بصراحة دونالد ترامب أفشل رئيس عاصرته للولايات المتحدة
رئيس نرجسي تحكمه العواطف و الانفعالات أضر كثيرا بالمصالح الامريكية
أفشل الإتفاق النووي مع ايران الي باراك اوباما خدم عليه سنين
وتّر العلاقات الاوروبية الامريكية و عمل برشا مشاكل مع دول الاتحاد الاوروبي و خاصة مع فرنسا
يجبد في الشبوك مع الصين و يتعامل مع الصعود الصاروخي للعملاق الصيني بعجرفة و بعناد
حتى حلفائه ما سلموش منو ، اول ما شد قلك باش نلغي إتفاقية ALENA
الي هي اتفاقية تبادل تجاري حر بين امريكا و كندا و المكسيك و النتيجة كانت انو خسر حليفه الشمالي كندا و ما ادراك ما كندا الي عدات عقود موالية و مساندة للمعسكر الامريكي بخلاف انو من ايام الحملة الانتخابية خاسر deja حليفه الجنوبي الجار المكسيكي و عمل معاهم المعدونية بلغة جدار فاصل
حتى كي حب يعمل استقلال طاقي بعيدا عن النفط و التجأ للنفط الصخري ، صارت عركة بين السعودية و روسيا طاحت في راس الولايات المتحدة و اسعار النفط انهارت و شركات النفط الصخري الي ترامب مركحلهم امورهم قيدو فلسة و سكرو الحانوت و فشل انو يتدخل و يفرض حل بين طرفين بهيبة الإدارة الأمريكية
اليوم نشوف الولايات المتحدة من ناحية السياسة الخارجية في أسوء حال لها على مر التاريخ
داخليا منعرش الوضع الاقتصادي كيفاش مانيش عايش في امريكا لكني الي نراه فيه من مؤشرات اقتصادية macro-économique توضح تراجع امريكا في معظم المؤشرات
تي الصين الي طلعت البارح و مازالو ياكلو في الخفافش طمعوا و عملو خطة China2030 لتزعم الاقتصاد العالمي