• كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها

خبر وطني بالفيديو/ طرد نبيل القروي من حي شعبي ومواطن:” نموت بالشر وما ناكلش من عندك “

2017ala

عضو مميز
إنضم
20 أكتوبر 2017
المشاركات
1.356
مستوى التفاعل
2.281


يا اخوه راني معاكم انه يدخل في الرياء و السمعة، و انه ما يجيش يوكّل و يصوّر، اما راو شيء يبهت كي نرى تعليق مستفز كيف ما نهكا ، عباد مذلولين في كروشهم و انتوما تزيدو تعفسو عليهم بآراء كيف مانهكا! آش خص كان الاحزاب لخرا تنافسو في الرياء متاعو يا سيدي و تحاول تفوتو في اللي يعمل فيه، الرابح في اللخر هو الزوالي اللي عايش في بلايص والله الواحد ما كانش يسمع بيهم جيعانين في كروشهم ما يقدروش جملا! واحنا شبعانين و كوناكتي من وراء الشاشات نهمزوا فيهم و نرخصوا ديهم، راو عباد زغارها ميتة بالشرررررررررررررررررررررررررررررررر يهديكم ربي !
قائمة التجاهل تفي بالغرض لا تتعب نفسك :no:
 

amedital

نجم المنتدى
إنضم
20 جانفي 2006
المشاركات
6.624
مستوى التفاعل
11.535
كيف يولي شبابنا كيف شباب سنغفورة توا نوليو كيف سنغفورة
لا ماردنيش راجل و مانتمنى لموت لحد و مانيش نعمم. بل خلالي بلاد متاع فقر و هم و ميزيريا, رضى بالذل و الهوان و ركب علينا الي يسوى و الي مايسواش. جيل نشأ في ظروف خير بألف مرة من شعوب أخرى الي في وقتها ماكلتهم الحربو و الصراعات و الأوبئة كسنغافورة و غيرها و شوف هوما وين و احنا وين.
 

Raoofsagr

عضو نشيط
إنضم
23 فيفري 2015
المشاركات
210
مستوى التفاعل
243
الخوانجية حركت اذنابها بكوارط بو خمسين التصدي لزحف القروي... متوقعة وعادية... وكان موش باش يفهم روحو السكوتار والتنظيم السري في الدورة...
 

NO SYSTEM

نجم المنتدى
إنضم
15 ديسمبر 2015
المشاركات
3.881
مستوى التفاعل
8.115
تحكي هكا خاترك شابع في كرشك ، اما المحتاج و اللي يصيم و ما عندوش باش يشق فطرو كيف ياخو من جماعة القروي ما ظاهرلي كان ينفعو كلامك انت "ما تاكلش راك تتسمى رخيص..."، فلتقل خيرا او فلتصمت !
تجوع الحرّة ولا تأكل بثدييها
 

Mou3adovic

نجم المنتدى
إنضم
6 نوفمبر 2009
المشاركات
3.380
مستوى التفاعل
2.920
تجوع الحرّة ولا تأكل بثدييها
صحيت يا بطل ! و الحر كي يجوع باش ياكل اذا لا لقى لا خدمه لا ڨدمه؟ و الدوله ناسيتهم جملا ! يا ولادي افهموا راهم مناطق منسية ماهمش عايشين في تونس ! و احنا بعد الثوره زدنا هم على هم و فقر على فقر و وصلنا للحضيض، ما تراش روحك ماكل شارب و كوناكتي، راو الجوع كافر كا ا ا ا ا ا افر ! افهموها هاذي !
 

espoirperdu

نجم المنتدى
إنضم
20 ماي 2014
المشاركات
6.363
مستوى التفاعل
17.487
راجل وسيد الرجال
 

محمدالعيّاري

نجم المنتدى
إنضم
27 ديسمبر 2015
المشاركات
1.606
مستوى التفاعل
4.193
إستغلال جمعيّة خيريّة لجمع قاعدة بيانات إنتخابيّة و شراء ذمم واصوات بكراذن المقرونة!!
وهو ما يجعل هذا الشخص المشبوه مخالف للقانون المنظّم للجمعيات وللقانون الإنتخابي أيضا مما يجيز تدخّل النيابة العموميّة في هذا .


 

Love Tunisia

نجم المنتدى
إنضم
19 فيفري 2013
المشاركات
3.136
مستوى التفاعل
5.608
للاسف برشا ناس ما يعرفوش نبيل ولد آل القروي وزوجته الكريمة .... الصداقات الي قدموها نبيل وسلوى ونواياهم يعلمّ بيها كان ربي ... الصداقات لله!

كل حاجة باهية يعملها تونسي تدوروها يلوج على مصلحتو ويخدمّو في مخو وتسبوه...لا تخدمو ولا تعاونو ولا تخلو آشكون يخدم ويعاون... آشبيكم هبلتو؟ بالك ناقص فلوس وجاه نبيل القروي يستنى فيه من عندكم انتوما؟؟! واذا كان يصّور في روحو، ما هو على خاطر يشجعّ في الناس للصدقات ويحكي على قصص المحتاجين في تونس!!! آشنوة المشكل؟؟!

آههه، تقوللي يحب على الرئاسة!! وعاد آشبيه، شنوة المشكل؟ ياخي ماعندوش الحقّ يترشح للرئاسة؟ بالك الشاهد وحمةّ والهاشمي ووو ... خير من نبيل القروي ؟؟!!
 

Rejeb moez

نجم المنتدى
إنضم
1 أوت 2012
المشاركات
3.339
مستوى التفاعل
3.560
إذا كان الواحد أحب يعمل الخير ،علاش يقعد في كل مناسبة أذكر به الناس وعلاش موش في الستر ووراه كل هل البروبغندا الإعلامية ،فالي أحب يعمل الخير موش بحاجة للافتة جمعية وأسم كل مرة أذكر به خلق ربي وهنا نحكي على سي القروي ،لأنه لو تشوف قداش من مرة امرر في إشهار لجمعيته تو تفهم كون الحكاية بزنس ،إذ شكون قال كون كل ماتتلقاه الجمعية من فلوس ماشي في فعل الخير ،وحاجة أخرى من يقعد كل مرة يحكي بكونو عاون فلان ومد لفلتان أولي منان والمنان حاجة موش باهية عند ربي ،لذا أعمل بالستر وخلي نيتك صافية مع ربي موش خير ياسي القروي خاصة وكونك زدت في الدوزة الإعلامية مع قرب الإنتخابات لتذكرني بمثل مافماش قطوس يصطاد لربي .
 

Love Tunisia

نجم المنتدى
إنضم
19 فيفري 2013
المشاركات
3.136
مستوى التفاعل
5.608
إذا كان الواحد أحب يعمل الخير ،علاش يقعد في كل مناسبة أذكر به الناس وعلاش موش في الستر ووراه كل هل البروبغندا الإعلامية ،فالي أحب يعمل الخير موش بحاجة للافتة جمعية وأسم كل مرة أذكر به خلق ربي وهنا نحكي على سي القروي ،لأنه لو تشوف قداش من مرة امرر في إشهار لجمعيته تو تفهم كون الحكاية بزنس ،إذ شكون قال كون كل ماتتلقاه الجمعية من فلوس ماشي في فعل الخير ،وحاجة أخرى من يقعد كل مرة يحكي بكونو عاون فلان ومد لفلتان أولي منان والمنان حاجة موش باهية عند ربي ،لذا أعمل بالستر وخلي نيتك صافية مع ربي موش خير ياسي القروي خاصة وكونك زدت في الدوزة الإعلامية مع قرب الإنتخابات لتذكرني بمثل مافماش قطوس يصطاد لربي .
على خاطر فمّا توانسة مشاركين في الجمعية هذي ماهياش فلوس نبيل القروي وحدو... والهدف الاساسي هو تشجيع الناس للمساهمة والاصلاح!
شوف خويا، كل واحد ونيتو علاش كل حاجة تشوهوها وتقلبوها حتى الواحد يجي يحبّ يعمل حاجة باهية تفشلوه وتسبوه... آنا عندي نبيل القروي رئيس لتونس يخدم لمصلحة التوانسة خير من وجوه اللوح الموجدين توّ واحد يخدم لمصلحة سفير فرنسا ولآخر يخدم لمصلحة تركيا وقطر!!
 
أعلى