• كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها

خبر عالمي حالة طوارئ في العالم بسبب روسيا

adib303

مشجع للنادي الافريقي
إنضم
10 سبتمبر 2011
المشاركات
10.274
مستوى التفاعل
17.289
كشف رئيس الوكالة الاتحادية للطاقة الذرية الروسية (روساتوم) الاثنين عن ملابسات وفاة خمسة خبراء نوويين في انفجار غامض في البحر.

وأكد المسؤول الروسي أن الخبراء الخمسة الذين قضوا الأسبوع الماضي في الانفجار النووي كانوا يعملون على تطوير "أسلحة جديدة"، متعهّدا بمواصلة الاختبارات "حتى النهاية" رغم الحادث.

ووقع الحادث الخميس الماضي في منشأة عسكرية بمنطقة القطب الشمالي على سواحل البحر الأبيض، إلا أن السلطات الروسية انتظرت حتى السبت لكي تقر بأنه نووي. وأدى الانفجار إلى ارتفاع وجيز في مستوى النشاط الإشعاعي.

ومنحت روسيا أوسمة للخبراء ووصفتهم بأنهم "أبطال قوميون" لقوا حتفهم، في حين أعلنت مدينة ساروف -التي تضم القاعدة الرئيسية للأبحاث النووية في روسيا- الحداد عليهم.

ونقلت وكالة "تاس" للأنباء عن مسؤولين قولهم إن النار اشتعلت في وقود الصاروخ، مما تسبب في انفجاره. وأدت قوة الانفجار إلى إلقاء عدة أشخاص في البحر.

وقال خبراء نوويون في الولايات المتحدة إنهم يشتبهون في أن الانفجار حدث أثناء اختبار صاروخ كروز قادر على حمل رؤوس نووية تفاخر به الرئيس الروسي فلاديمير بوتين العام الماضي.

من جهته، وصف فالنتين كوستيوكوف رئيس مركز نووي تابع لشركة "روس أتوم" النووية الروسية المملوكة للدولة- الخبراء بأنهم "كانوا صفوة المركز النووي الاتحادي الروسي، وقاموا بالاختبار في ظل ظروف صعبة بشكل لا يصدق".

ورغم أن وزارة الدفاع قالت في بادئ الأمر إنه لم يحدث تغيير في مستوى الإشعاع، فإن السلطات في مدينة سيفيرودفينسك القريبة تحدثت عما وصفتها بزيادة لفترة قصيرة في مستوى الإشعاع، دون إعطاء تفسير لذلك.

وإبان الحرب الباردة كانت مدينة ساروف مركزا للأبحاث السرية، وكانت تعرف باسم "أرزاماس-16"، وصُنع فيها أولى الأسلحة النووية السوفياتية. واليوم لا تزال مدينة مغلقة، ولا يُسمح بدخولها إلا لمن يحمل تراخيص خاصة.

الجزيرة
 

adib303

مشجع للنادي الافريقي
إنضم
10 سبتمبر 2011
المشاركات
10.274
مستوى التفاعل
17.289
تقرير منقول من صديق مصري متابع لهاته للموضوع

روسيا حاليا فيها كارثة، يمكن تكون مسمعتش عن الخبر ده عشان العيد وكدة لكن لك ان تتخيل ان العالم كله مقلوب حاليا بسبب الكارثة دي، فيه اللي بيقول صغيرة وتم احتوائها، وفيه اللي بيقول كبيرة ولسة فيها كلام كتير، بس اهو العالم كله بيتكلم وخايف وقلقان.

قبل ما تقرا، خلينا نقول ان البوست ده الكلام فيه كتير، وحادثة زي دي بتحتمل اكتر من رأي، فا مفيهوش حاجة اكيدة بنسبة ١٠٠٪، واللي بيبين ده الايام بعد كدة، مش دلوقتي، اللي في ايدينا دلوقتي تكهنات واخبار بننقلها ع؛ ان تقروها وبس، فيه لينكات تقدر ترجع ليها.

يوم ٥ أغسطس اللي فات الروس اللي عايشين في شمال روسيا صحيوا علي صوت انفجار رهيب جي من ناحية مخزن سلاح كبير في أكينسك، بيبصوا كدة لقوا ان فيه انفجار فعلا، بس اللي يخض انه مش انفجار كدة عادي لا دا واخد شكل الفطر او المشروم بتاع الانفجار النووي زي ما حصل في هيروشيما كدة، وطبعا صوروه هتلاقوه هنا : وهنا :
ساعتها السلطات في روسيا طلعت وقالت انه انفجار في تجربة صاروخ بس انفجار عادي مفيهوش ضحايا صباح الفل يعني، مش نووي ولا حاجة اتطمنوا عادي مجرد اصابات عادية مفيش ضحايا، الا ان الاجواء مكانتش تطمن خالص،

كنا احنا وقتها بقا في الشرق الاوسط، مشغولين بأيه؟ ايوة بالظبط، الغروب الدامي، او النور الاحمر اللي ظهر بعد الغروب في السما وكلنا قلنا دا طلوع الشمس من مغربها وبتاع، وسبحان الله الهيئة السعودية تربط بينها وبين ما اسمته "حرائق في شمال روسيا" في نفس اليوم اللي هوا ٥ اغسطس ومكنش حد عارف ايه هوا السبب الحقيقي : الأرصاد تفسر ظاهرة 'الغروب الأحمر'.. وصحيفة سعودية: حرائق روسيا السبب

نرجع لروسيا بقا، بعد الانفجار بكام ساعة، صفارات الانذار كلها في مقاطعة أكينسك والمدن والقرى حواليها صفرت، عشان بعدها الحكومة الروسية تؤمر بأن اكتر من ١٠٠ الف من السكان في المناطق المحيطة يقعدوا ميخرجوش من بيوتهم، وقامت موزعة عليهم بوتاسيوم ويود، والمعروف ان الحاجات دي مبتتوزعش الا في الكوارث النووية، لان وقتها الناس بتتعرض ليود مشع 131 عن طريق الغدة الدرقية فا لما بياخدوا iodine فا الجسم بيستكفي ومبيمتصش اليود المشع : WATCH: Explosions at Russian ammo dump lead to mass evacuations

و بالنسبة لليود :
كدة لا خلاف علي اننا قدام كارثة نووية فعلا علي المستوى المحلي في روسيا، الا ان الحكومة استمرت في الانكار، علي الرغم من انتشار الصور والفيديوهات عن الانفجار ده وكمان صور لقرى اتدمرت حرفيا، الموضوع مكنش باين انه بسيط لكن الاعلام بيخبّي، عشان الناس بردو تتفاجئ ان روسيا بعتت مركبة Uran-6 واللي معدة للتعامل مع حالات التسرب الاشعاعي.

الموضوع يخلص؟ لا يا سيدي، الخطر الحقيقي بقا في التسرب الاشعاعي، لما يطلع علماء من كل حتة في العالم يقولولك انه حصل تزايد في معدل الruthinium 106 في الغلاف الجوي "بشكل محلي" وفيه كلام عن Radioactive leak هيبدأ يأثر علي العالم لو الشكوك طلعت صحيحة : Russia nuclear leak: Mystery as two scientists' bodies disappear after radiation explosion

الكلام ده حصل يوم ٩ أغسطس بالليل، ظهر ارتفاع غريب في مستوى الإشعاع في مدينة اسمها أرخانجيلسك في روسيا و عملوا صفارات انذار و وزعوا يود و بوتاسيوم على الناس وبردو أمروهم انهم يقعدوا في البيت، بس مع فرق واحد، إن المدينة دي على بعد ٢٥٠٠ كيلو متر من أكينسك، الا ان مستوى الانتشار كان ضعيف، يعني الموضوع فعلا ممكن يكون بينتشر : Russian Nuclear Agency Rosatom Confirms Radiation Leak Following Rocket Engine Test

واخيرا، اعترف فلاديمير وحكومته بالانفجار النووي ده، واعترفوا بسقوط ٥ قتلى في الانفجار ووصفهم بالابطال، اعتراف جزئي كدة لان الاخبار انتشرت فعلا في العالم وفيه مخاوف من كوارث مشعة في اغلب دول العالم، ويا اخي دا بالمعدل ده فيه مخاوف عن انتقال المواد المشعة في الهوا وهتوصل للشرق الاوسط وغرب اوروبا مع الايام، دا لو الخبر صحيح يعني. https://time.com

وبعدها تقرر روسيا اغلاق طريق التجارة والنقل البحري في البحر الابيض لمدة شهر، الموضوع مش بسيط: Russia closes part of White Sea to shipping for a month after explosion - Ifax

روسيا للاسف مش اول مرة تخبي اخبار مهمة زي دي، وده اللي مسبب حالة الخوف اللي الناس فيها، في حادثة تشيرنوبل بردو منعت النشر لمدة طويلة ونفت وجود اي اخطار تذكر، بنفس الطريقة، لحد ما في النهاية اعترفت بالكارثة، عشان بس شكلهم ميكونش وحش، لدرجة انه ظهرت اخبار عن انهم رموا جثث العلماء اللي ماتوا في البحر عشان محدش يكشفهم، وطبعا رقم زي ٥ قتلى ده ميتصدقش، واللي يخوف اكتر طريقة الانكار اللي ماشية علي نهجها لحد دلوقتي، مع مشاهدات لعربيات الاسعاف واللبس المخصص للتسريب الاشعاعي : Russia nuclear leak: Mystery as two scientists' bodies disappear after radiation explosion

الموضوع احتمال "بقول احتمال" يكون مؤثر فعلا وواضح اننا داخلين علي كارثة نووية وسرطانات وتغيير مناخ وبتاع، مع انها تكهنات لسة لكن لازم نفكر، وده مش في يوم وليلة يعني بس فيه مخاوف عالمية من الحوار ده، وطبعا الشرق الاوسط ممكن جدا يتأثر جدا بعد كدة، وممكن اكون ببالغ العلم عند الله، وحط تحت "ببالغ" ده ١٠٠ خط عشان الكلام عن الموضوع ده كتير، تفاصيل اكتر هتلاقيها هنا : Russia Has Failed Another Nuclear Test - The Moscow Times

لكن للامانة العلمية، فا النرويج اللي هيا هتكون اول المتأثرين بالتسريب ده لو كان حقيقي فعلا، قالت انه محصلش تغيير في مستوى الاشعاع لحد دلوقتي، يعني لو فيه حاجة حاليا فا هتأثر علي اوكرانيا بس، وهيكون بشكل محلي مش هيخرج للعالم، الا ان الماضي بتاع روسيا في التعامل مع الاحداث دي هو اللي بيخوف : No sign radiation from a missile explosion has spread beyond Russia

مش اول مرة تحصل كارثة نووية في روسيا او علي ايد روس، واضح انهم فاشلين في الحكاية دي ولا متهورين معرفش، بس احب ابشركوا ان اول الشهر صرح مسؤولين روس ان العمل علي مفاعل الضبعة المصري هيكون قريبا، بالتعاون مع روسيا يعني : مسؤول روسي: وضع حجر الأساس لمحطة الضبعة النووية في مصر قريبًا

نصيحة ملهاش اي لازمة : الحقوا اتجوزوا وعيشوا حياتكوا عشان اللي جي مبقاش ليه ملامح والله، احنا حاليا في الامان دلوقتي والخطر بعيد عشان محدش يقول اني ببالغ او بخوف الناس والدنيا جميلة وممكن نأجر عجل ونجري ورا بعض في وسط البلد، الا انه بالمستوى ده كل حاجة هتنتهي بسرعة.

كأجراء احترازي يعني في المستقبل، اللي عنده ملجأ تحت الارض يبدأ يخزّن بذور وحبوب من دلوقتي عشان الsurvive كمان سنين طويلة، واللي معندوش يدوّر، بطانة رصاص بقا ويود ونفق مسدود من الجنبين تحت الارض وخطة حكم وسيطرة بعد البقاء مش هوصيكوا، وخلي بالكوا اللي بيعيش بس هوا اللي بيخطط للخطر قبل وقوعه (الحتة دي بهزر فيها، بهزااااار او بكسر الملل عشان اللي مبيفهموش هزار وواخدينها بجدية، مجرد هزار تشبها بأفلام نهاية العالم وحسبي الله ونعم الوكيل) .

شكرا.

ملحوظة : الصور دي حقيقية من الانفجار متاخدة سكرين شوتس من الفيديوهات المنتشرة، وللعلم لولا انتشار الفيديوهات دي مكانتش روسيا اتكلمت، لاحظ حجم الكارثة، وياريت متكتفيش بالبوست، دور بنفسك، كلنا ممكن نتعرض لغلط وكلامنا مش دايما صح ١٠٠٪، دور بنفسك اضمن عشان تفهم.

شكرا.
 

المرفقات

عبرود 2019

نجم المنتدى
إنضم
12 ديسمبر 2018
المشاركات
1.689
مستوى التفاعل
4.651
ماذا عن خبراء الانترنات في الغواصة؟؟؟
 

sonsarra

نجم المنتدى
إنضم
2 سبتمبر 2007
المشاركات
6.102
مستوى التفاعل
16.854
ووقع الحادث الخميس الماضي في منشأة عسكرية بمنطقة القطب الشمالي على سواحل البحر الأبيض ؟؟؟!!!!

البحر الأبيض بحر داخلي ويقع شمال روسيا ،في المحيط المتجمد الشمالي.

 

sonsarra

نجم المنتدى
إنضم
2 سبتمبر 2007
المشاركات
6.102
مستوى التفاعل
16.854
واشنطن (أ ف ب) – أعلن الرئيس الأميركي دونالد ترامب الإثنين أنّه يعلم “الكثير” عن الانفجار الغامض الذي وقع الخميس في قاعدة عسكرية روسيا، مؤكّداً أنّ الولايات المتحدة تمتلك سلاحاً مشابهاً لذلك الذي يرجّح أنّه سبب الانفجار، في معلومة سارع خبير أسلحة أميركي مرموق إلى نفيها.
وقال ترامب في تغريدة على تويتر إنّ “الولايات المتحدة تعلم الكثير عن انفجار الصاروخ في روسيا. لدينا تكنولوجيا مماثلة، وإن كانت أكثر تطوراً. لقد أثار انفجار الصاروخ الروسي المعطوب +سكاي فال+ قلق الناس بشأن الهواء المحيط بالمنشأة وما بعدها. ليس جيّداً!”.
لكنّ خبير الأسلحة الأميركي جو سيرينسيوني سارع إلى نفي ما أعلنه ترامب بشأن امتلاك الولايات المتحدة صاروخاً مشابهاً للصاروخ الروسي.
 

_TUNISIANO_

عضو بارز بمنتدى التصاميم
إنضم
10 أكتوبر 2009
المشاركات
1.540
مستوى التفاعل
3.165
كما لو كانت كارثة تشرنوبيل
 
إنضم
18 نوفمبر 2017
المشاركات
1.302
مستوى التفاعل
2.084
كان بالأحرى القضاء التام على الاتحاد السوفياتي و قت كانت الفرصة سانحة ..روسيا العناد وراها كان المشاكل العالمية،هي إلي قاعدا تحمي في الديكتاتوريات بالأسلحة و الجنود.
 
أعلى