• كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها

التحيل الرومنسي في تونس...ضحايا في ازدياد و الموضوع مسكوت عنه

Tsinja

نجم المنتدى
عضو قيم
إنضم
31 أوت 2017
المشاركات
3.877
مستوى التفاعل
15.702
سلام,
اليوم حبيت نحكي على ظاهرة انتشرت عالميا في السنوات الأخيرة, حسب برشة تقارير الضحايا بالآلاف و خسائر بملايين الدولارات سنويا و الارقام قاعدة تزيد كل عام. ما يسمى بالتحيل الرومنسي, عادة تخدموا شبكات منظمة تنشط برشة في الدول الافريقية نيجيريا بالأساس و الي تعرفت بأنها مركز هالنوع من التحيل. العملية بكل بساطة هي صناعة بروفيلات وهمية لفتيات و استهداف الرجال الي يلوجوا على نصفهم الثاني و ايهامهم بالوقوع في الحب و من ثم طلب الأموال و التحويلات البنكية. طبعا يقول القائل يمكن كشف هذا من خلال المكالمات الصوتية أو الفيديو لكن المجرمين عادة يعتمدوا أساليب بش تجنبوا ذلك منها الدعاء أنهم في الجيش أو السجن أو غيره هذا بخلاف الالعاب النفسية الي يمارسوها على ضحاياهم لحلب أكثر ما يمكن من الاموال. الشبكات هذي عادة تستهدف الدول الغنية و الولايات المتحدة على رأس القائمة لكن هذا لا يمنع أن العمليات هذي تصير زادة في تونس و لكن الأغلب عن طريق شبكات محلية. نتفكر أيام الليسي على أول ما بدات البرتابلات تنتشر كان عندي ولد كلاسي عندو موهبة أنو يبدل صوتو لصوت أنثوي ماتجيبهاش فيه جملة و كان يتحيل على برشة من خلال الايهام بأنو طفلة و يبعثولوا فلوس على التلفون و كنت نبهت في كم الضحايا لي يطيحوله. في الوقت الحالي الموضوع في تونس شبه مسكوت عليه لا فما توعية بالأساليب الي تستعملها الشبكات هذي لتوعية الناس و لا كشف للألاعيب النفسية الي عادة يستعملوها و طبعا الضحية يعاني نفسيا بخلاف ماديا من العمليات هذي و الي يلزم احاطة نفسية كبيرة و الي يزيد يصعبها أنو الضحية عادة تفضل السكوت لتجنب الإستهزاء و العار. العمليات هذي كثرت خاصة من دخول الD17 للسوق و سهولة التحويلات المالية في تونس. نتصور أن الدولة يلزم تاخذ الموضوع بجدية و تبحث بش تحكي مواطنيها. ختاما و للي يحب يعرف أكثر حول الأساليب المعتمدة في هذا النوع من التحيل أدعوكم لمتابعة قناة Catfished على اليوتيوب و هي قناة أمريكية تستضيف ضحايا هالنوع من الاحتيال الرومنسي و تقوم بالبحث و الاستقصاء حول كل حالة. نهاركم زين
 
.. بروفيلات وهمية لفتيات و استهداف الرجال الي يلوجوا على نصفهم الثاني و ايهامهم بالوقوع في الحب و من ثم طلب الأموال و التحويلات البنكية ..
--
هذي لوحدها كارثة .. عجيب كيف تحولت حقيقة الرجال و مفهوم الرجولية ..
--
من سنوات وحدة فرذخت واحد بمبلغ مالي يوازي مجموع أجور موظّف لخمسة سنوات !!! .. بعد ما أوهمته مع الوقت أنه السوبرمان الخاص بها جعلته يقدّم لها المبلغ لحل مشكلة ما (..) ثم إختفت فورا و نهائيا و كأنها تبخّرت .. برغم الشكوى و التحقيق معها و التضييق عليها إلاّ أنها ضلّت تنفي الأمر و كأنها جندي مدرّب .. كلاه بُوبِي، جا يحب خلاّ فيها سعدو !! ..
الحب للمرأة بالطبيعة موش للرجل .. الرجل ما كان في وجهو كان معارك الحياة
 
ما يقع في التفاهات هذه كان المكبوت والا المهبول والدغاو والا دغفة والا مريض نفسي أو كبير في العمر ومأيس من حياتو
 
المكبوتين و المرضى النفسيين و الشواذ هم ضحايا لممارسات هذه العصابات
 
  • Like
التفاعلات: natan
أعلى