رياض مباركي
نجم المنتدى
- إنضم
- 8 نوفمبر 2012
- المشاركات
- 5.857
- مستوى التفاعل
- 9.680
النهيرين الفايتين مشيت نطل على واحد من أصحابي ،هما ضيفوني يرحم والديهم ،لكن لاحظت أنو ما عندهمش ماء،الحقيقة في العاصمة زادا الماء يقص علينا ،لكن نص نهار ،بضعة ساعات ،توقعت أنو عندهم نفس الوضع،كي سإلتهم قالو الي ال steg قصت على الجمعية المائية الضو خاطر تسالها 2400 دينار فاتورة ،يعني هما موش تابعين الصوناد،أنا في بالي فاتورة صغيرة قلت كي نرجع للعاصمة توا واحد من اصحابي يخلصها ،كي حكيت مع أمين المال متاع الجمعية قالي بسبب الكوفيد الناس تعثرت عن الخلاص وتراكمت عليهم الفواتير ،الجمعية إستنزفت مواردها المالية ...هي غلطت تصرف خاطر قلتلو في فترة الإزدهار علاش ما ركبتوش طاقة شمسية و إلا رخستو في سعر المتر مكعب ،خاطر يحسبو فيه غالي برشا وزيد كانو ينجمو يسمحو للناس بالتقسيط و إلا الجدولة...
الوضعية تحيلنا لوقت خصخصة شركات المياه و الكهرباء في برشا دول و أكيد معانا شكون من المنتدى يعيش في بلاد شركات الماء و الكهرباء خواص ،يعني ما يهمهمش في الأمور الإنسانية رغم الي ثمة دول ممنوع فيها قطع الماء عن الناس والضو زادا...لكن في الدول هذيكا ثمة أقل القليل للعيش...
حسب ما حكيت مع الي لاهين بالجمعية هما لقو صعوبة التنفيذ على المنتفعين الاوالى الي ما حبوش يخلصو وثمة مواطنين يستعملو في الماء الصالح للشراب باش يسقو الزيتون الي هو ممنوع قانونيا لكن منظمين ويدفعو وزيد بطبيعتهم يخدمو في المدينة موظفي دولة ،وثمة مواطنين ما في حالهمش لكن بطبيعتهم إستهلاكهم بسيط جدا ...
الحقيقة أنا ننظر من ناحية إنسانية خاطر ريت الصغيرات الصباح ماشين للمدرسة و طلعو معانا تلامذة يقرو في الليسي ،أنا موش مشكلة كلوف ،لكن حسب ما نعرف أنو الإنسان يلزمو يهتم بأمر خوه الإنسان فما بالك أنو مسلم كيفك كيفو ...
........تحديث....
الحقيقة حكيت مع برشا أطراف في المسألة وهذي المعلومات الي جمعتها:
-رئيس الجمعية أستاذ تعليم ثانوي كان طموحو يشد معتمد كي عجز سكتوه برئاسة الجمعية المائية ،رغم أنو ما يسكنش في القرية...
-الجمعية معينة مدير فني عندو بير ،في الوضعية هذي الناس يلزم تشري من عندو الماء ،الستيرنة ب 30 دينار.
-ثمة ناس دافعة وحبو يشكو عرضلهم امين المال الي هو نسيب رئيس الجمعية وقالهم رانا أقارب و ما يجيش
-أعضاء الجمعية هما اللي طلبو من موظف ال steg يجي يقص الماء على البلاد
.....
في الوضعية هذي المواطنين رهائن بيد عصابة ما تراعيش ضروف الناس ومدى الشقاء في معيشتهم اليومية ،نفس وضعية السياسيين الاستاذ يعيش في مدينة قريبة ويتمتع بالماء ويمارس ساديتو على الناس البسطاء ...أمين المال يخاف من نسيببو ويلعب على العاطفة و الروابط الدموية و أني الناس تقدر و تحشم و المدير الفني زادا شخصيتو سادية ويستمتع بتفقير الناس...
.....
الوضعية تحيلنا لوقت خصخصة شركات المياه و الكهرباء في برشا دول و أكيد معانا شكون من المنتدى يعيش في بلاد شركات الماء و الكهرباء خواص ،يعني ما يهمهمش في الأمور الإنسانية رغم الي ثمة دول ممنوع فيها قطع الماء عن الناس والضو زادا...لكن في الدول هذيكا ثمة أقل القليل للعيش...
حسب ما حكيت مع الي لاهين بالجمعية هما لقو صعوبة التنفيذ على المنتفعين الاوالى الي ما حبوش يخلصو وثمة مواطنين يستعملو في الماء الصالح للشراب باش يسقو الزيتون الي هو ممنوع قانونيا لكن منظمين ويدفعو وزيد بطبيعتهم يخدمو في المدينة موظفي دولة ،وثمة مواطنين ما في حالهمش لكن بطبيعتهم إستهلاكهم بسيط جدا ...
الحقيقة أنا ننظر من ناحية إنسانية خاطر ريت الصغيرات الصباح ماشين للمدرسة و طلعو معانا تلامذة يقرو في الليسي ،أنا موش مشكلة كلوف ،لكن حسب ما نعرف أنو الإنسان يلزمو يهتم بأمر خوه الإنسان فما بالك أنو مسلم كيفك كيفو ...
........تحديث....
الحقيقة حكيت مع برشا أطراف في المسألة وهذي المعلومات الي جمعتها:
-رئيس الجمعية أستاذ تعليم ثانوي كان طموحو يشد معتمد كي عجز سكتوه برئاسة الجمعية المائية ،رغم أنو ما يسكنش في القرية...
-الجمعية معينة مدير فني عندو بير ،في الوضعية هذي الناس يلزم تشري من عندو الماء ،الستيرنة ب 30 دينار.
-ثمة ناس دافعة وحبو يشكو عرضلهم امين المال الي هو نسيب رئيس الجمعية وقالهم رانا أقارب و ما يجيش
-أعضاء الجمعية هما اللي طلبو من موظف ال steg يجي يقص الماء على البلاد
.....
في الوضعية هذي المواطنين رهائن بيد عصابة ما تراعيش ضروف الناس ومدى الشقاء في معيشتهم اليومية ،نفس وضعية السياسيين الاستاذ يعيش في مدينة قريبة ويتمتع بالماء ويمارس ساديتو على الناس البسطاء ...أمين المال يخاف من نسيببو ويلعب على العاطفة و الروابط الدموية و أني الناس تقدر و تحشم و المدير الفني زادا شخصيتو سادية ويستمتع بتفقير الناس...
.....
التعديل الأخير: