salehl
عضو مميز
- إنضم
- 17 أوت 2012
- المشاركات
- 1.349
- مستوى التفاعل
- 2.520
- ياخي آش فما هاو برشا كراهب مراكيين بحذانا في الزنقة ؟
- عمك الناصر الدوام لله
- الله أكبر ، الله يرحمو ، وقتاش هذا ؟
- اليوم الصباح ... يا ولدي فاش تعمل ؟ سكر التلفزة ! آش تحبهم يقولوا علينا العباد عيب راهو
- توا آنا مروح مزروب باش نتفرج على الماتش و إنت تقلي عيب و إندرا شنوا ؟ باهي يا سيدي كيف قدر عليا ربي اتاوا نتفرج streaming ...
- أما ماتش الراجل مات و إنت تقلي streaming ؟ راهو جارنا الساس للساس يا سيد ، حضر روحك سويعة أخرى باش نمشوا نعزوا العباد
- توا آنا الراجل نعرفو معرفة الغادي مالسطحية ، و زيد عيا يفلقلنا في الكورة و احنا صغار ، و حتى السلام كيف نقولهالو مايرجعهاش ، و تحبني نسلم في الماتش باش نمشي نعزي ...
- يا ولدي عيب راهو إلي تقول فيه ، مانيش ناقصة مشاكل مع الجيران ماتكملش عليا عيش ولدي ، إلعن الشيطان و برا بدل حوايجك ، ماكانش مافماش منو ال permis الفلوس مازالت ماتدفعتش راهي
- ... باهي ، صحة ليك شديتني ماليد إلي توجع ... إيه أما شنوا لازمني نعمل ؟ عمري ماحضرت على واحد توفى قبل
- باهي شد عندك ، لازمك وقت تمشي تعزي تحاول إنو يشوفوك أكثر عدد ممكن من العباد باش يعرفوا انك تعمل في الواجب ، مبعد حاول تقعد في بلاصة واضحة للعباد الكل باش إلي يجي يشوفك و يعرف إلي إنت حاضر . رد بالك تبكي ، surtout رد بالك تبكي ، ماهوش باهي ، خاطر هكاكة تسرق ال vedette من عند فاميلية الميت ، حاول طبس راسك و أعمل روحك متأثر أما من غير ماتبالغ . لازمك زادة تدخل تطلب السماح من عمك الناصر و تبوسلو جبينو .
- آه ؟ شنيا هاذي نطلب منو السماح ؟
- تي شبيك تصعب فيها طبس عليه و أعمل روحك اتمتم في حاجة ... وقت تروح للدار من غير مانوصيك عيش ولدي التلفزة انساها ، هاوكا عندك ال tablette متاعك و أعمل ال casque ، و الفايسبوك من غير ماتبارتاجي الأيامات هاذي هاوكا ولد عمك الناصر بدل تصويرتو كحلة و حط ال statut متاعو triste ماتنساش تعملو commentaire آية قرآنية و إلا دعاء من الأدعية هاوكا غوغل معبي أعمل copier coller أما حاول يكون مختلف شويا على الكومونتارات متاع العباد الاخرين .
- الله يبارك ... أما أكيد باش يعملولنا عشاء باهي ، على الأقل نربحو حاجة من عند عمك الناصر
- يا ولا أحوال ... الراجل مازال كي مات و إنت هاذاكا فاش تخمم ؟
- إيه
- عمك الناصر الدوام لله
- الله أكبر ، الله يرحمو ، وقتاش هذا ؟
- اليوم الصباح ... يا ولدي فاش تعمل ؟ سكر التلفزة ! آش تحبهم يقولوا علينا العباد عيب راهو
- توا آنا مروح مزروب باش نتفرج على الماتش و إنت تقلي عيب و إندرا شنوا ؟ باهي يا سيدي كيف قدر عليا ربي اتاوا نتفرج streaming ...
- أما ماتش الراجل مات و إنت تقلي streaming ؟ راهو جارنا الساس للساس يا سيد ، حضر روحك سويعة أخرى باش نمشوا نعزوا العباد
- توا آنا الراجل نعرفو معرفة الغادي مالسطحية ، و زيد عيا يفلقلنا في الكورة و احنا صغار ، و حتى السلام كيف نقولهالو مايرجعهاش ، و تحبني نسلم في الماتش باش نمشي نعزي ...
- يا ولدي عيب راهو إلي تقول فيه ، مانيش ناقصة مشاكل مع الجيران ماتكملش عليا عيش ولدي ، إلعن الشيطان و برا بدل حوايجك ، ماكانش مافماش منو ال permis الفلوس مازالت ماتدفعتش راهي
- ... باهي ، صحة ليك شديتني ماليد إلي توجع ... إيه أما شنوا لازمني نعمل ؟ عمري ماحضرت على واحد توفى قبل
- باهي شد عندك ، لازمك وقت تمشي تعزي تحاول إنو يشوفوك أكثر عدد ممكن من العباد باش يعرفوا انك تعمل في الواجب ، مبعد حاول تقعد في بلاصة واضحة للعباد الكل باش إلي يجي يشوفك و يعرف إلي إنت حاضر . رد بالك تبكي ، surtout رد بالك تبكي ، ماهوش باهي ، خاطر هكاكة تسرق ال vedette من عند فاميلية الميت ، حاول طبس راسك و أعمل روحك متأثر أما من غير ماتبالغ . لازمك زادة تدخل تطلب السماح من عمك الناصر و تبوسلو جبينو .
- آه ؟ شنيا هاذي نطلب منو السماح ؟
- تي شبيك تصعب فيها طبس عليه و أعمل روحك اتمتم في حاجة ... وقت تروح للدار من غير مانوصيك عيش ولدي التلفزة انساها ، هاوكا عندك ال tablette متاعك و أعمل ال casque ، و الفايسبوك من غير ماتبارتاجي الأيامات هاذي هاوكا ولد عمك الناصر بدل تصويرتو كحلة و حط ال statut متاعو triste ماتنساش تعملو commentaire آية قرآنية و إلا دعاء من الأدعية هاوكا غوغل معبي أعمل copier coller أما حاول يكون مختلف شويا على الكومونتارات متاع العباد الاخرين .
- الله يبارك ... أما أكيد باش يعملولنا عشاء باهي ، على الأقل نربحو حاجة من عند عمك الناصر
- يا ولا أحوال ... الراجل مازال كي مات و إنت هاذاكا فاش تخمم ؟
- إيه