1. كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها
    إستبعاد الملاحظة

Un poème d'Ahmad Fouad Najm

الموضوع في 'منتدى الشعر والأدب' بواسطة fekri, بتاريخ ‏30 سبتمبر 2008.

  1. fekri

    fekri عضو مميز

    إنضم إلينا في:
    ‏20 ديسمبر 2005
    المشاركات:
    1.168
    الإعجابات المتلقاة:
    792
      30-09-2008 16:01
    عن موضـوع الفـول واللحمـة
    صـرّح مصـدر قـال مسئـول

    En ce qui concerne le sujet des fèves et de la viande, d'après une source officielle, un responsable a declaré

    ان الطـب اتقدم جـداً
    والدكتـور محسـن بيقـول

    La médecine s'est développée et le Docteur Mohcine dit

    ان الشعـب المصـري خصوصـاً
    من مصلحتـه يقـرقش فـول

    Le peuple égyptien , en particulier, doit consommer les fèves

    حيـث الفـول المصـري عمومـاً
    يجعـل من البنـي آدم غـول

    Car en général, les fèves égyptiennes, transforment, un être humain en monstre

    تأكـل فخـده في ربـع زكيـب
    والدكتـور محسـن مسئـول

    Tu manges (en cours de traduction) et Docteur Mohcine est responsable

    يدّيـك طاقـة وقـوة عجيبـة
    تسمـن جـداً تبقـى مهـول

    T'offrent une énergie et une force exceptionnelle.
    Tu deviens gros et les gens te craignent


    ثـم أضـاف الدكتــور محسـن
    ان اللحمـة دي سـمّ أكيـد

    Puis, Docteur Mohcine a ajouté, que la viande est un vrai poison

    بتـزوّد أوجـاع المعـدة
    وتعـوّد علـى طولـة الإيـد

    Elle augmente les douleurs du ventre et t'habitue à avoir le bras long

    وتنيّـم بنـي آدم
    وتفرقـع منـه المواعيـد

    Elle fait endormir un être humain et lui fait oublier ses rendez-vous

    واللـي بياكلـوا اللحمـة عمومـاً
    حيخشّـوا جهنّـم تأبيـد

    Puis, ceux qui consomment la viande iront sûrement en enfer


    يادكتـور محسـن يامزقلـط
    يامصـدر ياغيـر مسئـول

    O Docteur Mohcine, (encours de traduction) O source irresponsable

    حيـث ان انتـو عقـول العالـم
    والعالـم محتـاج لعقـول

    Alors que vous êtes les intellectuels du monde et le monde à besoin d'intellectuels

    مارأي جنابـك وجنابهـم
    فيـه واحـد مجنـون بيقـول

    Selon votre avis excellence, y a t il un fou qui dit

    إحنـا سيبونـا نمـوت باللحمـة
    وانتـو تعيشـوا وتاكلـوا الفــول

    Laissez nous mourir de viande et vous, vivez et mangez des fèves

    مارأيـك ياكابتـن محسـن
    مـش بالذمّـة كـلام معقـول؟

    A ton avis capitaine Mohcine, ces propos sont ils raisonnables?
     
    1 person likes this.

  2. sloumakov

    sloumakov عضو فعال

    إنضم إلينا في:
    ‏8 جويلية 2007
    المشاركات:
    485
    الإعجابات المتلقاة:
    447
      02-10-2008 00:35
    كلمت رائعة خاصة إذا تناغمت مع ألحان الشيخ إمام ....
     
    1 person likes this.
  3. fekri

    fekri عضو مميز

    إنضم إلينا في:
    ‏20 ديسمبر 2005
    المشاركات:
    1.168
    الإعجابات المتلقاة:
    792
      02-10-2008 05:55
    أخي العزيز

    يا عرب ( باللهجة المصرية )

    كلمات الشاعر المصري أحمد فؤاد نجم .. و غناء الشيخ إمام



    يا عرب .. يا عرب .. يا عرب في أي مصر

    يا عرب .. يا عرب .. اسمعوا صوت شعب مصر

    أحفظوا لمصر المكان .. و احنا عالعهد اللي كان

    مصر أوفى من الزمان ..
    و انتو عارفين شعب مصر

    يا عرب يا عرب يا أهل مصر

    ----------------------------

    اللي خانوا العهد بينا .. و استباحوا كل حاجة

    و استهانوا بالعروبة .. و استكانوا للخواجة

    مستحيل حيكونوا منا .. نحنا حاجة و هما حاجة

    هما باعوا الجلابية .. و الوطن و البندقية

    و ا حنا أصحاب القضية ..

    احنا ما بنبيعش مصر

    يا عرب يا عرب يا أهل مصر
    ----------------------------

    يطلع الدجال بزيفو .. يملا وادي النيل ضباب

    ينزل الجلاد بسيفو ... يزرع الموت و الخراب

    يطول الليل زي كيفو .... الصباح له ألف باب

    و احنا بوصلتنا بإيدينا .. ما تخافوش من الليل علينا

    مهما غبتو عن عينينا ..

    انتو جوا بقلب مصر

    يا عرب يا عرب يا أهل مصر

    -------------------------

    سينا و لا .. يافا و لا .. حيفا ولا ... دير ياسين

    اسألوا الشمس اللي هالة .. عللي صحيوا مبدرين

    يزرعوها نور و غلة .. دول جدودنا و لا مين ؟

    حقنا و حتما ً يُعاد .. بس لو بانت سعاد

    و البيان ده لوه معاد ...

    و المعاد حيكون في مصر

    يا عرب يا عرب يا أهل مصر
     
  4. fekri

    fekri عضو مميز

    إنضم إلينا في:
    ‏20 ديسمبر 2005
    المشاركات:
    1.168
    الإعجابات المتلقاة:
    792
      02-10-2008 06:00
    نكسون

    شرفت يانكسون بابا يا بتاع الوترغيت

    عملولك ايمة وسيمة سلاطين الفول و الزيت

    فرشولك اوسع سكة من راس التين على مكة

    وهناك تنفد على عكا ويقولوا عليك حجيت

    ____________________________________

    عزموك فقالوا تعالا تاكل بابمبون وهريسة

    امت لانك مهيف سدءت انحنا فريسة

    هات وشك خودلك تفة طبعا شلا يا صحاب البيت

    ___________________________________

    خد منى كلام يبئالك ولونك موش حتعيش

    لاحؤول أهلا ولا جهلا ولاتجى ولا ماتجيش

    بيقولوا اللحم المصرى مطرح مابيسرى بيهرى

    ودا كولوا من تاثير الكوشرى والفول أبو سوس بزيت
     
  5. fekri

    fekri عضو مميز

    إنضم إلينا في:
    ‏20 ديسمبر 2005
    المشاركات:
    1.168
    الإعجابات المتلقاة:
    792
      02-10-2008 06:06
    أوأه

    هذه القصيده للمرحوم الرئيس انور السادات كلمات أحمد فؤاد نجم وغناء الشيخ امام

    أوأه المجنون أبو برقوقه

    عيره وبرانى وملزوقه

    نصاب ومنافق ودماغه

    مليانه مناطق موبوءه

    والنكته كمان انه حلنجى

    وعامل لى فكاكه وحندوقه

    مع ان الحجش أفهم منه

    والعالم فهمه ومفلوقه

    بسلامته بيسرح قال بينا

    يعنى احنا مواشى يا زقزوقه

    داحنا العريفه الحريفه

    غيرش الايام المدعوقه

    شفت الولدات الشلبيه

    ليلة التحرير يا أسطى فاروقه

    أهو دولا ولادنا وأكبدنا

    وقلوبنا عليهم مشقوقه

    يا سلام يا صلاة النبى احسن

    إلى حيل العلم يا مرزوقه

    حلوين وحياتك يا بلدنا

    يا أم الخيرات المسروقه

    احنا اللى رمينا البذرايه

    وروينا الارض المعزوقه

    وحنحصد بكره وحنغنى

    وعيون الخاين مخزوقه

    القاهرة / 1973
     
  6. fekri

    fekri عضو مميز

    إنضم إلينا في:
    ‏20 ديسمبر 2005
    المشاركات:
    1.168
    الإعجابات المتلقاة:
    792
      02-10-2008 06:14







    جائزة نوبل

    كلمات أحمد فؤاد نجم وكتبها بمناسبة معاهدة السلام وحصول مناحم بيجن على جائزة نوبل

    شوف عندك يا سلاملم

    واتفرج يا سلام

    مواطن شخص عادى

    مالوش اى اهتمام

    ومبارك الخيانه

    ومسميها السلام

    وف يوم قرا الجرايد

    تاريخ ما اعرفش كام

    من يومها يا ضنايا

    بيشقلب فى الكلام

    واتفرج يا سلاملم

    اتفرج يا سلام

    على شقلب يا سلام

    لنا محانم جيبن يادخ

    زايجة لوبن

    يعنى مناحم بيجن

    ياخد جايزة نوبل

    تبقى النوديا يعنى الدنيا

    ماشيه بتحدف بالمندار

    يبقى الشهر اتناشر ساعه

    يبقى اليوم ليلتين ونهار

    يبقى القاتل شحص ضحية

    والمقتول مجرم جبار

    شفتوا ازاى ؟

    اما صحيح الطب اتقدم

    وحنا ما وصلناش أخبار

    أيوه يا لجنة لوبن بيه

    قاعدة بتلجنى ايه

    أنا مش فاهم حاجه صراحه

    لما القاتل ياخد جايزه

    كده من دون تلبيخ وأباحه

    يبقى يا أما اللجنه دى بايظه

    او لامؤاخذه رئيسها حمار

    يبقى يا لجنه يا عره يا كوسه

    جتنا وجاتكو ستين حوسه

    تبفى ف هذا الزمن المايل

    ياما حنجرى علينا هوايل

    تبقى اللكمه بدل الكلمه

    والكاتب يمسك منشار

    يبقى الراعش يعنى الشاعر

    يسكن شقة فى بيت ف قصيده

    يكتب فول ياكل أشعار

    ========================






    مرحبا

    بعد السلام والمرحبا

    يا اولاد بلدنا يا طيبين

    نفرش كلام المصطبة

    واضح لكل السامعين

    مصر الحبيبة الطيبة

    أم البنية (بتشديد الياء) والبنين

    ايش حالها في عز الصبا

    ايش حال ولادها المخلصين

    وسط العواصف مركبة (سفينة)

    بين ريح شمال وريح يمين

    جابوا الطبيب ابن الحلال

    كشف مكان الداء وشاف وقال

    أهل البصيرة في البلد

    جواب لكل السائلين

    قال البلد عاوزه ولد

    ياخد بطار (ثأر) المظلومين

    ولد يعوض اللي راح

    ويعلا فوق كل الجراح

    ويمد إيده في الضباب

    يشد أنوار الصباح

    فيكم ولد يا سامعين ؟

    (يرد الكورس): أجدع ولد

    طب هوه فين ؟ وهوه مين؟

    كورس: ابن البلد

    يا ابن البلد يا ابن البلد

    الوقت وقتك يا ولد

    يا قلب مصر ونبضها

    كورس: يا ابن البلد يا ابن البلد

    يا صبحها

    كورس: يا ابن البلد

    يا ربحها

    كورس: يا ابن البلد

    يا قمحها

    كورس: يا ابن البلد

    يا رمحها

    كورس: يا نور سماها وأرضها

    آدي كلام المصطبة يا اولاد بلدنا يا طيبين

    بعد السلام والمرحبا واضح لكل السامعين

    =======================================================

    أنشد الشيخ رحمه الله هذه الأنشودة في طلبة الجامعة قبيل حرب 1973 فألهب مشاعرهم الوطنية وأتي هدير صوتهم واضحا في خلفية التسجيل . كان يطالب بقائد من بينهم يقود ثورة جديدة تقلب النظام وتصحح الأوضاع .

    لا أكون مبالغا إن قلت أن خوف النظام من ثورة شعبية في تلك الفترة ربما يكون قد عجل بالحرب .



    ========================






    نويت أصلي

    نويت أصلي … نويت أصلي …

    نويت أصلي صرصور دخل لي

    هرش لي مخي قعدت أفلي ( أي وقفت حائرا أقلب الأفكار ، أفلي من التفلية أي البحث عن القمل بالرأس)

    خربوش خرابش … صرصور مهابش ( صرصور شقي ذو هبش وخربشة)

    وفضلت أهابش ما حد دلي ( ظللت أكافح وأحاول دون أن يدلني أحد)

    حليت رباطي من تحت باطي 0 الباط هو الإبط)

    لا قدرت أطاطي ولا طلت أعلي ( لم أقدر على الوقوف أو الانحناء)

    حيران يا حالي سهران ليالي

    وسنين بقالي مربوط في ضلي ( كيفما تحرك ظلي تحركت معه)

    وسألت قال لي شيخنا المصلي

    اركع تاراته اسجد تراللي ( تاراته وتراللي نغمات موسيقية تفيد رتابة الوتيرة والتكرار)

    يارب ياللي … يارب ياللي (ياللي : يا من)

    زرعت عودي سارح تملي ( أقمت جسدي كنبات ينمو دوما باستقامة)

    وعدلت ضهري فوق سرج مهري ( وأقمت ظهري شامخا فوق حصاني)

    وطبعت زهري على خد خلي ( ومكنتني من طبع قبلتي على خد حبيبتي)

    وحياة معيشتي متعب ومشقي ( أحلف بمعيشتي التي ربما كانت سبب شقاء للآخرين)

    مهمن (مهما) جري لي مهمن حصل لي

    لاوهب حياتي واوصل صلاتي ( لأهبن حياتي كلها في صلاة متصلة)

    والآتي آتي في يوم تجلي ( وليكن ما يكون يوم تتجلى لي ذاتك العلية)

    ========================






    لا نحالف


    لما نحالف لا نحالف إلا الأخيار
    لما نحارب لا نحارب إلا الفجار
    دارنا هنا حرة و إحنا فيها أحرار


    .......................


    يللي دمانا المهدورة سفكتها يداك
    يللي بلادنا المحتلة إحتلتها قواك
    لك عهد الله لا نسمعلك و لا نمشي وراك
    و لا نذهب شرقي و غربي و لا يمين و يسار
    دارنا هنا حرة و إحنا فيها أحرار


    ......................

    يا مشرد في البرية شعب فلسطين
    و دبحت الشعب العربي دبح السكين
    لنخاصم لجل (لاجل) عيونك روسيا و الصين
    ولا نقبل صدقة و رشوة بجنيه و دولار
    دارنا هنا حرة و إحنا أصحاب الدار


    .......................

    يا مغرور يللي غرك إكرام الضيف
    لو تعرف مين العربي في يوم الحيف
    لا يحاور و لا يتكلم إلا بالسيف
    لما نحالف لا نحالف إلا الاخيار
    لما نحارب لا نحارب إلا الفجار
     
    1 person likes this.

  7. sloumakov

    sloumakov عضو فعال

    إنضم إلينا في:
    ‏8 جويلية 2007
    المشاركات:
    485
    الإعجابات المتلقاة:
    447
      02-10-2008 12:33
    هذه مجموعة اغاني للمطرب الشيخ إمام الذي غنى للشاعر أحمد فؤاد نجم (أهم شعراء العامية في مصر) فأبدع بالتلحين وبأسلوب لغناء وقد اخترت لكم بعضأ من أغانيه السياسية والإجتماعية إنشالله تعجبكم :

    اسم الاغنية غابة كلابها ديابة

    هم هم هم همهم همهم
    غابة كلابها ديابة نازلين بلناس هم
    ولي ينام بلغابة رح يتاكل هم
    ولي يغير وشو بغمضة عين يتهم
    هم هم هم همهم همهم .......
    مهي غابة كلابها ديابة ولي يتوه بلغابة ياخويا رح يتاكل هم
    ولي يغيب عن جحرو لاجل القوت والمم يتخان من ورا ضهرو أو يتاخد خم
    غابة بتاكل بيتك وغابة بتشرب دم
    هم هم هم همهم ......
    غابة كلابها ديابة نازلين في الناس هم
    غابة وناسها غلابا خيخة لاناب ولا فم
    متكلين ع صدفة متاكليين بالهم
    هم هم هم ..... همهم ......
    واحنا يا ملح الغابة هم يحرك هم ضايعين وسط ديابا مش فاضيين نهتم
    فاهمين وبنتغابى ومش راضيين نتلم ....... ليه
    هم هم ........... همهم .....
    هم هم

    وغنى ل فاليري جيسكار ديستان الفرنسي بمناسبة زيارته لمصر :

    فاليري جيسكار ديستان والست بتاعه كمان we we sevoplay
    حجيبو الديب من ديلو ويشبع كل جعان
    ياسلملم ياجداع ع ناس الجنل ماع
    دحنا حنتمنجه واصل وحتبقى العشية جنان
    التلفزيون حيلون والجمعيات تتكون
    والعربيات حتمون بدل البنزين بارفـان
    وحتحصل نهضة عظيمة وحنبقى علينا القيمة
    في المرسح او في السيما او في جنينة الحيوان
    حتبقى الاشيا دلابيا ولا حوجل سوريا وليبيا
    وحنعمل وحدة ارابيا مع لندن والفاتيكان
    والفقرا حياكلو بطاطا وحيمشو بكل ألاطا وبدل ما يسمو شلاطة حيسمو عيالهم جان
    وده كلو بفضل صديقي ديستان الرومنيكي ولاحدش فيكو شريكي في المسكن والسكان

    وغنى لنكسون بابا :
    شرفت يا نكسون بابا يا بتاع الووتر غيت
    عملولك قيمة وسيمة سلاطين الفول والزيت
    فرشولك اوسع سكة من راس التين على مكة
    وهناك تنزل على عكا ويقولو عليك حجيت
    مهو كلو داير داير شللاه يا صحاب البيت
    جواسيسك يوم تشريفك على كيفك نصبو الزار تتقصع فيه المومس والقارح والمندار
    عزموك فقالو تعال تاكل بونبون وهريسة قمت انت لانك مايع صدقت ان احنا فريسة
    طبلت لحب الزفة يا عريس الغفلة يا خفة هات وشك خودلك تفة شوباش يا صاحب البيت
    شرفت يا نكسون بابا يا بتاع الووتر غييت
    خود مني كلام يبقالك ولو انك مش حتعيش
    لاحقول اهلاً ولا جهلاً ولاتيجي ولا متجيش
    بيقولو اللحم المصري مطرح ما بيسري بيهري .. طبعاً
    وده من تأثير الكوشري والفول والسوسة بزيت
    شلللاه يا صحاب البيت

    وغنى للشقق المفروشة بمصر :
    بتكاتي الناتي كوناتي وشقق مفروشة وعوملاتي
    يا حلاوة الناو كوناواه يا بلدنا يا أخر فتكاتي
    شوبيك لوبيك فتح مخك لوبيك شوبيك غمض عينك حتقفل مخك حنطوخك ونلوشك لو تفتح عينك
    ركب قرنين تركب مازدا وتعيش سلطان في البير وزة
    مش عاجبك هل جبنة الفاسدة والفول والعيش والكراتي
    مين فيكو ما يعرفش عليوه شيال المينا الكحيان في ثواني تمول وتحول بقى مسيو علليوا عليان
    إزاي مهي اوضة ومفتوحة على حس ولاد المفضوحة وارانب صاحية ومدبوحة تتأكل سبع البوتكاتي
    حتقولي الفقرا ومشكالهم دي مسائل عايزة التفانين انا رأي نحلها رباني ونموت كل الجعانين
    وبهذا ماحدش حيجوع أبداً أبداً لأ لأ لأ .. لو نعلن هذا المشروع وحنقفل هذا الموضوع نوهائياً ونعيش في تباتي ونباتي بوتكاتي الناتي كوناتي .

    وغنى للحب فأبدع :
    أنا توب عن حبك أنا
    أنا ليا في بعدك هنا
    دنا بترجاك الله يجازيك يا شاغلني معاك وشاغلني عليك
    وان غبت سنة انا برضو انا لا قدر انساك ولا ليا غنى و لاتوب عن حبك انا
    زي ما يحلالك زي هواك سهرني عليك سهرني معاك
    دنا عمري ما خاف من هجرك يوم ولا قلبي بيفرح وانا وياك
    وان كان امل العشاق القرب أنا املي بحبك هو الحب وان غبت سنة انا برضو انا لا قدر انساك ولا يلا غنى ولا اتوب عن حبك انا ...
    انا لا تمنيت ولا قلت يا ريت ولا بعدك عني جعلني سليت
    دنا كل منايا ادوق اللوم ويقولو علي الناس حبيت
    وان كان امل العشاق القرب انا املي بحبك هو الحب ..
    تخاصمني كتير .. تصالحني كتير كل ده يا حبيبي مالوش تأثير
    توصلني سنين تهجرني سنين ما تغيرنيش انا حبي كبير
    وإن كان امل العشاق القرب انا املي بحبك هو الحب
    إن غبت سنة انا برضو انا لا قدر انساك ولا ليا غنى ولا توب عن حبك انا

    رحم الله الشيخ إمام
     
    1 person likes this.

مشاركة هذه الصفحة

جاري تحميل الصفحة...