نعرف برشا مستغربين من كلامي وبرشا يقولو عليا منيش متربية وعيب الي نقول فيه وما هو الا بوك و عود لرشدك يابنية اما الله غالب هذا احساسي وهذه حياتي الي عاشتها انا موش انتوما
حكايتي من الصغرة وانا نعاني منها بابا طول عمرو يحب كان الذكورة لولاد اخواتي انا البنية الوحيدة وسط ثلالثة اولاد مدللهم من الصغرة الي يحبو عليه ياخذوه لعب دبش ادوات قراية
هما الجديد وانا يقلي خوذ متاع خواتك كبرت شوية ديم يصيح عليا عاون امك اغسل ماعون نظم بيت خواتك حسسني خديمة ليهم
الحق الحق خويا الكبير ديما يجي في صفي نحسو ما يحبش فيا وديما يدافع عليا امي لا حول ولا قوة لها كلمة متنجمش تقولها لبابا
كبرت حبيت على تلفون كيف اخواتي عملي فضيحة اشتعمل بيه نتذكر مرة تعطلت من لرجوع من ليساي للدار كليت طريحة نباشة القبور ولو كان موش خويا الكبير حز عليا مشي فيها
بابا ديما يقرا في النقص ولا عمو حسسني انا انسانة وعندي راي قبل ما نخرج يعملي سكنار اش لابسة ميحبش نلبش جيب ديما سراول عمري ما حسيت الي انا بنية كما اندادي حتى في الدار يتحكم في لبستي
هذا الكل عديتو اما احساس الاب عمري ما حسيتو تصورو بابا عمره ما خذاني في حضنه منعرفش حضن الاب ومنعرفش نهار قلي كلمة باهية بالرغم اني طالعة لامي مزيانة هكا يقولو عليا هو عمرو لا قالي حتى كلمت
نحبك بنتي
وهذا علاش نقول
نكرهك يا بابا نكرهك نكهرك وكرهت روحي
هذه حكايتي وهذه ماساتي
باي
مشاهدة المرفق 1654656