1. كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها
    إستبعاد الملاحظة

الة الزمن

الموضوع في 'أرشيف المنتدى العام' بواسطة وائل هيب هوب, بتاريخ ‏15 أفريل 2007.

حالة الموضوع:
مغلق
  1. وائل هيب هوب

    وائل هيب هوب عضو

    إنضم إلينا في:
    ‏23 ديسمبر 2006
    المشاركات:
    2.401
    الإعجابات المتلقاة:
    775
      15-04-2007 13:51
    الة الزمن


    أشرف وعلياء حبيبين مخطوبين منذ فترة0 دراسوا معا وتخرجوا معا من كلية الهندسة00عمل أشرف كمهندس للكهرباء 0وعلياء مهندسة مياه
    ورغم طول فترة خطوبتهم والتى تخطت الخمس سنوات 0الا أن أشرف لم يستطع توفير اى شىء من أجل زواجهما 0حتى شقة الزوجية لم يسطتع توفيرها او حتى الحصول على غرفة0 وبعد مرور كل هذه الفترة على خطوبتهما يئس والد علياء نهائيآ من أشرف0ورغم كل الحجج التى أدعتها علياء وحاولت بها مساعدة حبيبها وخطيبها اشرف لتخطى محنتهما0 الا انا الوالد كان قد قرر فسخ الخطبة



    فى منزل والد علياء


    الأب - يأبنى أحنا صبرنا عليك كتير والبنت بتكبر يوم بعد يوم وانت مابتقدمش بخطوة ايجابية لغاية دلوقتى00وكلام الناس كتر وكله بيسأل مين الشاب اللى طالع نازل ده0 فخلصنا بقى يا تجوز يا كل حى يشوف طريقه منين
    أشرف –يا عمى وأنا فى مقدرتى أعمل ايه ومعملتهوش 0الشقق نار0الحياة بقت صعبة0الجمعيات قضمت ضهرى

    الأب- يأبنى الكلام ده أنا بأسمعه منك من خمس سنين هو معندكش غيره0 شوف يأبنى من الأخر لو ناوى تتجوز وجاهز تأخدها ولو فى أوضة0أهى قدامك لو عايز تجوز كان بها0لو موش جاهز يبقى خد شبكتك ويادار مادخلك شر0وكل شىء قسمة ونصيب


    تحاول علياء التدخل وبعد الرجاء من جانبها وبعض الضغط من جانب والداتها0 يوافق والداها على منح أشرف فرصة أخرى لمدة شهر على ان يجهز سكن لزوجية ولو حتى من غرفة واحدة

    بعد أسبوع يذهب أشرف الى صديقى الوحيد غريب الاطوار (ناجى) 0وناجى مهندس أيضا ولكن مهندس عبقرى ومجنون الى حد ما0وهو متخصص فى مجالات هندسية عديدة فى الالكترونات والميك****ا وعلوم الفضاء والفلك بالاضافة لاهتمامته الفيزيائية وأشياء اخر كثيرة ورغم كل ذلك هو دائما بلا عمل نظرا لان عبقريته تخيف الناس منه0وداخل معمل ناجى الموجود فى بيت جده القديم 00جلس أشرف يسأله


    أشرف - أعمل ايه يا عبقرينو0البنت هاتروح منى0وأبوها مصمم على الفركشة 0وبيعجزنى تصدق انه مهلنى شهر واحد بس عشان أجهز فيه
    ناجى – الرجل مقصرش معاك فى حاجة على حسب كلامك0وعطالك بدل الفرصة عشرة كفاية انك بقالك خمس سنين داخل خارج واكل شارب
    أشرف- ايه يا عبقرينو أنت معايا ولا معاه0 طيب قولى أعمل ايه دلوقتى
    المهلة بتفوت زى الصاروخ ومر أسبوع ولسه ما عملتش حاجة
    ناجى- روحوا الصحراء و أبنى بيتك هناك0أنتم مهندسين أنت توفر الكهربا وهى توفر الميه0وأزرعوا الارض وعيشوا من خيرها0 مشكلتك انك عايز تعيش فى المدينة0والمدينة مفيهاش خرم ابرة 0ولو فى يبقى للى معاه انت معاك؟
    أشرف- صحرا ايه بس أنت بتعقدها ليه 0نسيب حالنا ونروح الهو
    ناجى- خلاص بقى أستحمل 0هو ده زمنا وهى دى عيشتنا
    أشرف – أنا موش عايز الزمن ده 0ده زمن أغبر0أنا عايز اعيش فى زمن تانى وحياة تانية


    تبرق عين ناجى فى غموض ويعود ويسأله

    تحب تعيش فى الماضى ولا فى المستقبل
    أشرف – بتتريق حضرتك
    ناجى – لا بجد لو فى أيديك أنك تختار 0هاتختار ايه
    أشرف – طبعا المستقبل مين يرضى يعيش فى الماضى
    ناجى – للأسف المستقبل ماتقدرش تعيش فيه الا خمس شهور الماضى تقدر تعيش فيه خمس سنين
    أشرف – انت بتهلوس يا ناجى ولا قعدتك لوحدك جننتك فعلا زى مالناس بتقول و00000000
    يقاطعه ناجى- أنا اخترعت الة الزمن
    أشرف – مين حضرتك بالظبط (جولى فيرن) ولا (هربرت جورج يلز) ولا تكون فاكر نفسك ( اينشتاين )
    ناجى- ماتتريقش حضرتك أنا فعلآ اخترعت الة الزمن0واهى قدامك ايه
    يشير الى جسم كبير الحجم على شكل بيضة تتسع لشخصين وبها بعض الاجهزة
    أشرف – ايه دى بيضة 0بيضة ايه دى ديناصور0هى دى الة الزمن العجيبة اللى اخترعتها0 بس لو زى مأنت بتقول يبقى أنت كده اخترت لعلياء انها تموت 00 لان علياء أستحالة تقعد خمس سنين بره البيت ان كان على خمس ساعات ممكن
    ناجى – الزمن نسبى يا بشمهندس أنت نسيت نظرية النسبية ولا ايه0 وأى فترة هاتقعدوها فى اى زمن موش هاتتحسب بمجرد رجوعكم الا طبعا لو استمريتم فى الزمن اللى تختاروه0 حتى الاحداث الى هاتمروا عليكم موش هايكون لها اى تاثير أيدلوجى عليكم0
    أشرف – وافرض اتجوزنا هناك ورجعنا هنا واتفسخت الخطوبة
    ناجى – ولا كأن حاجة حصلت كأنكم شبحين فى زمن تانى 0 واى حاجة تانية هاتحصل يبقى كأنها كانت حلم
    أشرف – أنت بتكلم بجد طيب0انت جربتها ولا عايز تجربها فينا
    ناجى- طبعا جربتها
    اشرف – وايه رايك أى زمن أحسن الماضى ولا المستقبل
    ناجى – الزمن اللى احنا فيه أفضل بالنسبة لنا
    اشرف – ازاى0000000 ناجى - جرب وأنت تعرف


    بعد أسبوع أخر0أخيرا 00أستطاع أشرف اقناع علياء بالفكرة0ورغم عدم تصديق علياء لوجود مايسمى بالة الزمن واقتنعاها الشديد ان ناجى اما مجنون او مسطول دائما الا انها وتحت الحاح أشرف قررت المغامرة


    ناجى – تحبوا ترجعوا كام سنة0الحد الأقصى للألة 100 سنة سواء للماضى أو للمستقبل 0
    أشرف- من 100 سنة فى الماضى كان فى كهربا

    ناجى؟00 تقريبا كان فيه فى سبع تمن قصور الباقى كان عايش على لمبات الجاز او كلوبات الغاز00لو عايزين فترة تكون الكهربا ابتديت تنتشر فيها0ممكن ارجعكم حوالى سبعين سنة كان فى كهربا صحيح ماكنتش منتشرة لكن دبروا اموركم0وبالنسبة للمستقبل هانخليها زى ماهى مية سنة

    يبقى رحلتكم للماضى هاتبتدى من سنة 1937 ورحلتكم للمستقبل هاتكون سنة 2107 الالة جاهزة للعمل أتوماتيك0 ونقطة الهبوط فى الماضى او المستقبل هاتكون نفس المكان اللى انتم فيه دلوقتى0 فى الماضى كان مخزن
    فى بيت جدى وفى المستقبل هايبقى خرابة انشاء الله0 ولو حبيتو تنهوا الرحلة وترجعوا لأى سبب من الأسباب تعدل0 العداد ده وتضغط الزر ده و,,,,,,,,,,,,,, خلاص فاهمين تمام يالله على بركة الله
    يقوم اشرف وعلياء بتغير ملابسهم قبل الرحلة حسب نصيحة ناجى 0لتكون ملائمة لملابس العصر المتجهين اليه بعدها يتجهوا الى اله الزمن متخوفين ومترددين ينظر أشرف الى العدادات والازرار فى توتر 0ويبسمل ويحوقل ويتشاهد ويضغط على زر التشغيل ثم؟؟
    هزات خفيفة وومضات سريعة لبعض الوقت وينتهى كل شىء


    علياء – هو احنا كده وصلنا
    أشرف – موش عارف بس تقريبا حصل
    علياء - احنا فين بالظبط
    أشرف – فى بيت جد ناجى سنة 1937
    علياء – وهانعمل ايه دلوقتى
    أشرف – نخرج ونشوف الدنيا عامله ايه وازاى


    الحياة فى سنة 1937 تختلف بالكامل عما نعيشة الان فى عام 2007 الشوارع غير مزدحمة وراقية الى حد كبير ووسائل المواصلات غير كثيرة ولكن موجودة فالسيارات فقط للطبقات (الملتى سوبر اغنياء)
    وباقى الطبقات يستعملون أما الترام أو الدوكار(الحنطور) أو الكارو,, والمساكن أيضا مختلفة0فاما قصور وفلل عظيمة أسطورية أوربية الطراز
    أو عمارات جميلة الاشكال مضأة بالنيون او بيوت فقيرة عشوائية مهملة
    وحتى ملابس هذا العصر مختلفة بين الرجال القاسم المشترك هو( الطربوش) والملابس اما الجلباب أو القفطان والجبة او البدل الافرنجية التى يرتديها الأفندية اما النساء فالغالبية يرتدون البرقع واليشمك وبعضهم يتمخطر فى ملايات لف0وقليلا يرتدى الملابس الافرنجية0ولكن الملاحظ فى هذا العصر0 هو سمة الجمال و البساطة وخفة الدم والمروءة فى الطبقات الشعبية البسيطة0 والذوق واللطف والاتيكيت فى الطبقات الراقية
    ولا يعكر صفو هذا المشهد 0سوى الدوريات الأنجليزية المستعمرةومظهر العساكر الانجليزبشكلهم الغليظ0وبنادقهم العتيقة المصوبة نحو الصدور0و ملابسهم العسكرية الكاكى والباريه الاحمر الشهير( ابو شريطة )

    بسرعة شديدة يلتحق أشرف بوظيفة فى كوبانية (الكهرباء) ويتطور بسرعة مذهلة ليعتلى اعلى المناصب فى الكوبانية0 بفضل رؤيته المستقبلية وأبحاثة فى تطوير الكهرباء0والتى لفتت رؤساء الكوبانية الانجليز طبعا0
    والذين قاموا بتحويل معظم أبحاثه سرا لانجلترا ؟؟؟؟ وأصبح راتبه يفوق رواتب غير ممن فى سنه مجتمعين0واخيرا ؟اتجوز علياء بعد ان اشترى لها دور كامل حوله لشقة واحدة فى عمارة كبيرة وشهيرة بوسط البلد أوربية الطراز
    ولكن الوضع لعلياء كان مختلفا فرغم السعادة الاولية بنجاحات أشرف
    الا أنها حزنت كونها لاتسطتيع العمل فى هذا العصر وبدأ تشعر بالغيرة من تفوقه ونجاحه المستمر00ثم انها علمت بوجود اكثر من علاقة فى حياته , أحداهما مع زوجة مديره الانجليزية والثانية مع أحدى بنات الطبقات الراقية والتى وعدته بالتوسط له لينال رتبة البكوية000وعلمت انه مقامر0وأنه يستعد للزواج عليها من أخت احد أعضاء الحزب البارز الذى أنضم اليه00بعد ان وعوده بوجود مكان له فى الوزارة الجديدة فى حالة نجاح الحزب,,,,ثم ؟

    أنفجرت علياء- كفاية يالله نرجع
    أشرف- نرجع فين انتى اتجننتى
    علياء – نرجع لحياتنا لبلدنا
    أشرف- ما احنا فى بلدنا هو احنا فى امريكا
    عليا- انا تعبت وزهقت من العصر ده كل يوم فى البيت وكل ما اخرج البس برقع ويشمك0وانت ترجعلى كل يوم بتطوح وريحة عرقك برفانات ستات تانية00
    أشرف- عيب كدة يا علياء انتى انسانة مثقفةومهندسة
    علياء- مهندسة00 هى فين دى المهندسة؟مهندسة من منازلهم وانت عمال تطلع وتكبر وانا الجارية اللى قعدالك فى البيت يا سى السيد0هى كلمة واحدة هارجع يعنى هارجع وده اخر كلام



    أخيرا وبعد صراخ وبكاء ينزل اشرف عن رغبة علياء ويقررا العودة والتنازل عن كل شىء من اجل عيون حبيبته 0ولكن قبل النهاية اتفقا على زيارة سريعة للمستقبل لاشباع فضولهما فقط وليس اكثر وبعدها يعودا الى حاضرهما

    يقوم اشرف وعلياء بتغير ملابسهم قبل الرحلة 0لتكون ملائمة لملابس العصر المتجهين اليه بعدها يتجهوا الى اله الزمن متخوفين ومترددين ينظر أشرف الى العدادات والازرار فى توتر 0ويبسمل ويحوقل ويتشاهد ويضغط على زر التشغيل ثم؟؟0
    هزات خفيفة وومضات سريعة لبعض الوقت وينتهى كل شىء


    علياء – هو احنا كده وصلنا
    أشرف – موش عارف بس تقريبا حصل
    علياء - احنا فين بالظبط
    أشرف – فى نفس مكان معمل ناجى سنة 2107
    علياء – وهانعمل ايه دلوقتى
    أشرف – نخرج ونشوف الدنيا عامله ايه وازاى


    الحياة فى سنة 2107 لاتختلف كثيرا عما نعيشة الان فى عام 2007 ولكن المنظر العام كان أشد كأبة الزحام فى كل مكان الكبارى والانفاق غطت كل شىء السيارات والحافلات لا بتطير ولا يحزنون فقط أصبحت أسرع من وقتنا الحالى
    المساكن اصبحت اكثر علوا وضخامة واكثر عشوائية ويبلغ عليها طابع الكأبة الملابس أيضا أختلفت أما ملابس عارية ومبتذلة جدأ00ولا تصلح الا لشواذ من الرجال او العاهرات من النساء00 أو ملابس شديد التدين جلبابا لكل رجل ونقاب لكل امراة 00وفيما بينهم قلة قليلة يرتدون ملابس عادية اكثر احتشاما بمراحل عن الاولى واقل التزاما عن الثانية وما يسىء لهذا العصر كثرة الجريمة والابتعاد عن روح الالفة والود بين الناس 0وأختفاء المروءة والشهامة حتى بين الطبقات الشعبية الجميلة0 ويزيد الصورة سواد وكأبة دوريات الشرطة المستفزة وعساكر الشرطة بملامحهم الغليظة وثيابهم اللامعة وبنادقهم الاشعاعية المصوبة نحو الصدور

    ونظرا لقلة المياه وندرتها فى هذا الوقت فلقد التحقت عليا وبسرعة خرافية بشركة من شركات التنقيب عن المياة ولاقت ابحاثها القديمة البدائية فى حفر الابار وتنقية مياه الشرب وكيفية أستغلالها0 استحسانا من الكل لانها اخرجتهم من وخمهم التكنولوجى وعاد بهم الى الاساليب اليدوية التى نتج عنها اكتشاف أكثر من بئر جوفى وبسرعة مذهلة تعلو علياء فى السلم الوظيفى بعد أن بسط لها مدير الشركة الاجنبية المنقبة عن المياه الصالحه
    كل الامكانيات واكثر من هذا أعطاها0 وأشرف غرفة منفرده فى أحد البانيات
    وهو الامر الذى اثار حفيظة الجميع لكونها تستمتع بغرفة منفردة مع زوجها فى زمن أصبح التعداد فيه يصل الى ثلاثة مليارت نسمة والجميع يسكنون فى غرف مشتركة00 ورغم كل شىء لا يسعد00 أشرف وجد نفسة معزول بغرفته بعد رفض الجميع لافكارة البدائية فى الكهرباء0 حقد على علياء التى ارتفعت وعلت فوقه وتناهى الى مسامعه سهرها مع مديرها كل ليلة,,, ثم ؟؟؟

    انفجر أشرف - كفاية يالله نرجع
    علياء- نرجع فين انت اتجننت
    أشرف – نرجع لحياتنا لبلدنا
    علياء- ما احنا فى بلدنا هو احنا فى امريكا
    أشرف- انا تعبت وزهقت من العصر ده كل يوم فى البيت – لا شغله ولا مشغلة قاعد فى البيت ومراتى بتصرف عليا زى خروف البيت0بقت ايه فى النهاية0جوز الست
    علياء- عيب كدة يا أشرف انت انسان مثقف ومهندس
    أشرف - مهندس 0هو فين ده المهندس؟مهندس من منازلهم هى كلمة واحد هانرجع يعنى هانرجع وأنتهينا على كده




    أخيرا وبعد سباب وعراك تنزل علياء على رغبة أشرف ويقررا العودة والتنازل عن كل شىء من اجل حبهما

    يقوم اشرف وعلياء بتغير ملابسهم قبل الرحلة الى حاضرهما0 بعدها يتجهوا الى اله الزمن متخوفين ومترددين ينظر أشرف الى العدادات والازرار فى توتر 0ويبسمل ويحوقل ويتشاهد ويضغط على زر التشغيل ثم0 ؟؟؟؟
    هزات خفيفة وومضات سريعة لبعض الوقت وينتهى كل شىء

    ثم يجدون أنفسهم وجها الى وجه ناجى الماكر بابتسامته المعتوهة الغريبة00و-

    حمد لله على السلامة لاقيتوا ايه أحسن الماضى ولا المستقبل
    يغادراه بلا كلمة واحدة 0ويشيعهما بنظرته وهو يطلق ضحكة ساخرة وماكرة

    فى الطريق الى منزل علياء

    علياء- هاتعمل أية دلوقتى قدامك اسبوعين وتخلص المدة
    أشرف – ربك يسهل واللى فيه الخير يقدمه ربنا


    ولكن المدة تنتهى ,,وتنتهى معاها أحلامهما بعد رفض والداها كل توسلاتها ودموعها وتشفعات والدتها

    بعد أسبوع وفى معمل ناجى0أشرف فى حالة انهيار كامل

    انا زهقت خلاص من البلد والعيش والعيشه واللى عايشنها
    ناجى-هو ده واقعنا ماتكفرش بالله 0وانشاء الله ربنا يرزقك ويعوضك عنها
    أشرف- أنا عايز اخرج من الواقع ده أخرج من العالم ده من الكوكب ده
    ينظر اليه خالد فى غموض ومكر 000ثم؟ تحب تعيش على أى كوكب
    أشرف- بتقول ايه
    ناجى- من ابحاثى اكتشفت حوالى خمس كواكب مأهولةوملائمة لمعيشة البشر وحتى كائناتها لطيفة ومسالمة وتتقبل بترحاب التعايش معاها فى سلام و,,, يقاطعه أشرف- أنت رجعت للهلوسة مرة تانية يا ناجى
    يرد ناجى فى ثقة – انا بتكلم بجد00أنا اخترعت الة للسفر عبر الكواكب0و دى الة مدهشة بتختصر ال,,,,,,,,,,

    ويقاطعه سقوط أشرف مغشيا عليه

    تمت
     
  2. Saddem2006

    Saddem2006 نجم المنتدى

    إنضم إلينا في:
    ‏23 أكتوبر 2006
    المشاركات:
    2.676
    الإعجابات المتلقاة:
    107
      15-04-2007 14:00
    الله عليك يا أخي
     
  3. وائل هيب هوب

    وائل هيب هوب عضو

    إنضم إلينا في:
    ‏23 ديسمبر 2006
    المشاركات:
    2.401
    الإعجابات المتلقاة:
    775
      15-04-2007 18:41
    merci mon freer
     
حالة الموضوع:
مغلق

مشاركة هذه الصفحة

جاري تحميل الصفحة...