• كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها

حققنا إكتفائنا الذاتي من زيت الزيتون وأول مرة نزرعو القمح ...ضيعة ضايعة...

رياض مباركي

نجم المنتدى
إنضم
8 نوفمبر 2012
المشاركات
6.170
مستوى التفاعل
10.146
(قصة حقيقية) ...الفترة الفايتة كملنا جمعنا الزيتون وحصلنا الي كتب من ربي من الزيت بحيث يكفي عام كامل بمعدل 250 لتر لكل عائلة ...اليوم بدو يزرعو في القمح بطريقة حسن الشتيوي و الاحواض و الري قطرة قطرة...
FB_IMG_1641472837282.jpg
الناس الكل تخدم على روحها...
FB_IMG_1641472849112.jpg
البلاصة الي نجحنا باش نزرعوها صعيبة برشا التربة متاعها وطوعناها بالخدمة وقوة العلم ...العام الفايت شتلنا الفلفل وعملنا أحواض ونجحت العملية ...
IMG-20210328-WA0003.jpg
هذي مشاتل جارنا خاطر قلتلو إنت وفر المشتلة للناس(صور ارشيفية) ...
IMG-20210328-WA0002.jpg

صدفة ثمة راجل حب يغور على قطعة أرض ،قبل تصحيح المسار و إلا الإنقلاب كنا نخافو منو ،خاطر مستقوي بقريبو في النقابة وكان يدز الباب على المسؤولين ويدخل ...الأيامات الفايتة وقفناه عند حدو ،خاطر ما عادش عندو حتى سلطة وجاني للعاصمة ،قالي نقدر نضيعلك أقاربك و اصحابك ...أنا جاوبتو بدبلوماسية وقلتلو توا نحكي معاهم ...توا الناس الكل شادة ڨارد على بعضها وحد ما عاد خايف من حد...
FB_IMG_1641472811546.jpg
أحسن منوال إقتصادي أنك تزرع ارضك يا توتسي و ما تستنى شيء من المجرمين الي يحكمو فينا ...وراهي بلادنا بلاد فلاحية بالأساس ،حتى أمريكا عندها كاليفورنيا مقدسة و الدول الأورويية اغلبها عندها فلاحة بالأساس...
FB_IMG_1641417085323.jpg
 
الامن الغذائي حاجة مفيهاش لعب لكن الدولة مهملة ملايين هيكتارات من مفترض هذه الاراضي تتعمل استصلاح اراضي و تتعمل طرقات لتسهيل التنقل و تتقسم على الشباب البطال و يدعموه بجرارة تدفع فيه الدولة نسبة هامة من قيمته و عدم دفع الجباية لمدة معينة لكن شكون يسمعك
 
1717623
قداش الميزان؟ فيهش 10 كيلو؟
 
قداش الميزان؟ فيهش 10 كيلو؟
هذا كبير برشا في العمر ،ما عادش يوكل،نطيبولو حاجة جارية ،ديما متكور على بلاصتو ...إسمو ماريو...الكلاب الأخرين ،عنا واحد أكول ،كعبة هو بيدو وثمة واحد مسمينو البوهالي ،خاطر ضربوه بحجرة على راسو،ديما دايخ ...عنا عدد كبير من الكلاب ...
 
الامن الغذائي حاجة مفيهاش لعب لكن الدولة مهملة ملايين هيكتارات من مفترض هذه الاراضي تتعمل استصلاح اراضي و تتعمل طرقات لتسهيل التنقل و تتقسم على الشباب البطال و يدعموه بجرارة تدفع فيه الدولة نسبة هامة من قيمته و عدم دفع الجباية لمدة معينة لكن شكون يسمعك
أغلب الناس في الكوفيد فاقت بقيمة الفلاحة ،حتى كبار التجار و المستثمرين كي تسكرت الدنيا عرفو قيمة الامن الغذائي و اغلب معارفي نشوف فيهم الي عندو تفتوفة قاعد يعمل في فلاحة و إلا شرى أرض فلاحية وزيد ماعادش عندهم ثقة في البنوك والدولة ...نحنا نمثلو micro إقتصاد ،خاطر حاليا الناس الكل شايخة،خاصة مع أزمة الزيت و العظم و المواد الأولية ...بطول المدة توا يتكرر المنوال ويرجع الإنتاج الفلاحي بقوة
 
أعلى