• كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها

مشروع مستحيل كان يكمل في صفاقس ؟؟؟؟

robben0906

كبير مسؤولي منتدى الهوايات والترفيه والترحيب
طاقم الإدارة
إنضم
25 جويلية 2008
المشاركات
6.692
مستوى التفاعل
30.582
كل المنجزات و المشاريع بدأت و تمت في مواعيدها المحددة إلّا مشروع محوّل بوعصيدة طريق تونس.... 3 سنوات !!!! نعم 3 سنوات و الأشغال شهر تمشي و 3 أشهر واقفة !!!!!! المواطنين فدّوا وأرواحهم طلعت من الحفر و الطرقات الرديئة و خاصة من إختناق حركة المرور في هذه النقطة و البلدية عاملة فيها مولى الدار موش هوني.... فإلى متى هذا الإستهتار ومتى سيرى هذا المشروع النور ؟؟؟ أنا شخصيا أشك في ذلك..
 

willi20

عضو فعال
إنضم
28 فيفري 2008
المشاركات
523
مستوى التفاعل
996
صحيح كلامك اخي الكريم لكن فلنصبر قليلا مضى الكثير و لم يبقى الا القليل
سمعت ان المقاول في أزمة مالية خانقة واذا صبرنا عليه ربما تنفرج اوضاعه
و لا تتشرد مئات العائلات اما اذا ضغطنا عليه فربما يحصل ما لا يحمد عقباه
و هذا هو نفس موقف وزارة التجهيز
 

DAJOUN50

عضو مميز
إنضم
21 أوت 2008
المشاركات
1.108
مستوى التفاعل
2.919
صار لتو مازال :bang: سمعت انه في ازمة مالية تو يجي عامين من وقت اسعار البترول وصلت 145 دولار
 

bacsciences

عضو جديد
إنضم
12 أكتوبر 2009
المشاركات
36
مستوى التفاعل
24
كن ج المشروع في سوسة ولا في تونس رهو اكمل عند عامين أما هو في صفاقس وقتها تولي المشاكل المادية والخدمة الخايبة ربي يهدي
 

walid tounsi

مشرف سابق
إنضم
26 ماي 2009
المشاركات
5.301
مستوى التفاعل
19.679
يا ولادي يزي من التقطيع والترييش المشروع مكلف بصراحة كي ترا الأشغال سوف تلاحظ ضخامة المشروع

أنا نستنى وقتاش يوفى لأنوا باش يحل أزمة المرور في المركز هذاكا و منارة صفاقس في طريق تونس...

ربي معاهم و ربي مع المقاول
 

Hamdi-Sfax

صديق المنتدى
إنضم
14 أكتوبر 2009
المشاركات
9.176
مستوى التفاعل
32.461
في تونس العاصمة تجي تعد المحولات تغلط من كثرتهم وحنا "فوق 3 سنين" و مازال الشطر الثاني متع المحول الاول في صفاقس مكملش!

نزيدك زيادة -بخلاف الاختناق المروري- ياسر تراب و حجارة ملقاة على الطريق: كي تاقف الخدمة على الاقل ينظفوا الطريق مش الديار اللي غاد معبيين بالغبرة واللي يتعدى بكرهبتوا يبدى خايف لطيحلو boite vitesse من كثرة الحفر و الحجارة!

 

ahmad ammar

عضو مميز
إنضم
24 جوان 2007
المشاركات
948
مستوى التفاعل
1.670
اللي يحكيو على ضخامة المشروع ظاهرلي هالقنطرة اصغر من محولات برج الوزير وسكرة وابو نواس اما عادي المشروع في صفاقس ما يصير كان ما يكرهونا فيه
مدة عام سمعت مسؤول في الاذاعة قال جويلية 2009 تكمل
كل يوم نتعدى من غادي نشوف 4 خداما هذا اذا كان جاو واحد يقص في الحديد والاخر يطيب في التاي كان عطاوها لمرماجي الحومة راهو كملها
نحب نعرف شكون بدى قبل القنطرة ولا مطار النفيضة وعلا ش هالتعتيم الاعلامي على مشروع تبرورة والمحول بعد ما صرحوا انهم ماش يكملوا في صيف 2009
 
إنضم
6 مارس 2008
المشاركات
338
مستوى التفاعل
790
صفاقس مهياش بلاد سياحية و وجهة للسياح يشوفها التوريسة كيما سوسة و الحمامات و تونس العاصمة وجهة البلاد كان جات سوسة ولا تونس راهم عملو عشرين محول في 3 سنين اما لله غالب الدنيا زهرات

وبربي سؤال شنوا عملو في مشروع تبرورة شبي الحكاية بردة؟
 
أعلى