• كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها

إهداء إلى شباب المنتدى

h_taoufik

عضو نشيط
إنضم
28 فيفري 2008
المشاركات
288
مستوى التفاعل
610
:besmellah1:

إلى كلّ شباب هذا المنتدى و إلى كلّ غزّاوي مرابط، أهدى هذه القصيدة باللّهجة المصريّة( لأحمد فؤاد نجم )​

التحالف

يعيش اهل بلدى وبينهم مفيش
تعارف يخلى التحالف يعيش
تعيش كل طايفه من التانيه خايفه
وتنزل ستاير بداير وشيش
لكن فى الموالد يا شعبى يا خالد
بنتلم صحبه ونهتف يعيش
يعيش اهل بلدى
يعيش المثقف على مقهى ريش
يعيش يعيش يعيش
محفلط مزفلط كتير الكلام
عديم الممارسه عدو الزحام
بكام كلمه فاضيه وكام اصطلاح
يفبرك حلول المشاكل قوام
يعيش المثقف يعيش يعيش يعيش
يعيش اهل بلدى يعيش التنابله فى حى الزمالك
وحى الزمالك مسالك مسالك
تحاول تفكر تهوب هنالك
تودر حياتك بلاش المهالك
لذلك
اذا عزت توصف حياتهم
تقول الجياه عندنا مش كذلك
وممكن تشوفهم فى وسط المدينه
اذا مر جنبك أتومبيل سفينه
قفاهم عجينه كروشهم سمينه
جلودهم بتضوى دماغهم تخينه
سنانهم مبارد تفوت فى الجليد
ما فيش سخن بارد بيكلوا الحديد
ما دام نهر وارد وجاى م الصعيد
تزيد الموراد كروشهم تزيد
وتسمع وتسلم بأن التنابله أو الأكلين
حيسمع كبيرهم ويعمل مقابله مع الفلاحين
ويحصل تحالف ما بين الجميع
ونملا المصارف بدم القطيع
أطيع الخليفه وأطيع والديك
دا مفروض عليك
تزرع وتبعت لحى الزمالك
وحى الزمالك مسالك مسالك
تحاول تفكر تهوب هنالك
تودر حياتك بلاش المهالك
لذلك
أذا حد جابلك سيرتهم تبسمل تكبر
وتهتف كذلك يغيش التنابله
يعيش يعيش يعيش
يعيش اهل بلدى
يعيش الغلابه فى طى النجوع
نهارهم سحابه وليلهم دموع
سواعد هزيله لكن فيها حيله تبدر تخضر جفاف الربوع
مكن شغل كايرو ما يتعبش دايره
لا ياكل ولا حتى يقدر يجوع
يا غلبان بلدنا يا فلاح ياصانع
ياشحم السواقى يا فحم المصانع
يا منتج يا مبهج يا آخر حلاوه
يا هادى يا راضى يا عاقل يا قانع
ما تتعبش عقلك فى شغل السياسه
وشوف انت شغلك بهمه وحماسه
وعود عيالك فضيلة الرضا
لأن احنا طبعا ...عبيد القضا
ورزقك ورزقى ورزق الكلاب
دا موضوع مؤجل ليوم الحساب
كمان الصحافه جتكتب فى حالتك
وتنشر مناظر لخالك وخالتك
وتتطلع يامسعد عليك الغناوى
وتسمع بأسمك فى قلب القهاوى
تحبك مشيره وبنات الجزيره
وقصة غرامك تشيع فى الرداوى
يعيش عم مسعد
يعيش يعيش يعيش .
 

محسن الفقي

كبير مسؤولي منتدى الشعر والأدب
طاقم الإدارة
إنضم
28 جويلية 2008
المشاركات
5.083
مستوى التفاعل
18.178
مشكور على جهدك ايها الجميل و لك في منتدى الاغاني الملتزمة دعما صوتيا لنفس هذه الاغنية...

لك وردة..
 

nadime

كبار الشخصيات
إنضم
20 ديسمبر 2006
المشاركات
2.225
مستوى التفاعل
9.045
لك الإهداء كما للشباب كما لكلّ من فهم الرسالة
أهديتنا وردة من جنان الشعر تفوح رائحتها لتبلغ أنوفنا المزكومة برخيص العطور التي ما استطاعت أبدا أن تنزع عنّا روائح الانكسار العفنة
على أمل القضاء على انفلونزا الحصار والهزيمة والنكسة ألقاكم
كلّ الود
 
أعلى