كرة قدم جماهير النجم الساحلي تطالب بفسخ عقد إيهاب المساكني

mouhmed0

نجم المنتدى
إنضم
10 أفريل 2012
المشاركات
4.296
مستوى التفاعل
7.044
جماهير النجم الساحلي تطالب بفسخ عقد إيهاب المساكني

على خلفية خيبة رابطة الأبطال الإفريقية يواجه اللاعب إيهاب المساكني ضغوطا كبيرة وذلك من خلال الاحتجاجات المتواصلة من قبل جماهير النجم التي تطالب بشدة بفسخ عقده .أحباء فريق جوهرة الساحل أطلقوا حملة على مواقع التواصل الاجتماعي «فايسبوك» داعين المسؤولين الى التخلي عن إيهاب المساكني مسلطين بذلك ضغطا على هيئة رضا شرف الدين. اللاعب المذكور لا يمكن له أن يقدم الإضافة المطلوبة حسب رأي الجمهور علما بان المطالبة بإبعاده لم تكن وليدة الخروج الأخير للفريق من مسابقة رابطة الأبطال فهو هو يلاقي معارضة من السواد الأعظم لجماهير النجم تجلت خاصة في الموسم الماضي وكان من نتائجها فقدانه مكانه في التشكيلة الأساسية مع مختلف المدربين الذين تداولوا على تدريب الفريق

الشروق
 

mouradouna

نجم المنتدى
عضو قيم
إنضم
1 نوفمبر 2014
المشاركات
4.311
مستوى التفاعل
14.636
برجولية عندهم ألف حق النجم يلزمها تعمل غربلة كبيرة للرصيد البشري برشا لاعبين ماهمش في قيمة هذا الفريق و على راسهم هذا المدعو المساكنى يعجبكش السيد راسو راس الڨول ما يحبش يمركي و حرم النجم من ورقة التأهل للنصف نهائي إقلب وجهك
 

ILYESBM

عضو مميزّ بالمنتدى العام
إنضم
21 مارس 2008
المشاركات
17.881
مستوى التفاعل
38.379
النجم عندها تقريب تشكيلة كاملة فوق 30 سنة العمر متاعهم
في المستقبل القريب بش تلقى مشكل كبير في تسريحهم
و مشكل اكبر في تكوين فريق جديد
 

anis_mgarrech

مشجع للنجم الرياضي الساحلي
إنضم
16 أكتوبر 2007
المشاركات
19.741
مستوى التفاعل
36.826
باش منحطوش الفشل الكل في المساكني . هل المساكني مسؤول على سداسية الأهلي ؟ هل المساكني مسؤول على ثلاثية الترجي ؟ هل المساكني مسؤول على رباعية الإفريقي ؟ هو جزء من منظومة كاملة أدات لهذا الفشل الذريع في الموسمين الأخيرين وعلى رأسهم رضا شرف الدين إلي سبق مصالحه السياسية الشخصية على مصلحة النجم.
ياخويا الجامعة لازم تفصل فيها وهذا لمصلحة الجمعيات والأشخاص .بالله صعيبة باش يزيدو فصل في الترشح لرئاسة جمعية :
يتعين على كل شخص طبيعي يرغب في الترشح لمنصب رئيس جمعية أن لا يكون له أي نشاط سياسي.
إلي يحب السياسة ينسى الرياضة وإلي يحب الرياضة ينسى السياسة

 

Dawla4ever

عضو فعال
إنضم
4 أفريل 2016
المشاركات
363
مستوى التفاعل
973
برجولية عندهم ألف حق النجم يلزمها تعمل غربلة كبيرة للرصيد البشري برشا لاعبين ماهمش في قيمة هذا الفريق و على راسهم هذا المدعو المساكنى يعجبكش السيد راسو راس الڨول ما يحبش يمركي و حرم النجم من ورقة التأهل للنصف نهائي إقلب وجهك
تحكي على الفرصة متاع الروح الرياضيّة,آلله غالب شدها الجريدي ,مازال عندكم شويّة أمل في بريميرو دي أغوستو وبعدها الأهلي
 

anis_mgarrech

مشجع للنجم الرياضي الساحلي
إنضم
16 أكتوبر 2007
المشاركات
19.741
مستوى التفاعل
36.826
تحكي على الفرصة متاع الروح الرياضيّة,آلله غالب شدها الجريدي ,مازال عندكم شويّة أمل في بريميرو دي أغوستو وبعدها الأهلي
لا حتى إنت ظاهر فيك تفرجت في الماتش :bang:
 

El Ma7___6

عضو
إنضم
23 أوت 2018
المشاركات
81
مستوى التفاعل
230
باش منحطوش الفشل الكل في المساكني . هل المساكني مسؤول على سداسية الأهلي ؟ هل المساكني مسؤول على ثلاثية الترجي ؟ هل المساكني مسؤول على رباعية الإفريقي ؟ هو جزء من منظومة كاملة أدات لهذا الفشل الذريع في الموسمين الأخيرين وعلى رأسهم رضا شرف الدين إلي سبق مصالحه السياسية الشخصية على مصلحة النجم.
ياخويا الجامعة لازم تفصل فيها وهذا لمصلحة الجمعيات والأشخاص .بالله صعيبة باش يزيدو فصل في الترشح لرئاسة جمعية :
يتعين على كل شخص طبيعي يرغب في الترشح لمنصب رئيس جمعية أن لا يكون له أي نشاط سياسي.
إلي يحب السياسة ينسى الرياضة وإلي يحب الرياضة ينسى السياسة

العقلية التونسية عقلية مريضة
لازم نتفقو على حاجة الساعة ... لو سجل المساكني ولا الشرميطي الهدف رانا ترشحنا و راو شرف الدين حد ما حكى عليه .....
لكن في الخسارة الناس الكل تتسب من احسن لاعب لاسوء مسؤول ...... الناس الكل و هذا غالط و ما نجموش نقدمو بالطريقة هذي
بالمناسبة اني مع مغادرة شرف الدين مش خاتر خسرنا 6 ولا خاتر انسحبنا السنا .... مع انسحابو منذ مدة منذ 2013 ... لانو ما يعرش يحكي و ما يدافعش على مصالح الجمعية و خاصة كي دخل للمجلس في 2014 ....

عقلية الهدم و التكسير ما توصل لشي .... و مش معقول في اي عثرة النبارة تقوم من جحورها و تبدى تخرج الاشاعات .... الخسارة داخلة ي اللعبة
في 2016 ضد مازمبي في سوسة .... ركلات جزاء رابحين 2 0 مشيت للوالد قتلو ايا مبروك علينا ... في لخر خسرنا .... هذيكا الكرة لازم نقبلو النتيجة مهما يصير مش معقول وقت نخسرو نطالبو باقالة الرئيس و وقت نربحو نطاللبو ببقاؤو
الانسان لازم يكون عندو موقف واضح وقت الربح و الخسارة ....
 

abou3aziz

مشجع للنجم الرياضي الساحلي
إنضم
23 مارس 2011
المشاركات
10.886
مستوى التفاعل
20.021
تحكي على الفرصة متاع الروح الرياضيّة,آلله غالب شدها الجريدي ,مازال عندكم شويّة أمل في بريميرو دي أغوستو وبعدها الأهلي

فاش تحكي خويا يا اما ما تفرجتش على الماتش يا اما ما تفرقش بين المساكني والشرميطي.
 

linkus

عضو مميز
إنضم
17 ديسمبر 2008
المشاركات
1.042
مستوى التفاعل
266
برجولية عندهم ألف حق النجم يلزمها تعمل غربلة كبيرة للرصيد البشري برشا لاعبين ماهمش في قيمة هذا الفريق و على راسهم هذا المدعو المساكنى يعجبكش السيد راسو راس الڨول ما يحبش يمركي و حرم النجم من ورقة التأهل للنصف نهائي إقلب وجهك
donc pour toi un joueur qui rate une occasion c'est pas un bon joueur
 
أعلى