Silvadoss
نجم المنتدى
- إنضم
- 16 جوان 2013
- المشاركات
- 2.105
- مستوى التفاعل
- 3.702
اليوم حبيت نحكي شوي على العمر اللي تعدى بدون تحقيق حتى هدف ...نعرف اللي الناس الكل بمشاكلها ....والمشاكل كالملح في الطعام تخلي للحياة طعم ...لكن اللي عندو الدم تو يموت ...ملح ملح ملح ياسر علينا يولي ...كلمة يقولوا فيها او كلمات كرهتهم من كثر ما سمعتهم ...الاولى لا تاتي المصائب فرادى ...الثانية شوف الاقل منك ...الثالثة قسمك يجيك و اجلك تمشيله ...و من غادي يقولك اسعى برا شوف شكون باش تصدق ...الحاصيلو من الصغرى الواحد يشوف و يسمع ولا مرة جا واحد شاوره في حكاية باعتبار انا الصغير في العائلة(31سنة) ...ما عنديش رايي يتسمع يعرفوني كان اعمل ...قوم اشبيك راقد ...انا والله ماخترتش الوضع اللي انا فيه ...قريت ما دوبلت حتى عام و كان وضعنا ساعتها تحت الصفر ...دوب ما تخرجت لوجت على خدمة و خدمت ب200د لكن استغلني المهندس باش نخدملوا الخدمة اللي ماكانش فيها حتى عقد عمل و طردني ...ساعتها بكيت بحرقة خاطرني حبيت نكون خبرة و نصبر على الوضع لكن هيهات ...بقيت عام بطال لين كلمني واحد في تونس العاصمة مقاول ...مشيت قالي نفس الكلام اللي قاله الاول ...اعمل خبرة واصبر و تو تبدا ادز الفلوس دزان ...انا لتوا لا ريتها هالفلوس هههه ...خدمت شهر ما ساعدنيش الوضع و لقيته كذاب و زيد حطني في عصابة موش شانطي ...في الاخير خدمت عند مهندس لوكان موش فلوس بوه ما يوصلش حتى حماص ..ولى يهنتل في و يقولي فلوسي تعيش ولاد ولادي ...الحاصيلو من وقتها وانا بطال و بقيت نلوج على الانترنيت بالصدفة لقيت حكاية الامارات ...لكن منذ صححت على الكنترا ودفعت الفلوس ...فهمت اللي انا ظاهرلي وقعت في الفخ بالرغم اللي برشا ناس تشكر و تمجد فيها شركة التوظيف ...والله شي من كثر الهم وليت نضحك موش نبكي ...بالرغم اللي ماعطيتهاش اهمية كبيرة الحكاية و من يوم ما قابلت مدير الشركة و تلعثمت في الانقليزية اللي انا النهار الكل كنت نحكي مع اجنبية اللي هي بيدها جبدت بيا ...مشى في بالي رفضوني لكن تقبلت و تنشرت في العالم و ناس جاية تبارك وناس تحسد وناس تشوف في مروح بهامر ...بالرغم اني ماحكيت لحد كان محمد و علي و ريان و برهان و سليم و كريم و ماهر و ثامر وخديجة وبهيجة و سناء و وفاء و وووووووووو...واكهو ...لا علينا ..كان بابا وامي سمعوا من الجيران ...واخيرا بعد التعب الكل ...كل شيء انكشف اللبان ...و هكه تفكرت روحي كيف كنت انوح و نغني و نكتب في الشعر و تذكرت بعض الابيات
الناس يحلالها النوم و انا سهران يابا.... .... القلب ديما مهموم و العقل ضاع صوابه
لامن حاس بحالي كان ربي العالي ........... في غربة وحدي محروم لمن بعثلي جوابه
و في اخرى نقول
مليت صبري العمر راح تعدى.....البخت ضايع و الوقت واش يرده
مليت صبري وانا وحيد نقاسي ...من كثر همي بان الشيب في راسي
لا يوم ريت اللي يقدر اخلاصي ...ما تلقى اللي يساندك في الشدة
يا ناسي غدرك ليا ما تنساني ,,,يجيك يوم و تعاني كيفم انعاني
يا قاسي يا غدار يا اناني ...الحب بحر صعيب ماكش قده
2007
لامن حاس بحالي كان ربي العالي ........... في غربة وحدي محروم لمن بعثلي جوابه
و في اخرى نقول
مليت صبري العمر راح تعدى.....البخت ضايع و الوقت واش يرده
مليت صبري وانا وحيد نقاسي ...من كثر همي بان الشيب في راسي
لا يوم ريت اللي يقدر اخلاصي ...ما تلقى اللي يساندك في الشدة
يا ناسي غدرك ليا ما تنساني ,,,يجيك يوم و تعاني كيفم انعاني
يا قاسي يا غدار يا اناني ...الحب بحر صعيب ماكش قده
2007
التعديل الأخير: