1. كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها
    إستبعاد الملاحظة

بوق..وبوق..ابواق..

الموضوع في 'أرشيف المنتدى العام' بواسطة cheb manai, بتاريخ ‏28 ماي 2009.

  1. cheb manai

    cheb manai نجم المنتدى عضو قيم

    إنضم إلينا في:
    ‏30 جويلية 2007
    المشاركات:
    4.352
    الإعجابات المتلقاة:
    23.326
      28-05-2009 19:43
    :besmellah1:
    تحية الى كافة الاخوة والاخوات احباب ورواد المنتدى العام تونيزيا سات وبعد .موضوعي اليوم عن الابواق..ماهو ثما بوق ..وثما بوق..والمجتمعات تملا واتفرغ بيهم..ولو نرجعوا للتاريخ العربي الاسلامي .وفي فجر الاسلام ..نهى النبي صلى الله عليه وسلم المسلمين على الاقتداء باليهود في الدعوة للصلاة .وكان الاذان هو الوسيلة الاولى والاخيرة للدعوى للصلاة لدى المسلمين..وطبعا لربما يعتبر بوق اليهود هو ابعد بوق عرفته البشرية وهو عبارة عن قرن كبير لبعض الحيوانات..
    اذن .مهمة البوق .هي تضخيم الاصوات بغاية الدعوة...اما بعد هذا التاريخ .اصبحت المجتمعات تنوع وتخترع وتبتكر لانواع فريدة ومختلفة من الابواق ولم يقتصر مهامها على الدعوة بل اصبحت للدعاية .وغيرها..
    وهنا تجدني اتعرض لاهمها ..حالة بحالة...قديما في مجتمعنا لم يعرف اجدادنا الابواق ..وكانوا يعتمدون على مايسمى ب البراح ..هذا الذي يتخذ من صوته وسيلة للنداء في الناس..وبعد تلك الحقبة من الزمن ..صنعت في المجتمع ابواقا من المعادن ..وهي التي نسميها بالعامية ..ابواق قمع..وتطورت صناعة الابواق وتلونت وازدهرت من جهة واكتسحت مجتمعنا ابواق غيرنا من المجتمعات الاخرى ..فاصبح لدينا كما هائلا من شتى الانواع واحدثها..الا ان ابواقنا التقليدية البالية مازالت تدافع عن وجودها ومكانتها بيننا...فلايكاد يخلو فرح او مناسبة منها ..وقد اعتمد الكثير من الناس على الابواق بانواعها في الدعاية والاعلام ..فصرنا نسمع الاصوات .تشرقع ..وتاتينا الاغاني حيث وجدنا وذهبنا..قابلين ومعها فرحين شايخين..او رافضينا ..لاعنين..سابين ..شاتمين..وان تحتد الظاهرة وتزداد حدة في فصل الصيف مع الاعراس والختان والحفلات والمهرجانات...او سيارات وشاحنات ..صباحا ..مساءا..وفي كل الاوقات...شوية فاطمة بوساحة..والشيخ العفريت..وشوية بومزيود..لوصيف.جرمانة.حبوبة.ودنيا..وشوية قصبة .صاليح..قيزاني..فيالة..ودرياسة..وفزاني مرتاح ..اجواء البادية ..ومجاريح الراي ..وبين الاغنية والاخرى ..البصل ..ب800والبطاطا1200والفلفل الحار والقرع العربي.والجلبانة الغلبانة الحلوة المزيانة...وينكم ياشرايا ..والبوق يشرقع..يازوالي ..يابو العيلة..ايجا شوف وماتشريش..والبعض الاخر بياعة ماعون .سرابس بلار على كل لون ياكريمة ..وينك يا مولاة الدار ..وينك يااللي تحب تجهزي واتعرسي..واكسي صغارك يازوالي ..والبوق يشرع ..وكان ناوي ترتاح شوية وترقد نهير احد تلقاها كاركة..على صبحة ربي قول الستة ..قول السبعة امتاع الصباح ..تقوم مفجوع ..ملكوع ..على الفزاني ..وماعليك كان تتحزم بفولارة..واتدور مسلانك..واتقيم المرا والصغيرات امتاعك ..هاو الجو ..هاو الجو...ويخلف على سي البوق ....
    وبرا عاد كيف تدخل الاسواق ..وخاصة الاسبوعية ..زردة ..وفزعة ..واجري والا ماتخلطشي..كل شيء بلاش ..هاو سربيس بخمسة لاف..زيده هاالكاس بلاش..زيده هاالصحين بلاش..زيده صحفة العصيدة بلاش ..زيدة هالحلاب بلاش..والناس حضب ..حضب..تعفس في بعضها البعض..ودزني واندزك ..وسعدك يااللي وصلك التور..وقول يخلف على سي البوق اللي ناداني...
    اما قبل كنا نسمعوا الابواق عادة في المهرجانات والاحتفالات ..ايها المواطنون ..ايتها المواطنات ..تسهروني الليلة مع ..فكونوا في الموعد..والا في بعض الاجتماعات ..التي تتطلب ابواقا ..باش الناس تسمع ..بالله علي وزيد شوية في الصوت رانا ما سمعنا شيء..اخي الابواق امتاعكم ما تسمعشي..والا ما تحبوناش نسمعوا...وهنا الواحد يتساءل اخي قبل في العصور السابقة ماهو قالوا ثما مسرح ..وبالامارة الاثار اللي مازالت باقية كيف مسرح قرطاج وغيرها..كيفاش تسمع الناس من غير ابواق..انا يظهرلي والله اعلم اللي الناس وقتها تسكت بكلها وتركز وتفهم الممثلين في كل كلمة ينطقوها ..اما توا مئات من الابواق وياربيش واحد يسمع جملة ويفهمها...
    انا ياجماعة يظهرلي طولتها الحكاية وامصاتت..وماوصلتش للابواق اللي بيها الفايدة اللي حبيت نحكي عليها بالرسمي..انشاء الله تعرفوها واحدكم هاالابواق اللي يملا وايفرغ بيها المجتمع...
    والمعذرة عن الاطالة
    مع الشكر للجميع

    :dance::dance::kiss::easter::satelite:
     
    17 شخص معجب بهذا.
  2. MED*AZIZ

    MED*AZIZ نجم المنتدى

    إنضم إلينا في:
    ‏27 جويلية 2008
    المشاركات:
    1.672
    الإعجابات المتلقاة:
    6.241
      28-05-2009 19:48
    والله يا اخي نحن نخاف البوق الذي يسمع اذن واحدة...
     
    7 شخص معجب بهذا.
  3. MRASSI

    MRASSI كبير مراقبي المنتدى العام طاقم الإدارة

    إنضم إلينا في:
    ‏3 أكتوبر 2007
    المشاركات:
    43.130
    الإعجابات المتلقاة:
    83.146
      28-05-2009 19:57
    البوق يا صديقي شعار لليهود في النداء به للعبادة، والمسلمون قد أبدلوا للنداء بالصلاة بشعيرة الأذان، عن بوق اليهود، وناقوس النصارى، ونار المجوس، والحمد لله.
     
    5 شخص معجب بهذا.
  4. DAJOUN50

    DAJOUN50 عضو مميز

    إنضم إلينا في:
    ‏21 أوت 2008
    المشاركات:
    1.106
    الإعجابات المتلقاة:
    2.922
      28-05-2009 19:58
    اذا كنت تقصد ابواق السيارات : خوك يضرب 17 ساعة في circulation نخدم بالكرهبة والاعصاب مشدودة ومركز في الطريق وفي الي يتعلم ..والزلقة بفلقة ..غفلت لحظة مشيت غبر ..يجي عبد تحت العجلة ..باصيت ..ربي يقوينا ويصبرنا واكاهو

    بالنسبة للابواق السياسية ; العالم اجمع لايخلوا منها ..ربي يهدي واكاهو ...هذك هي الدنيا

    وهو ايضا
    شعار لليهود في النداء به للعبادة

    مع تحياتي :kiss:
     
    3 شخص معجب بهذا.
  5. كمال64

    كمال64 عضو فريق عمل المنتدى العام

    إنضم إلينا في:
    ‏26 أوت 2008
    المشاركات:
    2.264
    الإعجابات المتلقاة:
    18.927
      28-05-2009 19:58
    بديت ندوخ..وبديت ندخل بعضي..ماعدتش نفهم..البوق اللّي تحكي عليه...يتكلّمو بيه وإلاّ يسمعو بيه؟؟؟ هو خليقة وإلاّ صنيعة؟؟يعني هو لحم ودم وإلاّ حديد وتلّ؟؟ يمشي بالضوّ وإلاّ بالهواء...خويا المنّاعي ...نفكّر ونجيك...
     
    9 شخص معجب بهذا.
  6. le_tunisien

    le_tunisien عضو فعال

    إنضم إلينا في:
    ‏21 سبتمبر 2007
    المشاركات:
    382
    الإعجابات المتلقاة:
    728
      28-05-2009 20:07
    ولله ظحكتني اما فما بوق نسيت ماجبتش عليه
    بوق قد ماتنفخ فيه ميطلع حتي صوت ٠٠٠٠٠٠٠ عرفتوش
     
    2 شخص معجب بهذا.
  7. DAJOUN50

    DAJOUN50 عضو مميز

    إنضم إلينا في:
    ‏21 أوت 2008
    المشاركات:
    1.106
    الإعجابات المتلقاة:
    2.922
      28-05-2009 20:31
    أبواقٌ فارغة
    تنادي رغم ضعفها
    تزمجر رغم هشاشتها
    تُفرغُ صهيلها في آذان العابثين
    تبثُّ سمومها في أفواه اللاّهين
    تعانقُ القلوب في صدور القاتلين
    عليَّ عليَّ....انثنوا عليَّ
    مدويةٌ ،مؤرِّقة،تافهة
    هي صنابيرٌ من دخان
    هي صناديدٌ من ألحان
    هي عناوينٌ من دهان
    قبورٌ،وحشةٌ،ترنيمةٌ

    في هذه الدنيا يا صديقي الباهي والخايب موجود ...الابواق هذه لا عندها لا خدمة ولا قدمة ..كون مشت تخدم علي ارواحها و تكون روحها كان خير
    مع تحياتي :tunis:
     
    3 شخص معجب بهذا.
  8. med yassin

    med yassin كبير المراقبين طاقم الإدارة

    إنضم إلينا في:
    ‏20 ديسمبر 2007
    المشاركات:
    23.035
    الإعجابات المتلقاة:
    85.159
      28-05-2009 21:40
    آش نعملو بالله كيف عندنا جماعة "تسمع و تفلت", مش لازمهم بوق برشة , لازمهم فرقة
     
    3 شخص معجب بهذا.
  9. DAJOUN50

    DAJOUN50 عضو مميز

    إنضم إلينا في:
    ‏21 أوت 2008
    المشاركات:
    1.106
    الإعجابات المتلقاة:
    2.922
      29-05-2009 00:01
    ربي يهدي ..مولاها ربي [​IMG]
     
    1 person likes this.
  10. عم حمزة

    عم حمزة نجم المنتدى

    إنضم إلينا في:
    ‏6 أفريل 2009
    المشاركات:
    4.018
    الإعجابات المتلقاة:
    24.408
      29-05-2009 10:15
    ما دوخش يا صديقي الابواق اللي يقصدها خليقة ما هياش صنيعة عندها أربع أعين ودوبل ودنين على اليمين ودوبل على اليسار وأواكس فوق الراس وزيدهم اتبندير وطول اللسان ..هاني سهلتلك طلع اشكون
     
    4 شخص معجب بهذا.

مشاركة هذه الصفحة

جاري تحميل الصفحة...