• كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها

معركة كسر العظام بين المترشحين عن طريق إعلانات فايسبوك

Tsinja

نجم المنتدى
عضو قيم
إنضم
31 أوت 2017
المشاركات
1.688
مستوى التفاعل
6.123
السلام عليكم,
برشة منكم من متصفحي مواقع التواصل الإجتماعي و الفايسبوك بصفة خاصة لاحظو كثرة الإعلانات السياسية الممولة المدة هذي. يا سيدي بن سيدي اش بش نحكيلكم و منين بش نبدى. حزب المقرونة الي مهبط تصاور soit-disant قياداته (ههههه نطقها بركة يجيبلي كريز متاع ضحك) بملابس الإحرام و كاتب "إن لم ينصركم الله فلا غالب لكم" و المثير للضحك أن العباد هاذي أكبر ناس مرتزقة و فاسدة ابداها من بولحناك وصولا لماتريكس. خلي عاد من تصويرة بوبلوطة زميمهم و المتحيل و المتهم بقضايا فساد في لحظة خشوع في مقام السيدة المنوبية الي بكلها نور على نور. نتعداو مبعد للسيد الي مايعرفش يقول كلمتين على بعضهم و الي يتكوانسا من غير مايلقنوه و يا ربيش. السيد هذا قالك هو منقذ تونس و رجل وطني و الي موش عامل لا برنامج اقتصادي و لا اجتمعاي بل فقط بش يحللنا ملف الجهاز السري و كأنني كمواطن تونسي نبات نحلم همي الوحيد شنية حكاية الجهاز السري. لا و الي فاتك أغرب أن السيد هذا نفسو كان وزير دفاع في الوقت الي يزعم فيه تورط الجهاز السري. الحاسيلو شكشوكة بالمايونيز. الي بعدو سي طوطال عامل اشهار حول أنو رجل وطني و هو عدو الخوانجية الأول و جايب استطلاع رأي الله اعلم صحتو فيه الشيخ الاخواني الاول و هو الثاني و قريب يعيط واك واك يا ناس انتخبوني انا و الا الفناء. تعمل هكا و يغدرك اعلان فيه أن كل السابق ذكرهم هم عصافير نادرة للشيخ تحت حس مس و أن "ام شعر حرير" ,كما يحلو لشيخ السبعين التجمعي تسميتها و راكبة الخيل على أمتع أنغام البندير, هي العدو الوحيد للاخوان و ماهيش بش تتحالف معاهم و بش اتدخللهم الكل للسجون و أن كل البقية خونة و مستعدين يتحالفو معاهم. الحاسيلو شكشوكة و المخ تخبل. نهاركم زين.
 

تونسي17

عضو مميز
إنضم
28 أكتوبر 2017
المشاركات
896
مستوى التفاعل
1.359
الكلهم تجار و يستجدو في الناس البسطاء بشعارات دينية و هما في الواقع ابعد مي كون على الدين و بالطبيعة اولهم زميمهم الغنوشي
 

ماهر بنحميدة

كبار الشخصيات
إنضم
25 نوفمبر 2008
المشاركات
25.122
مستوى التفاعل
68.600
و لا كمخلوف يشهر في روحو في قناة الشرق مضيفو حسب إدعائه أشهر إعلامي عربي.
 

صياد القرش

نجم المنتدى
إنضم
6 جانفي 2014
المشاركات
8.619
مستوى التفاعل
19.259
الليستا ناقصة وينو monsieur moreau :Dتونس اليوم بعد أزمة الثقة نحو الوجوه السياسية المألوفة في أمس الحاجة إلى رئيس حقيقي مخضرم ذو هيْبة وكفاءة يعمل في صمت ولا حاجة لنا بالخطب الرنانة والكلام الدبلوماسي المنمَّق لقد شبعنا به حد التخمة طيلة 8سنوات النكبة وللأسف بدون فائدة تذكر عدا الإرتهان والقروض المُشطة :oops: يعني بكل بساطة ZBiDi for president

 

ماهر بنحميدة

كبار الشخصيات
إنضم
25 نوفمبر 2008
المشاركات
25.122
مستوى التفاعل
68.600
الليستا ناقصة وينو monsieur moreau :Dتونس اليوم بعد أزمة الثقة نحو الوجوه السياسية المألوفة في أمس الحاجة إلى رئيس حقيقي مخضرم ذو هيْبة وكفاءة يعمل في صمت ولا حاجة لنا بالخطب الرنانة والكلام الدبلوماسي المنمَّق لقد شبعنا به حد التخمة طيلة 8سنوات النكبة وللأسف بدون فائدة تذكر عدا الإرتهان والقروض المُشطة :oops:يعني بكل بساطة ZBiDi for
president

سعات نقول أنك طايح على الطاسة متعك صديقي و ما نعرفش علاش.
 

صياد القرش

نجم المنتدى
إنضم
6 جانفي 2014
المشاركات
8.619
مستوى التفاعل
19.259
سعات نقول أنك طايح على الطاسة متعك صديقي و ما نعرفش علاش.
صحيح في 2011 طيْحوني على ڤبَّاعة راسي وبديت نعيِّط خبز وماء وهو لا :p والآن ما دمت صديقك كما تدَّعي أنِر ذهنيَ المُظلم بشعُاع عقلك السليم عساني أصيب الإختيار بين السادة المرشحين للرئاسة فكما ترى أجدُ نفسي متشائم نحو تلك الوجوه المستهلكة سياسيًّا
 

ماهر بنحميدة

كبار الشخصيات
إنضم
25 نوفمبر 2008
المشاركات
25.122
مستوى التفاعل
68.600
صحيح في 2011 طيْحوني على ڤبَّاعة راسي وبديت نعيِّط خبز وماء وهو لا :pوالآن ما دمت صديقك كما تدَّعي أنِر ذهنيَ المُظلم بشعُاع عقلك السليم عساني أصيب الإختيار بين السادة المرشحين للرئاسة فكما ترى أجدُ نفسي متشائم نحو تلك الوجوه المستهلكة سياسيًّا
ما لقيت ما تساند كان في شخص ما يعرفش كلمتين ورى بعضهم؟
 

صياد القرش

نجم المنتدى
إنضم
6 جانفي 2014
المشاركات
8.619
مستوى التفاعل
19.259
ما لقيت ما تساند كان في شخص ما يعرفش كلمتين ورى بعضهم؟
حتى الزين كان ما يعرفش يحكي لكن مُحراث متاع خدمة :cool: الدولة خذاها فالسة من بورڤيبة بعد 23 عام كوَّن ثروة لليوم جماعة الطمقرطية والحرِّية راكشين ويصرفو منها
 

fahdpala10

نجم المنتدى
إنضم
3 أوت 2018
المشاركات
2.439
مستوى التفاعل
4.430
ما يطلعلي حتى إشهار في فايسبك. لا سبونسوريزي ولا غيره

هل أنا الوحيد؟

عموما لاحضت فما صفحات بدات تعمل في منشورات تساند هذا المترشح أو ذاك

الكل خرجت منهم. لأنني ضننت أنهم محايدين
 
أعلى