خاص للبنات اللي بالموقع هذا انتبهوا من هالشي هذا

الموضوع في 'الجمال والأناقة والموضة' بواسطة وائل هيب هوب, بتاريخ ‏6 أفريل 2007.

حالة الموضوع:
مغلق
  1. وائل هيب هوب

    وائل هيب هوب عضو

    إنضم إلينا في:
    ‏23 ديسمبر 2006
    المشاركات:
    2.401
    الإعجابات المتلقاة:
    775
      06-04-2007 20:53
    بسم الله الرحمن الرحيم

    السلام عليكم ورحمه الله وبركاته

    اختي بالله
    تدرين انها مصيبة لما تكونين جالسه في بيتك وماتحركتي من مكانك والسيئات تجيك من كل مكان

    الانسان شنو يبي من هالدنيا؟؟ اكيد يبي رضا الله عز وجل

    لاتقولين شنو السالفه وش سويت انا تقولي كل هالكلام السالفه

    ادري انك في بيتك شريفة وعفيفة لكن يااختي مافكرتي بالصورة اللي حاطتها في مكان التوقيع؟؟؟

    اقصد الصورة اللي شبه عارية صورة ممثلة او مطربة اللي يصير مافكرتي انك مو بس انتي اللي تشوفينها !! معاك عالم كثير يشوفونها وتخيلي كل انسان يشوف هالصورة اللي شبة عارية يكسب ذنب اذا قام يتأمل فيها ويطالعها بشهوه

    هو يكسب ذنبه لكن انتي تكسين ذنبه وذنب كل من طالعها وتخيلي كم شخص يشوفها باليوم؟ وبالاسبوع؟ وبالشهر والسنة؟؟

    نبي نقول باليوم يشوفونها عشره يعني كم سيئه؟ الله اعلم وخلينا نقول اللي يشوفونها بالاسبوع سبعين يعني كم سيئه؟ الله اعلم

    طيب اذا الشهر والسنه يشوفونها الف؟ او اكثر كم سيئة حصلتي من ورا هالصورة اللي شبة عارية؟ واذا مثلا كل شخص تكسبين من وراه سيئة يعني الف سيئة بالسنه؟ هالشي هذا مايخوف؟ اختي تسوا عليك انك تحطين ممثلة او مطربة لابسة لبس مغري وتحصلين من وراهم ذنوب وانتي جالسه في بيتك وماتحركتي؟

    تستاهل هالمطربة اللي كرست حياتها للمعاصي انك تحشرين معاها يوم القيامة وانتي عمرك ما غنيتي ولا مثلتي؟؟ تصلين وتصومين واخرتها تحشرين مع هالعاصيات؟

    فكري بعقلك يااختي وتوبي ترا باب التوبة مفتوح

    وترا الله عز وجل يفرح بتوبة العبد , يفرح لما ترجعين له وتقولين ياربي تبت لك خلاص ماراح احط صورة بالمنتدى شبة عارية او احطها مكان اسمي او تحت الاسم او عند التوقيع ياربي ماكنت ادري ان هالشي حرام كنت غافلة ولاهية بالدنيا لكن ياربي مادمها تغضبك راح اشيلها من هاللحظه هذي

    اختي هذي نصيحتي لك لاني اخاف عليك من يوم ماينفع الانسان الا عمله الصالح
    الصور راح تصير حسرة وندامة يوم القيامة لكن طاعتك لله راح تصير راحه وسعادة في ذلك اليوم

    وتخيلي يااختي او يااخوي لما نحط بدال الصورة آية او حديث من احاديث الرسول صلى الله عليه وسلم وكل من يقراه لكم اجر وتخيلوا على مرور السنين كم تكسبون اجر على هالشي

    بصراحه منو احسن تكسبون اجر من خلال آية او حديث حاطينه توقيع وكل ماشافوها اخوانا رددوا الآية او الحديث واستفادوا منه ولا احسن تحطون صورة وكل ماشافوها الناس حصلتوا سيئات من وراها؟؟

    الرسول صلى الله عليه وسلم يقول(المرأة عورة وإنها إذا خرجت من بيتها استشرفها الشيطان فإنها أقرب ما تكون من الله في قعر بيتها

    خواتي ترا شعر المرأة عورة فمابالكم لو طلعت اليد كامله من الاصابع للكتف انتبهوا للامر هذا جزاكم الله خير

    عسى ربي يثبتكم على طاعته

    وجزاك الله خير ان نشرتي هالموضوع لخواتك

    وجزاه الله خير من اعان على نشر هالموضوع لخواتنا اللي ماعندهم فكرة عن هالشي هذا

    سبحان الله وبحمده سبحان الله العظيم

    والسلام عليكم ورحمة الله وبركاته
     
    أعجب بهذه المشاركة fatena

جاري تحميل الصفحة...
مواضيع مشابهة التاريخ
اصنعي من بقايا ملابسك ‏29 فيفري 2016
حالة الموضوع:
مغلق

مشاركة هذه الصفحة

جاري تحميل الصفحة...