ramziph
عضو
- إنضم
- 14 نوفمبر 2007
- المشاركات
- 1.323
- مستوى التفاعل
- 3.399
بسم الله الرحمن الرحيم
السلام عليكم ورحمة الله وبركاته
حكايتي مع تونسياسات
يا سيدي يا بن سيدي لحكاية و ما فيها بدت عامين لتالي ، قلت برا دخل لنترنات كالخلق أعمل كجارك ولا حول باب دارك ، بديت نحوس و نقز من بلاصة لبلاصة
يا سيدي يا بن سيدي ما نطولش عليكم لحكاية ، في نهار من نهارات خوكم يتبعثر في تونسياسات قلت فكني منه ماهو كغيره ، قلت برا شارك موش باش نخسر حاجه. بدا خوكم يحوس و يقرى و الله شيء يعمل الكيف، و شوف هالسيد آش كاتب و الله يعطيه الصحه و يرحم والديه بردلي قلبي و شوف هنا هذي لخبار اللي سمعتها الصباح. تي هاو غنايات صليحة ! إيه ياحسرة , تي هاو فمة شوي قراية للوليدات , و ....
خوكم بقى علحال قرابات عام فرايجي , قلت و الله عيب الناس تاعبة و تبحث و تكتب الله يجازيهم بالخير ثقفوني أبسط حاجة نشكره ، وليش شكره بركة نكتبله زاده كليمة باهية.
يا سيدي يا بن سيدي خوكم بقى شايخ و ناصب و عامل كيف لين نهار من نهارات فقت بروحي وليت عضو نشيط قلت تي هاوم رقوني . بره يا سيدي يا بن سيدي وليت نشارك بما يرضي الله مره مقال من جريده مره كتيبات للصغار، مره شوي أحاديث نبوية كيما يقلك أعمل الخير وانساه . من توة تو يبدى خوكم يمرض ، بدت الردود اللي توجع الراس،( منقول!! ، مازلت هنا!! ، ملا تخلف ، مقدمك يا راجل ، hahahaha.looooool ...)
و زيد على هذا المسؤول يسكرلك الموضوع ، ليش الله أعلم !!
قلت آش لزني ندخل إيدي للمغاغر كنت فرايجي و لاباس علي ، آش لزني يسمعوني حشاكم وسخ وذني ، فكني و ارجع كيما كنت رابح راحتي نهار نحل لنترنات و عشره لا .
السلام عليكم ورحمة الله وبركاته
حكايتي مع تونسياسات
يا سيدي يا بن سيدي لحكاية و ما فيها بدت عامين لتالي ، قلت برا دخل لنترنات كالخلق أعمل كجارك ولا حول باب دارك ، بديت نحوس و نقز من بلاصة لبلاصة
يا سيدي يا بن سيدي ما نطولش عليكم لحكاية ، في نهار من نهارات خوكم يتبعثر في تونسياسات قلت فكني منه ماهو كغيره ، قلت برا شارك موش باش نخسر حاجه. بدا خوكم يحوس و يقرى و الله شيء يعمل الكيف، و شوف هالسيد آش كاتب و الله يعطيه الصحه و يرحم والديه بردلي قلبي و شوف هنا هذي لخبار اللي سمعتها الصباح. تي هاو غنايات صليحة ! إيه ياحسرة , تي هاو فمة شوي قراية للوليدات , و ....
خوكم بقى علحال قرابات عام فرايجي , قلت و الله عيب الناس تاعبة و تبحث و تكتب الله يجازيهم بالخير ثقفوني أبسط حاجة نشكره ، وليش شكره بركة نكتبله زاده كليمة باهية.
يا سيدي يا بن سيدي خوكم بقى شايخ و ناصب و عامل كيف لين نهار من نهارات فقت بروحي وليت عضو نشيط قلت تي هاوم رقوني . بره يا سيدي يا بن سيدي وليت نشارك بما يرضي الله مره مقال من جريده مره كتيبات للصغار، مره شوي أحاديث نبوية كيما يقلك أعمل الخير وانساه . من توة تو يبدى خوكم يمرض ، بدت الردود اللي توجع الراس،( منقول!! ، مازلت هنا!! ، ملا تخلف ، مقدمك يا راجل ، hahahaha.looooool ...)
و زيد على هذا المسؤول يسكرلك الموضوع ، ليش الله أعلم !!
قلت آش لزني ندخل إيدي للمغاغر كنت فرايجي و لاباس علي ، آش لزني يسمعوني حشاكم وسخ وذني ، فكني و ارجع كيما كنت رابح راحتي نهار نحل لنترنات و عشره لا .