخرجي هاته المدارس في تونس "يهتكو" فيها عفوا يبنيو فيها .....
 

amoolaa

عضو مميز
إنضم
29 جانفي 2017
المشاركات
835
مستوى التفاعل
1.303
عجبني العنوان لكن الموضوع فيه حقد على جماعة الليبر المهندس ما يسوى شيء في تونس أكثر قراية تواصل و تعمل لفلوس في تونس هي الطب
 

etoilistooo

عضو
إنضم
10 مارس 2017
المشاركات
213
مستوى التفاعل
352
عجبني العنوان لكن الموضوع فيه حقد على جماعة الليبر المهندس ما يسوى شيء في تونس أكثر قراية تواصل و تعمل لفلوس في تونس هي الطب
والي يحب الهندسة يبطل يمشي للطب ... ؟؟؟
اني شخصيا كنت نجم نولي طبيب و خيرت الهندسة .... لاني نراها اكثر دومان يبني البشرية و يرتقي بالامم ....
اصلا في باكالوريا رياضيات مغلب المتفوقين يمشيو للمدارس التحضيرية ... و فما شكون يمشي طب
في تونس الطب ماشي خاترنا دولة متخلفة ... في البلدان المتطورة .... الهندسة هي الي ترتقي بهم
و اصلا ما تنجمش تقارن الطب بالهندسة تقول عليك تقارن في الشمس بالقمر .... الزوز مهمين و اذا واحد منهم ما يشدش روحو الدنيا تنهار
 

Celox

نجم المنتدى
عضو قيم
إنضم
11 ديسمبر 2015
المشاركات
3.969
مستوى التفاعل
13.965
خويا العزيز...الوضع صعب على المهندس في تونس هذا موافقك فيه طول و عرض...بالنسبة لمدارس المهندسين فهو Un faux problème...يا أخي زعمة تتصور نهار آخر شركة باش تخدم واحد مايمشيلهاش أمورها؟؟ مستحيل...لو كان عندك في مخك تخدم و لو كان ماعندكش ماتخدمش و مايعيطلك حد ساهلة برشة...للأسف برشة ماهمش فاهمين أن المعادلة تغيرت...المعلومة أصبح متاحة للعموم معادش السيستام التقليدي متاع إحتكار المدارس للعلم...زمان بوعنبة متاع العلم في الكتب ولى و فات...توة تحل الأنترنت تلقى الي تحب عليه...القوة هي في التصرف في المعلومات...هذايا الي لتو مااستوعبوهش برشة مهندسين...إستانسو بالنظام التقليدي متاع الحشو بالمعلومات و مانجموش يخرجو...زد على ذلك حتى النظام التعليمي العام من السبعينات لم يتغير...على عكس الجامعات الخاصة الي تطور كل عام من برامجها...أحسن الأساتذة يجيبوهم في المقابل تلقى متخرجين جدد يقريو في جامعات عمومية (لأسباب مادية بحتة بالطبيعة...لانو البروفيسور يخلص أكثر ببرشة ملي تخلصو الدولة في جامعة عمومية)...
 

etoilistooo

عضو
إنضم
10 مارس 2017
المشاركات
213
مستوى التفاعل
352
ما دخل البريفاي في هجرة المهندسين ؟
البريفي طيح المستوى صديقي ....
البريفي يرضى ب 100 دينار
اعطيه صحابو يقولو يا مهندس ....
و اصلا معظم الي يخرجو مالمدارس العمومية ... البريفي ما ينجموش رواحهم في تونس باش ينجمو رواحهم البرا ...
 

etoilistooo

عضو
إنضم
10 مارس 2017
المشاركات
213
مستوى التفاعل
352
خويا العزيز...الوضع صعب على المهندس في تونس هذا موافقك فيه طول و عرض...بالنسبة لمدارس المهندسين فهو Un faux problème...يا أخي زعمة تتصور نهار آخر شركة باش تخدم واحد مايمشيلهاش أمورها؟؟ مستحيل...لو كان عندك في مخك تخدم و لو كان ماعندكش ماتخدمش و مايعيطلك حد ساهلة برشة...للأسف برشة ماهمش فاهمين أن المعادلة تغيرت...المعلومة أصبح متاحة للعموم معادش السيستام التقليدي متاع إحتكار المدارس للعلم...زمان بوعنبة متاع العلم في الكتب ولى و فات...توة تحل الأنترنت تلقى الي تحب عليه...القوة هي في التصرف في المعلومات...هذايا الي لتو مااستوعبوهش برشة مهندسين...إستانسو بالنظام التقليدي متاع الحشو بالمعلومات و مانجموش يخرجو...زد على ذلك حتى النظام التعليمي العام من السبعينات لم يتغير...على عكس الجامعات الخاصة الي تطور كل عام من برامجها...أحسن الأساتذة يجيبوهم في المقابل تلقى متخرجين جدد يقريو في جامعات عمومية (لأسباب مادية بحتة بالطبيعة...لانو البروفيسور يخلص أكثر ببرشة ملي تخلصو الدولة في جامعة عمومية)...
صديقي ....
il y a une différence entre un ingénieur concepteur et un ingénieur technicien .... tu parles des ingénieurs techniciens ..... qui refont les tâches quotidiennement ...
les ingénieurs concepteurs sont ceux qui innovent et créent les entreprises et les idées ..... les ingénieurs techniciens appliquent les algorithmes comme des techniciens (sont généralement issus des écoles privées).
 

amoolaa

عضو مميز
إنضم
29 جانفي 2017
المشاركات
835
مستوى التفاعل
1.303
والي يحب الهندسة يبطل يمشي للطب ... ؟؟؟
اني شخصيا كنت نجم نولي طبيب و خيرت الهندسة .... لاني نراها اكثر دومان يبني البشرية و يرتقي بالامم ....
اصلا في باكالوريا رياضيات مغلب المتفوقين يمشيو للمدارس التحضيرية ... و فما شكون يمشي طب
في تونس الطب ماشي خاترنا دولة متخلفة ... في البلدان المتطورة .... الهندسة هي الي ترتقي بهم
و اصلا ما تنجمش تقارن الطب بالهندسة تقول عليك تقارن في الشمس بالقمر .... الزوز مهمين و اذا واحد منهم ما يشدش روحو الدنيا تنهار

يا صاحبي إنا نحكي من الجانب الواقعي ولي نشوف فيه قدامي أحسن كراهب و عمارات و عيشة عند الطب المهندس على الهامش كبقية الناس, فأذكر صديق لي مهندس قام بزيارة فرنسا و ركب في tgv و قلي تصور كان نعملو tgv ناس تخدم في تونس و تروح كل يوم, على كل هذا حال المهندس طاير طاير لين يفيقو الواقع المرير في المرارة تونس
 

etoilistooo

عضو
إنضم
10 مارس 2017
المشاركات
213
مستوى التفاعل
352
يا صاحبي إنا نحكي من الجانب الواقعي ولي نشوف فيه قدامي أحسن كراهب و عمارات و عيشة عند الطب المهندس على الهامش كبقية الناس, فأذكر صديق لي مهندس قام بزيارة فرنسا و ركب في tgv و قلي تصور كان نعملو tgv ناس تخدم في تونس و تروح كل يوم, على كل هذا حال المهندس طاير طاير لين يفيقو الواقع المرير في المرارة تونس
خويا العزيز .... المهندسين الصحاح مغلبهم البرا ..... العمارات و الفلوس في تونس عند الطبة خاتر هجرة الطبة اقل بكثير من هجرة المهندسين ... عالاقل لاقين حظهم لهنا ....
عنا كفاءات ترعب و العالم الكل يقدلسها في مختلف مجالات الهندسة و كي يجيو لتونس يحقروهم ......
كان سمعت بالمصمودي و بالبحري قبلهم ... ماهمش مهندسين هوما علماء ريضيات .... العالم الكل يقدسهم
البحري الله يرحمو جا حب يقري في الاينيت ولاو يكمبسولو رجع لامريكا
 
أعلى