إهداء خاص (حول خير جليس في الحياة كتاب)

ضاع وقت من عمري إنحسب في حسابي *** في صـــغـــــرتي وشــــــــبـــابي​

​

يــــوم ان تـــركت قـــرايتي وكتـــــــابي​

​

ضــــــــاع وقت مني خســـــرتـــــه ***في صغرتي في اللهـــــو ما حكّرته​

ايام صـــــغر فيها العقل مـــا نوّرته ***ولا حد ورّاني حــــــدود تــــــرابي​

وعود الْزهى بالمعرفه كسّــــــــرته ***قطعته بترته بالغــــــــلط طبّـــــابي​

​

كتــــــابي رمــــــيته من أيـــــــــدي ***في جهل امي وفي غيابه ســــيدي​

ايام راقـــــده وزادت على الترقيدي ***وزاد فقرها في عضته نيّـــــــــابي​

وبين الرزام ومقــــــرضه وحديدي ***مشينـــــا تلايف والقلوب معـــــابي​

​

مشيــــــنا شــــــــــتات تـــــــــلايف ***لا حــد عل لاخـــــــــر يحن ورايف​

بعنا الوظــــــــــايف بالعمل الزايف ***سكنّا سقــــــــايف سطحها صبّابي​

تخطّرت بين النــــــايره والحـــايف ***سكن وهن بيــن مفاصلي وأركابي​

​

سكن وهــــــــن لــــن وجّعـــــــــني ***وطالعت نلقـــــاش الدواء الينفعني​

وراجعت حِس الــــذاكره رجّعــــني ***قدا كتاب شفتــه في الزمان الغابي​

وفي وين ما خطّيتله طــــــــاوعني ***على رفْ مــــتكدّس عليه تــــرابي​

​

لقيـــــته كتــــــابي عــــــرفـــــــــته ***مسحته بكفي وغبرته نظــــــــــفته​

وقتــله حبيبي ما قدرت اللفـــــــــته ***لا زور لا بهتــــــان لاني نغـــــابي​

خلاص معذره يزي العذاب الشفـته ***أنا رجعتـــــــــلك تدّلني لصــــوابي​

​

قــــالّي حبيــــــــــبي اعـــــــــذرني ***انت هجرتني ومــــن قالك تهجرني​

طـــــــــوالت الرقده وحدْ ما حيّرني ***ولا حرف ضيّعــته انشطب شطّابي​

وما خـسرت لكن صاحبي خاسرني ***وما كبرت لا تكبــــّرت بين احبابي​

​

انـــــــــــا قيمــــــــــتي محظـــــــيه ***انا نفيد ونفيــــــــــــّد الانســــــانيه​

زيّك مشــــــــوا بعدوا ورجعوا لــيا ***لقوامااشتهوا مخطوط بين اجنابي​

لكن الجوني ما خطـــــــوا ثـــــــنيه ***تعبوا وتعبوا بالـــــــعلوم معـــــابي​

​

كـــــل مـــــن تـــــــعب وتعــــــــــلّم ***وواصل طريقه ما بغـــــــاش يسلّم​

في الـــــــليل لولّى الظلام مظلــــــّم ***تقابل شموع مضــــــــويه زردابي​

شموع معرفه بالمعرفه تتكــــــــــلّم ***لناس غايبه وتاريخها مــا غــــابي​

​

ناس فـــايــته وسبـــــــــقتــــــــــكم ***خلّـت شواهد شــــــاهده ورّتكـــــم​

يوم مـــــــا بديتوا تعرفوا قيمــــتكم ***بانكم خليــــــــفة ربنا في تــــرابي​

ويوم ما سطع النور في أمّتكــــــــم ***بزين البشر لمجد عزيز احـــــبابي​

​

يـــــوم ما انبـــــــــعث نوّركـــــــــم ***هداكم كتابه بيه يا مــــــــــا نذركم​

اقرأ..من اول مانزل في سوركــــــم ***وأول وآخر حـــــرف للمتغـــــــابي​

وأقرأ..وإقرأ..للقـــــرايه جبركــــــم ***وبيها نذركـــــــم نذر من لتـــــعابي​

​

قـــــــتله صحيـــــــــــح نذرنـــــــــا ***ولليوم باقي ما نســـــينا ســـــورنا​

بكري دحــــــرنا عدونا وكبّرنـــــــا ***أمّه عزيزه وصيتهــــــا متنــــــابي​

ومازال باقي عــــــــــزنا ساترنـــــا ***برغم العدونا غــــــادر وكــــــذابي​

​

احنــا المجـــــــــــد ليه ســبقنـــــــا ***ويا ما وسام المعرفه علّقـــــــــــــنا​

كان طِب وإلاّ جبر فــــــــــيه كتبنــا ***وعلم الفلك ينسبلنا نسّــــــــــــــابي​

والكيميا وجغــــــــــرافيا رتّبــــــــنا ***وعلم اجتماع في دينّا خصّـــــــابي​

​

بعلـــــومنـــــا تــــفـــــــرضنـــــــــا ***بنينا حضاره بالحضاره نهضـــــنا​

وعلم الادب بحــــــــره دخلنا خضنا ***ورجعت مراكبنا عليه معــــــــــابي​

ويا ما علوم الهندســــــه حفّظنـــــا ***وفي اسبانيا تنبي علينا منــــــــابي​

​

تــــــاريخــــــنا وبصـــــــمتـــــــــنا ***إلتو شاهده عل مجدنا وقـــــــــوّتنا ​

وقــــــدّاش من مخطوط في حوزتنا ***ألّي جدودنا باتوا عليه مكــــــــابي​

ورثنـــــــــا ولازم نحفظوا ورثتـــنا ***الفيها وبيها شادّات أطنــــــــــــابي​

​

قالّي:وقــــــــع نهب في ثروتكــــــم ***ومنكم خذوا ابحاثكم وخطــــــــطكم​

والتجربه بالـــــــظن ما فـــــادتكـــم ***فرشواكم لللهو طرحـــــــوا زرابي​

بقت الكتب تشهـــــد على قيمتكــــم ***وحتى كتبكم طالها النهــــــــــــابي​

​

منكــــــــم خـــــــذوا العِــــــبـــــــره ***ناس ثابروا وعدّوا الزمان بصبره​

وصلوا يداووا في المريض ويبـــرا ***ووصلوا يردّوا الباعده قــــــــرّابي​

بممارسه وبعلـــــــــمهم والخبــــره ***طارت طيايرهم من فوق سحـــابي​

​

طـــــــاروا الفـــــــــوق تعلّــــــــــوا ***لسطح القمر رقيوا عليها طلــــــّوا​

لا تلّـفـــــــــوا في رجوعهم لا ظلّوا ***لا سبب صارلهم من الاسبـــــــابي​

وتوسعوا فيـــــــــــها خلاص تحلوا ***بدا ذوقهم في خرابكم وخـــــــرابي​

​

تمـــــــــهـــــــروا في خــــــــــرابك ***وكل يوم يتقوّى يزيد عـــــــــــذابك​

برغم المــــنابع علمهم في كتــــابك ***فاتوك وانت خطــــــــــوتك شكّابي​

آش صارلك يا صاحبي واش صابك ***برغم الّي كتـــــــابك لوغته عرّابي​

​

قتــــــله حبـــــــيبي اعـــــــــــذرني ***ومازلت منك طالب تنــــــــــــوّرني​

انا ضــــــعت فيها والزمان غدرني ***وماكان ظني عقربي في أجيابــــي​

ألّي صابنـــــي في مفاصلي خدّرني ***فيكش دواء يريّح مرض أعصابي​

​

قالّي ربّحت فـــــــــيك مـــــــــــربّح ***تبّع صلاتك والصيام وسبّـــــــــــح​

إذا مفاصلك ولّت عليك تضبّـــــــــح ***صرت الهدف لضربة النشّـــــــابي​

عِدْ جيل لا يــــــرقد ولا يصّــــــــبح ***وعِدْ بني متعصّي على الخـــــرّابي​

​

ابنــــي اجيــــــــال جـــــــديــــــــده ***لا يكل لا يلوّح كتــــــــــابه من ايده​

يدير صبــر لن يحصل على المفيده ***يقشّع غيوم الحاشده بضبــــــــابي​

بلا علم مـــــــا تقْربْ قداك بعـــــيده ***بلا علم نكبه تجيب ليك نكــــــــابي​

​

يعـني مثـــــــل بصــــــــراحـــــــــه ***بلا عِلم ما تعيش الحيا مـــــرتاحه​

والعِلــــم في كتابك بيان فصاحـــــه ***لاش نتركواسلاح الحيا يا أصحابي​

نجاح وطننا كانت نويت نجاحـــــــه ***تعِد جيل يعمل للكتاب احســـــــابي​

​

لوكـــــــان مـــــــــوشي كــــــــــيده ***موضوعنا ما تلخصاش قصــــــيده​

وشهريـــــــــن بين العزم والترديده ***وقرّرت في الآخر نزور أصحـــابي​

ومحبة القصــــــــرين موش جديده ***فراســــين ديمـــــا كيلهم عبــعابي​

​

 

قصيد مهرجان القصرين في موضوع :
الكتاب وما ادراك مالكتاب